Do-do bak við hús á Bergstaðarstræti.

Það mun hafa verið síðla ágústmánaðar, einmitt á þeim tíma ársins sem sveitafólk kallaði hér fyrrum ,,að áliðnum slætti", að vinur okkar allra, Kolbeinn Kolbeinsson, frændi Kolbeins eiginmanns frú Ingveldar, mætti sér ókunnugri konu neðarlega á Bergstaðarstrætinu. Skipti engum togum, að þau tóku tal saman, sem endaði með því að þau smokruðu sér inn á næstu lóð og gerðu do-do bak við hús. Þegar þau höfðu lokið sér af og bæði búin að gyrða upp um sig, var Kolbeini heldur en ekki glatt í geði og spurði konuna formálalaust, hvort ekki væri góður grundvöllur fyrir áframhaldandi farsælum samskiptum þeirra í milli. En kona hélt nú ekki; hún héti Katrín og væri hamingjusamlega gift góðum og elskulegum manni og vildi síst af öllu vera í kunningskap við menn sem legðust umyrðalaust með ókunnugum konum, sem þeir fyrir tilviljun mættu á götu að kvöldlagi.

Framsókn í torfskála bak við Langjökul.

Þetta líkar mér. Loksins á að gera alvöru úr gamni og koma Framsóknarflokknum, og þessum fáeinu sálum sem honum tilheyra, fyrir langt uppi í óbyggðum. Það er einmitt vel við hæfi, að geyma þessi úttauguðu grey í skálum, sennilega torfskálum, ef að líkum lætur, á bak við Langjökul. Og auðvitað er það Samvinnunefnd miðhálendisins sem gengur í verkið. Í framtíðinni mun eflaust verða fjarska gaman fyrir ferðafólk að steðja þarna uppeftir til að skoða Framsóknarsafnið, sem mun án efa hafa samskonar skemmtanagildi og sömu stöðu og góðir dýragarðar í útlöndum.

Heimila uppbyggingu skálasvæðis við Langjökul

N1 mun saurga handknattleikinn næstu árin ...

Olíubraskarfélagið N1 hefur keypt réttin á að klína nafni sínu á handknattleik karla og kvenna í landinu næstu árin. ... Og sannast þar með einn ganginn enn, orð þeirra Marx og Engels þegar þeir segja: ,,Borgarastéttin hefur saurgað sérhverja íþrótt, er menn hafa til þessa litið guðhræddri lotningu."  

N1 styrkir Íslandsmótið í handknattleik um tugi milljóna

Framsóknarmaður riðlast á rauðliða.

Hér gefur að líta málglaðan framsóknarmann og fyrrum frambjóðanda í prófkjöri Samfylkingarinnar á rauðum hesti. Eins og glöggt má sjá, er sá rauði lítt hamingjusamur með þennan framsóknarfarangur á bakinu og er skapi næst að skjóta honum af baki og út í þúfnakargann. Enda ósmekklegt að framsóknarmaður riðlist á rauðliða. Slíkum ókjörum verður að linna.

Fyrirhuguð hryðjuverk á Íslandi verður að stöðva.

Ja mikil ósköp, það eru fleiri sem hyggja á hryðjuverk í Evrópu en þessir strákar sem Danir og Þjóðverjar hafa verið að sýsla með undanfarna daga. Til dæmis eru ýmis hryðjuverk á teikniborði  Íslensku hæriflokkana sem mynda ríkisstjórn á Íslandi. Á þeim vettvandi er til dæmis auðsjáanlega í bígerð árás á orkufyrirtæki í sameiginlegri eigu landsmanna, frekari hryðjuverk í virkjanamálum eru ofarlega á baugi, og síðan en ekki síst liggja í loftinu stríðsaðgerðir hinna einkavæðingarsjúku frjálhyggjubesefa gegn heilbrigðiskerfinu, sem hafa það að markmiði að gera heilsu og lækningar að markaðsvöru og ekkert nema markaðsvöru. Það er þjóðhagsleg nauðsyn efla til muna varnir gegn þeim vágesti sem ríkisstjórn Sjálfstæðisflokks og Samfylkingar er. Það er að minnsta kosti ekki forsvaranlegt að láta skemmdarverkalýð fá að vaða uppi óáreittan eins og hann sé einn í heiminum. 

Líklegt að fleiri vinni að undirbúningi hryðjuverka í Evrópu

Öfga ný-frjálhyggjumenn ráðast a gæsir í Mosfellsdal.

Þarna hafa verið á ferðinni, ef mér skjaltlast ekki, öfga ný-frjálshyggjumenn að æfa sig í sparfatafasisma á grágæsum í Mosfellsdal. Má segja að lítið leggist fyrir kappana, en samt er svosem ekki við öðru að búast af grilluföngurm úr skóla öfgamannanna Hannesar H. Gissurarsonar og Miltóns Frídmann.

Skutu á gæsahóp úr bíl á ferð í Mosfellsdal

Ellilífeyrisþega vísað brott af dvalarheimili.

Það vita allir sem til þekkja, að Kolbeinn Kolbeinsson ellilífeyrisþegi er einhver mesti neftóbaksböðull sem sögur fara af. Þegar Jarþrúður heitin kona hans andaðist fyrir fáum árum, fullsödd á neftóbakslátum eiginmans síns, lét Kolbeinn slag standa og lét munstra sig á elliheimil. Þremur og hálfum mánuði eftir að hann settist að á elliheimilinu var hann rekinn þaðan, hreinlega borinn út, aðallega sökum ægilegra neftóbaksumsvifa sinna. Reyndar áttu fleiri þættir sök á brottvikningunni, svo sem hortugheit og skapvonska, að viðbættu óviðeigandi pukri með áfengi. En það sem gerði samt útslagið með að dvalarheimilisvist Kolbeins lauk fyrr en ráð var fyrir gert og eðlilegt má teljast, var harðsvíraður andfémínísmi karlsins, sem var svo harkarlegur, að forstöðukvendið lagðist bókstaflega í rúmið og kvaðst ekki róta sér þaðan fyrr en ,,þessi andskotans karlskröggur væri kominn út á götu." Og þannig fór, að árla morguns sást Kolbeinn Kolbeinsson ellilífeyrisþegi yfirgefa dvalarheimilið alfarinn, klæddur svörtum frakka og með gamla snjáða ferðatösku í hönd og nasirnar útþandar af úrvalsneftóbaki frá ÁTVR.

Skrifstofusjakalarnir í ASÍ eru sofnaðir aftur.

Það er nú rétt svo að maður trúi, að möppudýrin og skrifstofusjakalarnir í ASÍ hafi rumskað af sínum væra þyrnirósarsvefni út af smámunum eins og að atvinnurekendur hafi ekki haft launauppgjör og tryggingar starfsmanna í samræmi við leikreglur íslensks vinnumarkaðar og að seinagangur hafi fengið að líðast endalaust í öllum málum sem snúa að réttindum erlendra launamanna. En við þurfum ekki að örvænta. Þegar þessi færsla birtist á boggsíðunni verða sjakalarnir og möppuberserkirnir eflaust fallnir aftur í sitt venjulega þyrnirósardá. En þess verður þó að geta sem vel er gert, en það er að ASÍ-svefnenglarnir vakana yfirleitt aldrei til að pissa, hvað þá meir. En svona geta menn nú stundum vaknað örlítið, þó ekki sé nema á hlutanum á öðru auganu. 

ASÍ vill stöðva starfsemi fyrirtækja sem virða ekki leikreglur

Kynferðislegur öfugsnúður á pólsku.

Ég hefði aldrei trúað því að Pólskur rithöfundur gæti orðið svona fjandi brenglaður þó að kerlingin hans ætti vingott við kaupsýslumann. Þetta kallar maður sko kynferðislegan öfugsnúð! Og til að kóróna kynvillu sína skrifar rithöfundurinn á bók í spennusagnarstíl hvernig hann svalaði fýsnum sínum á vesalings kausýslumanninum, sem ekkert hafði til sakar unnið annað en gera eiginkonu rithöfundarinns glatt í geði. Það góða við þetta er, að nú fær rithöfundurinn 25 ár í ró og næði til að skrifa fleiri spennusögur.

Spennusagnahöfundur skrifaði bók um morð sem hann framdi

Stríðsglæpavargur á öxl Guðs.

Ef það sem fram kemur í þessari frétt er rétt, er augljóst að Georg Bush, forseti öflugasta herveldis heims, gengur fráleitt heill til skógar hvað andlega heilsu áhrærir.  Það er ekki laust við að manni verði ómótt við að lesa yfirtrompaða hræsni forsetans á borð við: ,,ég græt á öxl Guðs!" Þvílíkur ekkesens lúsablesi!!! Það væri ekki nema rétt að fela Byskubnum okkar og Gunnsa í Krossinum, að kanna hvort ekki sé um guðlast að ræða þegar hroðalegur stríðsglæavargur lætur að því liggja að hann hangi volandi á öxlinni á Guði daginn langann.

George W. Bush: „Ég tárast“