Eitt stökkbreytt tilfelli á Íslandi - sjúklingurinn líklega látinn

Eins og greint var frá fyrir skömmu stökkbreyttist svínsflensuveiran þegar hún blandaðist framsóknarvírusnum illvíga í kroppi þeirrar karlægu dækju, Framsóknarmaddömunnar. Síðan upp komst um tilvikið, hefur Maddaman verið í strangri sóttkví í súrheysturni áföstum Framsóknarfjósinu. Nú hafa lausafregnir borist af því að sú gamla sé þegar dauð, enda hafa fjósdvergar hennar á þingi borið þess glögg merki síðustu daga, að þeir hafi tapað því litla sem fyrir var af glóru milli eyrna þeirra.  

Ný tilfelli stökkbreytingar

Athugasemdir

[Jóhannes Ragnarsson, 6.12.2009 kl. 11:58]

Að gefnu tilefni, skal það upplýst, að myndin af Framsóknarmaddömunni, sem prýðir pistilinn hér að ofan, var tekin af þeirri gömlu þegar Halldór Ásgrímsson var yfirfjósameistari hjá henni og Finnur Ingólfsson aðstoðaryfirfjósameistari.

[Ingibjörg Guðrún Magnúsdóttir, 6.12.2009 kl. 12:19]

Áttirðu ekki við Jóhönnu Sigurðardóttir... og hennar fólk, horfin að sviðinu.

[Jóhann Elíasson, 6.12.2009 kl. 13:01]

Þú "gleymir" Steingrími Joð....

[Jóhannes Ragnarsson, 6.12.2009 kl. 13:20]

Ég hefi ekki enn fengið fregnir af, að Jóhanna og Steingrímur hafi lagst í bælið útaf stökkbreyttum framsóknarsvínsvírusi. En ég mun að sjálfsögðu greina frá því ef það gerist.