Leiðindadurgurinn Haaarde og landspítalabitlingurinn

Það verður áreiðanlega mikil skemmtun fyrir norðmenn að sjá og heyra leiðindadurginn Haaarde í sjónvarpinu hjá sér. Líklega mun hálf-norsarinn Haaarde kunngjöra hálf-löndum sínum, að hann hafi nýverið látið lítilþægan skósvein sinn, hr. G. Tóh-hórdarson, taka landspítabitlinginn af Alferð Framsóknarmanni og færa hann í hendur frú Haaarde, sem eins og kunnugt er, er manna slyngust í byggingu hátæknisjúkrahúsa sem vitað er um í heiminum. 

Geir H. Haarde í viðtali í norska sjónvarpinu í kvöld

Hin karllæga Sóley Tomm - fílí-bomm-bomm-bomm

...og þegar Sóley og félagar hennar í VG talar um að finna leiðir til að jafna hlutfall kynjanna í ráðum og nefndum verður allt vitlaust - sér í lagi hér í kommentakerfinu. Það er nefnilega ekki þannig að formaður ákveði hverjir skipi nefndir og ráð, heldur flokkarnir sem eiga aðild. Sóley er eini fulltrúi VG þarna inni.

Sjóræningjum af kvótabrasksættum sökkt

Hvenær verður íslenskum sjóræningjum af kvótabrasksættum sökkt, landsbyggðinni, sem og allri alþýðu í landinu, til heilla? Því fyrr sem þessir þrjótar lenda á botninum, því betra.

Sjóræningjaskipum sökkt við Sómalíu

Mogginn sparkar í LÍÚ-klíkuna svo um munar

Síðastliðinn föstudag, gerir leiðarahöfundur Morgunblaðsins sér hægt um vik og gefur kvótasukkurunum í LÍÚ þvílíkt drag í rassgatið, að þeir munu lengi ganga um með óbrag í munninum á eftir. Tilefni leiðarans er eymdarvæll Björgólfs Jónannssonar, á aðalfundi LÍÚ í síðustu viku, þegar hann, með grátanda tári, úttalaði sig um auðlindagjald í sjávarútvegi. Björgólfur þessi, sem er formaður auðlindaránssamtakanna LÍÚ, sagði m.a. úr ræðustóli, yfir hina glaðbeittu kvótabraskara:

"Á íslenzkan sjávarútveg er lagður sérstakur skattur, svokallað auðlindagjald. Þessi "snilldar"-uppfinning var af fræðimönnum rökstudd sem gjald á umframhagnað í sjávarútvegi – þ.e. hagnað umfram það, sem gerist í öðrum atvinnugreinum. En hvar er þessi umframhagnaður? – Við sem störfum í greininni höfum að minnsta kosti ekki orðið vör við hann. Það sem við sjáum er sérstakur landsbyggðarskattur, sem dregur máttinn úr sjávarútvegsfyrirtækjum og landsbyggðinni í samkeppni við annan atvinnurekstur. Til hvers? Hvaða rök eru fyrir því að skattleggja þann litla hagnað, sem er í greininni, um tugi prósenta umfram skattlagningu hagnaðar í öðrum atvinnugreinum? Spyr sá, sem hvorki veit né skilur."

Auðvitað er þetta orðbragð LÍÚ-formannsins í hæsta máta óskammfeilið og ósvífið. Enda varð leiðarhöfundi Moggans nóg boðið og afgreiddi Björgólf og hans leppalúða með miklum glæsibrag:

,,Er þetta ekki stórkostlegur málflutningur hjá þeim, sem telja sig sérstaka verndara landsbyggðarinnar?!Hverjir voru það, sem keyptu kvótann frá Bolungarvík og Ísafirði? Voru það ekki félagsmenn í LÍÚ? Hverjir eru það, sem hafa rústað sjávarþorp um land allt með því að kaupa kvóta og flytja hann á brott? Hafa það ekki verið félagsmenn í LÍÚ? Talsmaður hverra er Björgólfur Jóhannsson? Hann er talsmaður þeirra, sem hafa lagt þungar byrðar á lítil sjávarþorp um land allt með því að láta greipar sópa um þorpin, hirða kvótann og fara með hann á brott. Svo koma þessir sömu menn og tala um það sem sérstakan skatt á landsbyggðina að fólkið í landinu, eigendur auðlindarinnar í hafinu, ætlist til þess að þeir sem vilja nýta hana borgi gjald fyrir aðganginn að henni. Það hafa verið lagðar þungar byrðar á sjávarþorpin um Ísland allt. En þeir sem það hafa gert eru félagsmenn í LÍÚ, sem hafa ýmist selt kvótann í burtu eða keypt og flutt hann í burtu. Þessir menn eiga sízt af öllum að tala um landsbyggðarskatt, þegar rætt er um auðlindagjald. Útgerðarmenn eru augljóslega að skera upp herör gegn auðlindagjaldinu. Sumir í þeirra röðum hafa hagnazt um milljarðatugi ef ekki hundruð milljarða á því að selja kvóta og flytja peningana til útlanda í mörgum tilvikum og jafnvel skattlausa á meðan þau vitlausu ákvæði voru í íslenzkum skattalögum. Aðrir hafa safnað til sín kvóta og flutt hann úr byggðarlögum jafnvel þótt þeir hafi lofað því opinberlega að það mundu þeir aldrei gera. Útgerðarmenn eiga ekki að tala jafn gáleysislega og Björgólfur Jóhannsson gerði á aðalfundi LÍÚ í gær. Slíkt tal hittir þá sjálfa fyrir. Það er sjálfsagt að rifja upp kvótaflutningana úr sjávarþorpunum hafi þeir áhuga á."

Það er ekki hægt annað en að þakka Morgunblaðinu fyrir þennan snjalla leiðara. Enda gefur hann glögga mynd af því hvernig Stormsveit Landsambands íslenskra útvegsmanna hefur látið sér sæma að leika byggðir landsins og fólkið sem þar býr. En það er einmitt þetta sama fólk sem, lögum samkvæmt, á fiskveiðiauðlindina í íslenskri landhelgi.

Aligeltir og fótfúin meðreiðarhross SGS

Hvað ætli Kristján Gunnarsson og hans fótfúnu meðreiðarhross úr Starfsgreinasambandinu eigi við þegar þeir slengja fram að stórbæta þurfi ,,lægstu launin?" Á því er ómögulegt að átta sig. Mig grunar samt, að umrædd stórbót verði verði samkvæmt venju í skötulíki og skipti láglaunafólk engu máli þegar upp verður staðið. Og það sem verra er: Á meðan sami fénaður úr sama gripahúsi fær að valsa óáreittur með kjarasamninga verkafólks verður engin breyting til batnaðar. Undansláttur, lygar og svik eru vörumerki þessars dindla, sem allt of lengi hafa verið á fóðrum hjá bláfátæku fólki. Ef verkafólk hefði einhverja rænu, myndi það rísa upp og reka þessa oföldu grísi og gelti án tafar af höndun sér, leggja Starfsgreinasambandið niður og stofna nýtt Verkamannsamband sem stæði utan allra heildarsamtaka og tæki á sínum málum án afskipta hinna lærðu dordingla í ASÍ.

Og að lokum: Getur einhver frætt mig og aðra um, hvað Kristján Gunnarsson formaður Starfsgreinasambandsins er með í laun á mánuði? Eða Björn framsóknarmaður Snæbjörnsson hjá Einingu fyrir norðan land? 

Starfsgreinasambandið kynnti SA áherslur í komandi kjaraviðræðum

Smáþjófar og stórþjófar.

Hvað höfðingjarnir hafast að, hinir meina að sér leyfist það. Auðvitað halda smáþjófar að þeim sé heimilt að stunda hnupl og gripdeildir í friði eins og rummungarnir sem fá að stunda sína iðju í skjóli ríkisvaldssins.

Piltar staðnir að hnupli

Haaarde færði páfa bannfærða biflíu

Þetta kallar maður nú heimsókn ! Satt að segja kenni ég í í brjósti um páfann, að hafa látið glepjst til að taka á móti þessum hálf-norska íslenska durgi, sem Gjeir Haaarde er. Samkvæmt frétt af þessum fundi, á hr. Haaarde að hafa fært páfanum biflíu á íslensku, þessa nýju sem síra Gjeir Waaage harðneitar að brúka til nokkurra verka, ekki einusinni í skeini þó illa stæði á. Nær hefði hr. Haaarde verið að gauka einhverri biflíu eftir Hanez Holmstone að Benedikt XVI. Ég er viss um að yfirmaður kaþólsku kirkjunnar hefði þótt nokkur matur í að þiggja ævisögu Jóns Þorlákssonar sem téður Hanez ritaði af sinni alkunnu snilli í boði Orkuveitu Reykjavíkur, ef ég man rétt. Þá hefði páfa áreiðanlega fundist notalegt fá lofgjörðaræpuna miklu um Davíð Oddsson fimmtugan úr snyrtum lúkum íslenska forsætisráðherrans. En allt um það, Benedikt páfi verður að láta sér nægja að reyna að stauta sig fram úr hinni nýju biflíu íslendinga, sem bannfærð er af síra Waaage í Reykholti. Þá segir einnig í fréttinni, að hr. Haaarde hafi ekki látið þar við sitja að vera páfa til leiðinda, heldur hafi hann ónáðað Tarcisio Bertone, kardínála og forsætisráðherra Páfagarðs með svokallaðri heimsókn til hans. Óstaðfestar fréttir sunnan frá Ítalíu segja, að eftir að hr. Haaarde var horfinn á braut úr Páfagarði, hafi þeir félagar Benedikt og Tarcisio Bertone borðað til gleðiguðsþjónustu í Vatíkaninu til að fagna því að vera lausir við íslenska forsætisráðherrann herra Gjeir H. Haaarde.

Geir ræddi við Prodi og páfann í Róm

Mígandi nærbuxnamaður gengur í svefni

Ég hef aldrei áður heyrt þess getið að berrassað fólk ætti til að ganga í svefni um hótelganga. Afturámóti þekki ég mann nokkurn, veleðla, sem á það til að vaða steinsofandi um stræti og stigaganga á allt og litlum nærbuxum. Einu sinni var maður þessi gestur á gisthúsi úti á landi. Þar lét hann sér sæma, eftir freklega áfengisneyslu, að æða sofandi, á sínum allt og litlu nærbuxum, en nakinn að öðru leyti, fram á gang og míga þar í blómapott í vitna viðurvist. Þessu óþokkabragði hafði enginn átt von á, allra síst hjónin sem starfræktu gistihúsið. Þau brugðust auðvitað ókvæða við og höfðuðu skaðabótamál á hendur mannfjandanum, þar eð þau töldu að framtak mannsins hefði komið óorði á atvinnustarfsemi þeirra. Síðar frétti ég, að sami maður hefði þráfaldlega leikið svipaðan leik frammi á stigagangi fjölbýlishúss þar sem hann bjó, með þeim afleiðingum að fólk hafðist þar ekki við stundinn lengur vegna þvagdauns.   

Naktir svefngenglar til vandræða á hótelum

Er einkavæðing þjóðkirkjunnar komin á dagskrá?

Ég er á því, að fáir, ef nokkrir, séu meiri velunnarar og aðdáendur hinnar evagelísku-lúthersku þjóðkirkju á Íslandi en meðlimir Samtakanna ´78. Ef marka má málfutning þessara samtaka, er borðliggjandi að félagsmenn þeirra eru mjög kirkjuræknir í besta skilningi þess orðs. Þetta er auðvitað sérstaklega gleðilegt á tímum ofsaneyslu- og græðgishyggju og ætti að vera öðrum til fyrirmyndar; ég hefi t.d. ekki heyrt að félagsmenn LÍÚ, Verzlunarráðs Íslands og fleiri slíkra samtaka séu mikið fyrir kirkjulegar guðsþjónustur eða guðsorð yfirleitt. En máske breyta nefnd samtök afstöðu sinni til guðskristni, ef ríkisstjórnin ákveður að einkavæða þjóðkirkjuna.   

Samtökin ´78 fagna viljayfirlýsingu Þjóðkirkjunnar

Fjölkvæni er næst á dagskrá

Jæja, þá er blessuð þjóðkirkjan okkar búin að samþykkja að séramenn hennar megi vígja samkynhneigð pör í staðfesta samvist, svo framarlega að Alþingi breyti lögum þar að lútandi. Þetta er afar gleðileg frétt, sem þýðir að nú er komið að fjölkvænisfólki að berjast fyrir samskonar rétti. Það er skoðun margra, að það sé fullkomin tímaskekkja, að einungis tveir einstaklingar megi gifta sig í einu. Nútíminn kerfst fljölbreyttara sambúðarforms nýrri öld með kirkjulegri vígslu og blessun í bak og fyrir. Og ekki eru prestar vorir heldur ofgóðir til að gifta fólk, burt séð frá því hve margir eru í pakkanum í það og það skiptið. Þegar fjölkvænismálið er í höfn, má gera ráð fyrir þeir verði næstir á dagskrá sem vilja ganga í heilagt hjónaband með gæludýrum sínum. Það væri t.d. undur hugljúft að vera viðstaddur kirkjubrúðkaup 130 kílóa konu sem væri giftast páfagauknum sínum. En sem sagt: Þróun hjónabandsins er í mikilli sókn og framför hér á landi og er það vel. 

„Verum meðvituð um að niðurstaða er fengin og gleðjumst yfir því"