Þegjandi samþykki Samfylkingar

Af eftirfarandi tilvitnun er að finna í grein á heimasíðu Ögmundar Jónassonar, http://www.ogmundur.is: 

,,Geir H. Haarde sagði að erfitt hefði verið að fá aðra stjórnmálaflokka en Samfylkinguna til þess að styðja stefnu Sjálfstæðisflokksins um markaðsvæðingu heilbrigðisþjónustunnar: Á þessum sviðum „eru ótrúlega miklir möguleikar framundan sem Samfylkingin er tilbúin til að vera með okkur í en aðrir flokkar voru og hefðu ekki verið." Er þetta ekki eitthvað sem rétt er fyrir kjósendur Samfylkingarinnar að hugleiða?"

Ég hvet fólk eindregið til að lesa grein Ögmundar í heild sinni.

Auka þarf fjárveitingar til lyfjamála Landspítalans

Á höggstokkinn með ófreskjuna

Mikill þó djöfulsins viðbjóður og lygari er þessi Georg Bush bandarikjaforseti. Ég get með engu móti ímyndað mér að þetta úrhrak geti sannað það sem eftir honum er haft um Íran í meðfylgjandi frétt. Mun sennilegra er að mesta ógn heimsbyggarinnar eigi upptök sín og óðul í stórkapítalisma Bandarikjanna sem stundar blygðunarlaust samfelldan öfgafullan lygaáróður og glæpastarfsemi. Og maður spyr sig: hvenær mun alþýða Bandaríkjanna legga þessa heimsdrottnandi ófreskju á höggstokkinn ?

Íran „ógnar öryggi allra“

Ríkisstjórn VG og Íhalds framundan ?

Orðið á götunni er að nýjasta dæmið um sterkt, persónulegt samband stjórnmálamanna úr ólíkum flokkum sé samband Hönnu Birnu Kristjánsdóttur, borgarfulltrúa Sjálfstæðisflokksins, og Svandísar Svavarsdóttur, borgarfulltrúa VG. Þær eru sitthvoru megin við borðið, en greinilega mjög miklir og góðir vinir. ( Af eyjan.is)

Eigi þessi ,,orð á götunni" við rök að styðjast, þarf enginn að undrast skrif Morgunblaðsins undanfarið um hugsanlegan meirihluta VG og Sjálfstæðisflokks í borgarstjórn Reykjavíkur og í framhaldi af því ríkisstjórn sömu flokka. Það er semsé engu líkara en verið sé að byggja brú ...

Stjörnusýlumaður að störfum

Það held ég sé aldeilis handagangur í öskjunni hjá stjörnusýslumanninum Stones á Selfossi við að reyna að komast að hinnu sanna í þessum 15 bílainnbrotum. Ef fer sem horfir verður stjörnusýslumaðurinn búinn að stinga öllun árnesingum í tugthúsið áður enn árið 2008 er á enda, svo mikil er afbrotatíðnin í þessu þjakaða héraði.

Brotist inn í 15 bíla á Selfossi

Pólskur vodki í stólpípu

Þegar ég las um þann ráðagóða í Texas sem tók upp á að skenkja sér áfengi gegnum stólpípu varð mér fyrst fyrir að hugsa til allra þeirra ágætu íslendinga sem gert hafa heimsókn sína til Póllands uppá síðkastið þeirra erinda njóta þar í landi uppbyggjandi stólpípumeðferðar. Mér dettur nefnilega ekki til hugar að pólverjarnir, ef ég þekki þá rétt, láti framhjá sér fara að blanda dálitlum vodka wybarowa saman við glundrið sem þeir dæla síðan upp í blágörnina heilsusinnuðum íslendingum.    

Banvænt sérrí í stólpípu

Verkalýðsmálaráð VG fundar ?

Í morgun heyrði ég Mörð Árnason segja frá því í útvarpinu að í dag kæmi Verkalýðsmálaráð Samfylkingarinnar saman til fundar með Ingibjörgu Sólrúnu. Í framhaldi af orðum Marðar fór ég velta fyrir mér hvort ekki væri tímabært að Verkalýðsmálaráð VG kæmi saman til skrafs og ráðagerða. Ég geri ráð fyrir að innan Vinstrihreyfingarinna gf starfi öflugt verkalýðsmálaráð svo sem vera ber innan róttæks vinstriflokks.

Stíf fundalota framundan

Fékk silfurhamar í hausinn

Það er naumast hvað sútin hefur sest að í hjartanu á Heather Mills; hún heldur ekki einu sinni upp á fertugsafmælið sitt kerlingarrörið ! En svona geta konur farið útúr því að leggja lag sitt við gamla grálynda bítla. Það mætti jafnvel halda að Bítla-Páll hafi lúskrað á vesalings manneskjunni með silfurhamrinum hans Maxwells, sem Páll þessi saung hvað blíðast um hér um árið: Bang! Bang! Maxwell´s Silver Hammer came down upon her head. Clang! Clang! Maxwell´s Silver Hammer made sure that she was dead ...

Ein og yfirgefin á fertugsafmælinu

Steranautn vs vatn og brauð

,,Í stríði er allt fallvaltleikanum háð" er haft eftir Napóleon gamla sem var um sína daga ástríðufyllstur allra á blóðvöllum heimsins. Sama er að að segja um almenna íþróttaiðkun nútímans, þar sem hinn sanni íþróttandi stendur og fellur með því hvort árangursaukandi lyfjaát keppenda kemst upp eða ekki. Nú hefur hin elskaða og dáða hlaupaskessa, Maríjóna Jónsdóttir, orðið hinum leiðigjarna fallvaltleika að bráð, líkt og Napóleon sálugi mátti reyna, og er nú að leiðarlokum ferils síns orðin fangelsismatur, rétt eins og franski hernaðaríþróttarfrömuðurinn eftir kappleikinn við Waterloo forðum daga. Ekki er að efa að Maríjóna mun hafa gott af friðsæld fangelsislífsins og skal ég hundur heita og svo framvegis, ef heimsmetin verða ekki í jafnmikilli hættu og á steraátsjólum hennar þegar hún kemur þjótandi út um fangelsishliðið eftir sex mánaða þjálfun upp á vatn og brauð. 

Marion Jones dæmd í sex mánaða fangelsi

Kroppinbakarnir í SÚS

Sjaldan bregst hann krypplingakórinn í SÚS þegar hann rekur upp sín annáluðu ámátlegu grátöskur. Nú hefur þessi sérdeilis ólánlegi söfnuður tekið uppá því að berjast á móti friðun húsa og sennilega þá á móti allri friðun yfirleitt. Það liggur fyrir að  litlu skakkmyntu kroppinbakarnir í SÚS eru aldeilis ekki á móti neinni eyðileggingu ef hún kann að skila einhverjum óforskömmuðum braskaralýð sæmilegum fjárfúlgum. Auðvitað eiga heilbrigðisyfirvöld að skerast í leikinn og sjá til þess að vandræðabörnin í SÚS verði lögð inn á ríkisrekið sjúkrahús og þeim veitt öll sú læknisfræðilega aðstoð sem í boði er til að lina þjáningar þeirra. Við vitum líka að brugðið getur til beggja vona um bata við hinum illvíga sjúkdómi, SÚS-heilkenninu, sem herjar svo mjög á þessi litlu grey sem orðið hafa mammónsdýrkuninni að bráð. Eða eins og gamall og gáfaður maður sagði eitt sinn í heyrenda hljóði: Frekar vildi ég að barnabörnin mín færu að vinna á vændishúsi en að þau gerðust félagar í SÚS. 

SUS: Laugavegshúsin verði ekki friðuð

Skinhelgi vargsins

Nújá, ætlar minkurinn að stilla til friðar í hænsnakofanaum? Aldrei vantar skinhelgina í helvítis varginn ...

Bush: „Ég mun beita þrýstingi"