Óperuplágan er illvíg hávaðamengun.

Æjá, hann er dáinn aumingja kallinn han Pafahrotti, blessuð sé minning hans. Hann hafði fyrir atvinnu að öskra óperur allt sitt líf. Það er varla hægt að fara ver með líf sitt en að stunda stundaóperugaul og trúa því að þetta eigi eitthvað skylt við list, menningu og snilld. Ef einhverju er ofaukið í veröldinni fyrir utan krabbamein og kjarnorkuvopn, þá er það óperusöngur. Hvenær kemur að því sú hávaðamengun sem óperusöngur er, verður bönnuð með lögum. Þegar ég heyri talað um að þessi eða hinn hafi farið í hundana, dettur mér ætíð óperusöngvari í hug.

Þúsundir syrgja Pavarotti í Modena

Myrti mann sinn og fór að svalla með indíánum eða skátum.

Það er eitthvað meir lítið en gruggugt við þessa frétt. Gömlu hjónin fara sér til skemmtunar á rúntinn eitthvað út í buskann. Svo bilar bíllinn, nema hvað. Nú eru góð ráð dýr og gömlu hjúin ákveða að ganga til byggða. Svo kemur einhver fjandinn upp á hjá þeim og þau verða viðskila. Af karlinum spyrst ekkert meir, en hinsvegar er farið að leita að kerlingunni með heldur klénum árangri. Loks er hin aldraða frú talin af og farið að undirbúa minningarathöfn um hana í nafni Jésú Krists. En þegar presturinn er tilbúinn með minningarræðuna kemur kerlingarálftin í leitirnar eftir hálfs mánaðar fjarveru og er bara hin brattasta. Þetta er allt hið undarlegasta mál. Í fréttinni er ekkert á það minns hvort karlinn hafi skilað sér til byggða, þannig að líklegt má telja að hann sé einhversstaðar í óskilum, lifandi eða dauður. Mér dettur helst í hug að kerlingin hafi unnið á karli sínum af ráðnum hug og hitt síðan útilegumenn af indíána- eða skátakyni og farið að skemmta sér með þeim. Þegar hún var orðin leið á að skemmta sér hefur hún gert gangskör að því að komast í leitirnar. Auðvitað á handtaka kerlingarskjóðuna og ákæra hana fyrir að hafa svikið bónda sinn í tryggðum, myrt hann og farið síðan að svalla með villtum indíánum eða skátum. Ójá, það gerist svo margt skuggalegt í henni Ameríku.

Fannst á lífi eftir að hafa verið týnd í skóglendi í tvær vikur

Stjörnusýslumaður með þvaglegg og stópípu að vopni.

Á Selfossi já ... Og 15 ára pjakkur lúbarinn ... Og enginn handtekinn. Hvar er þvagleggssýslumaðurinn núna? Hann á aldeilis von á góðu þessi sem framdi ofbeldisverið á drengstaulanaum. Ég geri fastlega ráð fyrir að stjörnusýslumaðurinn sjálfur, íklæddur rauðum kjól, embætti fantinn sjálfur, prívat og persónulega, með þvaglegg og stólpípu að vopni. Eftir þá yfirferð er útilokað að hinn seki láti svo mikið sem hvarfla að sér hér eftir, að ganga í skrokk á 15 ára pissfullri krakkaskjátu   

Réðst á 15 ára dreng

Valdatvíburar ný-frjálshyggjumanna með harðlífi.

Pólland er ekki eina landið í veröldinni sem hefur haft tvíbura sem helstu forystumenn þjóðarinnr á síðustu árum. Á Íslandi bjuggum við til skamms tíma við þau ókjör og hneisu í rúman áratug að hafa tvíbura í æðstu valdastöðum landsstjórnarinnar. Öllum sæmilega greindum mönnum ber saman um að það tvíeyki sé eitthvert skelfilegasta par sem riðið hefur húsum í stjórnarráðinu frá því það var reist á sínum tíma sem tugthús. Þeir einu sem láta sér til hugar koma a bera blak af þessum Íslensku valdatvíburum, sem nú eru blessunarlega horfnir á braut, eru einna helst veruleikafirrtir ný-frjálshyggjumenn með pólitískt harðlífi og króníska þráhyggju. Fólkið sem nú fer með húsráð í stjórnarráðinu eru aftur á móti einhverjar orðlögðustu leiðindaskjóður sem um getur á valdastólum í norðanverðri Evrópu og er þá mikið sagt. Þá var nú öldin önnur þegar sá nafntogaði Arnes Pálsson var skipaður í embætti í því húsi sem nú geymir stjórnarráð Íslenska lýðveldisins. 

Boðað til skyndikosninga í Póllandi

Noriega tíkarsyni fagnað af frjálshyggjumönnum.

Manúel Noriega er fyrrverandi tíkarsonur bandarískra stjórnvalda, sem fyrir slysni villtist eilítið út af sporinu og féll í ónáð Stóru-mömmu og Stóra-pabba í Hvíta húsinu. En nú hefur þessi ástsæli tíkarsonur afplánað straff foreldra sinna. Ég geri ráð fyrir að Íslenskir ný-frjálshyggjuungar fagni í einlægri gleði þegar flokksbróðir þeirra panamskur tipplar hnarreistur út úr geymslunni sem hann hefur dvalið í síðustu ár í boði foreldra hans. 

Dómari neitar að stöðva framsal Noriegas

Kann Gissur Framsóknarforstjóri ekki að skammast sín?

Samkvæmt þessari frétt, er nokkuð ljóst, að Gissuri Péturssyni virðist ekki gefið að kunna að skammast sín. Eða heldur maðurinn ef til vill, að menn sem eru áskrifendur að kaupinu sínu í boði Framsóknarflokksins séu ósnertanlegir og yfir gagnrýni hafnir? Það er dugleysi Vinnumálastofunar undir duglausri stjórn Gissurar framsóknarmanns sem er ósanngjörn og óþolandi, en ekki gagnrýni Starfsgreinafélags Austurlands á vinnubrögð Gissurar.

Gagnrýni á Vinnumálastofnun „óþolandi"

Jóhanna verður að reka Gissur Pétursson.

Það er svo sem gott og blessað og raunar nauðsynlegt, að Jóhanna Sigurðardóttir hafi óskað eftir eftirlitsátaki og hertum aðgerðum Vinnumálastofnunar í ljósi framkominna upplýsinga og rökstudds gruns um að fjöldi fyrirtækja, sem starfi hér á landi, hafi látið hjá líða að tilkynna til Vinnumálastofnunar um ráðningu erlendra starfsmanna og upplýsa um réttindi þeirra og kjör. En fyrst fyrst og fremst verður Jóhanna að reka Gissur Pétursson vinnumálastofnunarstjóra úr starfi og það strax. Vinnumálastofnun mun ekki njóta þess trúverðugleika sem nauðsynlegt er fyrr enn þessi ofurdofna skrautdúkka Framsóknarflokksins verður horfinn á braut.  

Ráðherra kallar eftir eftirlitsátaki með réttindum og kjörum erlendra starfsmanna

Ríkisstjórnarfundur með nautasteik og fylliríi á eftir.

Sko bara, ríkisstjórnarfundur á Þingvöllum með nautasteik og fylliríi á eftir. Þetta er nú eitthvað sem snobbliðið og höfðingjasleikjurnar í Samfylkingunnu kunna að meta. Mikið væri nú vel við eigandi hjá þinflokki Samfylkingarinnar að splæsa eins og einum þingfundi í að ræða hræsni og úrkynjun svo kallaðra vinstrimanna á Íslandi.

Ríkisstjórnarfundur á Þingvöllum

Valgerður Sv. kann ekki að skammast sín.

Mikið er hún alltaf bræt og brilljant hún Valgerður skörungur Sverrisdóttir frá Lómatjörn fyrir norðan land. ,,Með þessu er verið að bregðast fólkinu í Írak" skríkir frú Valgerður um ákvörðun utanríkisráðherra að kalla heim frá Írak svokallaðann ,,friðargæsluliða." Því miður láist prinsessunni af Lómatjörn, að útala sig um hvernig Halldór Ásgrímsson og Davíð Oddsson, ásamt henni sjálfri og fleirum brugðust fólkinu í Írak með því að styðja ólöglega hryðjuverkainnrás Bandaríkjamanna og Breta í landið með öllum þeim ofboðslegu þjáningum sem sá glæpaverknaður hefur haft í för með sér. Ég held satt að segja að Valgerði Sverrisdóttur og hennar líkum væri nær að halda sér saman en að vera með gaspur um hluti sem henni væri nær að skammast sín fyrir.

Stjórnarandstaðan klofin í afstöðu til heimköllunar friðargæsluliða

Osama bin Laden og ný-frjálshyggjumennirnir.

Það hlýtur að verða ný-frjálshyggjumönnum mikil unun og gleðiefni að hlýða á flokksbróðir þeirra, Osama bin Laden, hefja upp rödd sína og ávarpa bandarísku þjóðina þann egglevta september. Sá dagur verður áreiðanlega mikill kjólfatadagur hjá fasistunum. 

Bin Laden sagður ætla að ávarpa bandarísku þjóðina