Fyrirsjánlegir vinstrigrænir í vanda.

Það fór sem mig grunaði, að VG myndi hliðra sér hjá því á flokksráðsfundinum um síðustu helgi, að taka sér stöðu sem flokkur verkafólks og stéttarbaráttu. Í þeim samþykktum sem liggja eftir fundinn örlar hvergi á neinu slíku. Samþykktir fundarinns voru á allan hátt fyrirsjánlegar; engin ný sjónarhorn, ekkert leiftrandi fjör, engin óvænt tíðindi; aðeins þessi venjubundna skyldusamsuða í anda Hjörleifs, Álheiðar Inga, Steingríms J. og Kolbrúnar. Samkvæmt samþykktum flokksráðsfundarins virðist VG geldur stjórnmálaflokkur og vel það.

Og út á hvað gengur svo hin venjubundna skyldusamsuða flokksráðsfundar VG? Jú, hún gengur út á: 1. Nýtingu vatnsafls. 2. Orkuveita Reykjavíkur áfram í almannaeigu. 3. Heræfingar. 4. Nato. 5. Palestína. 6. Rannsókn á afleiðingum markaðs- og einkavæðingu stjórnvalda undir fyrirsögninni ,,almannaþjónusta." Nú má ekki skilja mig svo, að ég sé ósammála flestu eða öllu sem fram kemur í ályktunum flokksráðs VG, því það er ég alls ekki. Það sem ég er ósáttur við, er það sem mér finnst nauðsynlega vanta í ályktunina. Þar er, eins og áður er getið, ekkert minnst á kjarabaráttu verkafólks sem framundan er, en kjarasamingar ,,hinna lægst launuðu" (svo ég noti næsta ógeðfelldan frasa úr munni falskra stjórnmálamanna) renna út úm næstu áramót. Í ályktuninni er heldur ekki minnst einu orði á sjávarútvegsmál, sem eru í uppnámi um þessar mundir. Því spyr ég: hvað er eiginlega að í Vinstrihreyfingunni grænu framboði? Og mig langar að fá heiðarleg og ærleg svör. Og ég spyr líka: hver er afstaða VG til kjarabaráttu verkafólks og stéttarbaráttu almennt? Á flokkurinn til dæmis ekki að leitast við að blása verkafólki og samtökum þess baráttuanda í brjóst? Heita samtökum þess stuðningi í baráttu þeirra, en gagnrýna þau líka og veita aðhald þegar við á? Og hvernig stendur á því að Vinstrihreyfingin grænt framboð þegir samviskusamlega þunnu hljóði um ekki minni málaflokk en sjávarútvegsmálin? Er VG-félögum virkilega sama um þó að fiskimiðin hafi í raun verið einkavædd og að þau séu nú að mestu leyti undir járnhæl örfárra útgerðarrisa? Og af hverju minnast hinir kappsömu umhverfisverndarsinnar aldrei orði á aðfarir og umgengni sægreifa LÍÚ, sem fara sínu fram undir vernd stjórnvalda og Hafrannsóknarstofunnar? Er það ekkert sem þarf að rannsaka að mati forystu VG?

Að lokum varðandi einkavæðingarmálin: VG hefur barist vel og dyggilega gegn einkavæðingarbrjálæði síðustu ár og eiga þakkir skyldar fyrir það. Hinsvegar hefur ekkert sést frá flokknum hvað það er nákvæmlega sem hann vill að sé samfélagsvætt og ég veit ekki til þess að slíkt hafi verið neitt í umræðunni innan VG. Upp í þessa himinhrópandi gloppu í málatilbúnaði VG þarf að stoppa sem fyrst.

  

Og Hu Jintao mun hlægja að Georgi Bush.

Þeð hefur eflaust verið geðslegt um að litast fyrir hina kíversku alþýðuhermenn í tölvugagnabanka Georgs Bush í Pentagon. Það er bara vonandi að þeir hafi orðið einhvers vísari um glæpaklíkuna í Hvíta húsinu. Svo geri ég fastlega ráð fyrir að Hu Jintao fari að hlægja þegar og ef stríðsglæpamaðurinn Georg Bush fer eitthvað að minnast á meint innbrot kinverska alþýðuhersins í Pentagon. Enda ekki annað hægt en að hlægja að slíkum brandara.

Kínverski herinn braust inn í tölvukerfi Pentagon

Bondevik, Guðbrandur Jón og rauðvínið.

Svona byrjaði sá kunni óreglumaður Guðbrandur Jón að drekka áfengi; á einu rauðvínsglasi. Og árangurinn lét ekki á sér standa. Ég verð að taka það fram, að þegar Guðbrandur Jón hóf feril sinn var hann 13 ára og varð fljótlega álitinn undrabarn í drykkjuiðninni. Og þó að Bóndevík sé að hefja sinn drykkjuskap sextugur, er ekki þar með sagt að hann verði ekki orðinn annálaður drykkjubolti eftir tvö ár og kominn undir græna torfu eftir fjögur. Því menn sem byrja svona seint, eru oft orðnir svo gífurlega þyrstir þegar kemur að sextugsafmælinu, að þeir slá fljótlega úr sér í viðureigninni við brotsjói brennivínshafsins.  

Bondevik byrjaður að drekka rauðvín

Kvennamanni byrluð hormónadepandi upplausn.

Fyrir dag frú Ingveldar var Kolbeinn svo mikið kvennagull, að allar vildu meyjarnar eiga hann. Og þó að Kolbeinn væri afburða sviphreinn og heiðarlegur í andliti og fas hans allt traustvekjandi, einlægt og aðlaðandi, var hann slóttugur eins og gamall refur og gjörnýtti kvenhylli sína á miskunarlausan hátt. Hann hafð gjarnan nokkrar í takinu í einu, sem hann fór á milli og fíflaði og flekaði að vild sinni. Svona gekk þetta fyrir sig í nokkur ár, eða allt þar til hann kynntist frú Ingveldi. Eftir það var engu líkara en hann hefði gengið á vegg, verið vængstýfður og brotinn á bak aftur. Það lék jafnvel grunur á að frú Ingveldur hefði strax í upphafi byrlað verðandi bónda sínum hormónadrepandi upplausn, sem gerði það að verkum að kynkirtlar hans drógust saman um 80%. Og ... hefur Kolbeinn verið til friðs á kynlífssviðinu síðan, eða svona hér um bil.

Einar H. á að fyrirgefa Kristjáni ráðherra.

Það er í aðra röndina skiljanlegt, að Einar Hermannsson skipaverkfræðingur sé ósáttur við að sitja undir ærumeiðingum Krisjáns L. Möllers. Á hinn bóginn ætti Einar, sem menntaður og kurteis maður, að fyrirgefa ráðherranum asnasparkið í sinn garð, á þeirri forsendur að Kristján ráðherra er illa haldinn maður af illvígu og langvinnu krataeðli, og veit því naumast alltaf handa sinna skil í pólitískum skrípalingshætti. Einar minn, fyrirgef þú honum því hann veit ekki hvað hann gjörir.

Ósáttur við að sitja undir ærumeiðingum ráðherra

Kona sló dyravörð - ávinningur fyrir kynjabaráttuna.

Jafnréttisbarátta kynjanna er sífellt að skila meiri og meiri árangri og þess eflaust ekki langt að bíða konur fari blessunarlega að síga fram úr hinum karllægu (ekki karlægu) körlum. Þessari gleðilegu þróun til staðfestingar, sló kona nokkur dyravörð um síðustu helgi. Því miður var ekki frá því greint hvort konan hefði rotað dyravörðinn eða ekki. Því ef hún greiddi dyraverðinum rothögg þá reiknast það sem auka ávinningur í jafnréttisbáráttunni. Já, framfarirnar láta ekki á sér standa þessa dagana.

Tíu líkamsárásir tilkynntar til lögreglu

Fara gandreið og kyssa Fjandann á rassinn.

Svo er talið að nornir haldi ár hvert þing sitt á einhverjum afviknum stað, gjarnan uppi á háu fjalli. Til þingsins fara þær gandreið, sem er afskaplega þægilegur og fljótvirkur ferðamáti. Þegar komið er á leiðarenda bíður þeirra Fjandinn sjálfur, sem að nornirnar heilsa með því að kyssa á rassinn. Þegar allar nornirnar hafa kysst þann gamla á aðra rassakinnina í námunda við endaþarminn, getur þinghald loks hafst.

Kossar skipta konur meira máli en karla

Nefnd um frú Álfheiði þingmann og fiskeldið.

Það er ósköp hugljúft af Jóni Bjarnasyni og Árna Þór vini hans, að fara fram á að samgönguráðherra skipi grímseyjarferjunefnd. En hugljúfar væri þó að þeir félagar litu sér nær og óskuðu eftir því við formann þingflokks VG, að hann skipi innanflokksnefnd til að kanna aðild frú Álfheiðar Ingadóttur að fiskeldisfyrirtæki sem átti að vera staðsett í Ólafsvík en lenti Straumsvík

Vilja óháða nefnd um Grímseyjarferjumál

Plat-vinstrimennirnir í VG (ehf) og grátsöngvar þeirra.

Árni Þór Sigurðsson borgarfulltrúi og þingmaður VG skrifar einkennilegann og örvæntingarfullann langhund á bloggsíðuna sína í dag. Auk þess að vera einkennilegur og örvæntingarfullur, er langhundur Árna Þórs grátklökkur yfir vondum orðum höfundar Stakseina í garð Steingríms J formanns. En Árni er eldklár strákur og hefur í þessu tilfelli ráð undir rifinu, semsé, að stakreinahöfundurinn sé ólæs á pólitík. Þar með telur skörungurinn og framagosinn Árni Þór að hann og flokkurinn séu sloppnir fyrir horn. En því miður mega grátsöngvar sér lítils í þessu tilfelli. Fyrir það fyrsta fæ ég ekki betur séð en staksteinahöfundur morgunblaðsins sé a.m.k. jafn læs á pólitík og Árni Þór og hans viðhlægjendur í VG. Að öðru leyti þarf engann sérstakann fræðing með virðulega prófgráðu til að sjá og skynja, að VG er stjórnmálaflokkur í heilmiklum vanda. Staða Steingríms J. hefur veikst mjög mikið gagnvart fólkinu í landinu og hver veit nema flokkseigendaelítan, sem Árni Þór og fleiri nudda sér utan í, taki þá ákvörðun með fyrra fallinu, að leysa Steingrím undan oki formennskunnar og tylli Svandísi dóttur Svavars sendiherra í hásætið í staðinn.  En þar með er ekki öll sagan sögð. Vandi VG felst auðvitað fyrst og fremst í þeirri staðreynd, að þar fer fyrst og fremst óalþýðlegur flokkur menntamanna og efristéttafemínísta, þar sem stéttarbarátta og verkalýðshyggja léttvæg fundin og fótum troðin. Í því ljósi er VG fjandi vel úr takti við fólkið í landinu, alþýðuna. Undanfarið hef ég verið að velta fyrir mér hvort plat-vinstrimennirnir VG ættu ekki að sjá sóma sinn í að breyta nafni flokksins, sem þeir eiga hvort sem er öll hlutabréfin í, og kalli hann annaðhvort ,,Miðjuhreyfinguna grænt framboð" eða ,,Græna Kvenfélagið."   

Benedikt páfi XVI genginn í VG.

Jæja, og Bensi páfi bara genginn í VG. Svona getur nú kaþólskan tekið á sig óvænta mynd, þegar hún vill það við hafa. Ég er viss um að hans heilagleiki kemur til með að taka sig vel út við hlið Hjöla Gutt, Kolbrúnar Halldórs og frú Álfheiðar Inga. Og Bensi páfi mun áreiðanlega ekki telja eftir sér að taka þetta hugljúfa yfirstéttargroms til skrifta, þó telja megi líklegt að það geti tekið nokkuð á taugar hins heilaga föður. 

Benedikt XVI hvetur til umhverfsverndar