Clintonshjónin og vindlaviðhadið

Þegar ég las meðfylgjandi frétt, rifjaðist allt í einu upp fyrir mér hið dálaglega og vindlum stráða ástarævintýri hr. Clinton og þeirrar hormónaþrungnu stelpugálu Móníku Luúvinský. Þetta hefði allt verið heldur skárra fyrir frú Hillarý ef karlskrattinn hefði ekki staðið í bölvuðu vindlastandinu með kvenmanninum.

Hillary tjáir sig um Lewinsky-málið

Hin grimma nútímakona

Þessa dagana fer sá rymtur bæ af bæ, að frú Ingveldur hafi í heyranda hljóði heitið við nafn Þorláks byskubs helga, að ganga í skrokk Kolbeins eiginmanns síns ef hún fái svo mikið sem minnsta grun um framhjáhaldsathæfi af hans hálf í einhverri mynd. Og hefur gott fólk og grandvar á orði að þeir hafi skjaldan heyrt önnur eins býsn í orðbragði höfð eftir úr munni jafn syndugrar konu.   Tilefni heitstrengingar frú Ingveldar er sögð vera, að Kolbeinn hafi fyrir skemmstu komið heim undir morgun eftir gifturíkt nætursvall, fullklæddur að öðru leyti en því að á vantaði nærbuxurnar. Og þó að Kolbeinn legði eið að og kallaði hymmneskar persónur sér vitnis og hjálpar að hann hefði gleymt að klæða sig í áðurnefnda brók áður en hann fór að heiman kom það ekki í veg fyrir að frú Ingveldur misþyrmdi honum á kvalarfullan hátt.   Eftir þá illu meðferð mun Kolbeinn hafa gengið á fund móður sinnar og kunngert henni að frú Ingveldur væri helvítis andskotans hlandmerartík, sem væri uppfull af smásmugulegri mannvonsku og óskiljanlegri kynrænni ónáttúru gagnvart þeim manni sem ætti að vera henni kærastur.    Hin aldrað móðir Kolbeins lagði spekingslega kollhúfur undir ræðu sonar síns og sagði síðan sem svo, að þarna væri þessum nútímakonum rétt lýst; þær væru ekkert nema ofstopinn,frekjan og snobbið. – Ekki fór ég svona að með hann pabba þinn meðan hann var fullnáttúraður, bætti hún við og það hýrnaði yfir hrukkóttu andlitinu. – Aldrei datt mér til hugar að leggja höndur á kallforsmánina þó hann væri eitthvað að snuðra í annarra kvenna klofum ef að ég fékk mitt. Honum var það svosem ekki ofgott aumingjanum svorna. En ef hann dirfðist að vanrækja mig bölvaður ódámurinn var mér að mæta, eins og þú manns Kolbeinn minn! Enn þetta er auðvitað orðið alt í lagi núna eftir að náttúran yfirgaf ha fyrir fullt og allt. Nú hugsar hann bara um pólitík og fótbolta og fer út að ganga með hundinn og svona ...     

Ígildi Guðs, ungtyrkir og smákallar

Ójá, mikið fjölmenni í 60 ára af-mæli Davíðs Oddsonar ...

Já ...

Enda varla við því að búast að smákallarnir í Flokknum þori að styggja ígildi Drottins Guðs Almáttugs í Sjálfstæðisflokknum með því að sniðganga afmælishóf ígildisins. Hinsvegar breytir það engu um þá staðreynd að flokkur kapítalísku smákallana og ígildisins logar þessa dagana stafnana á milli í innaflokksátökum með tilheyrandi skotgrafarhernaði og jafnvel sjálfsmorðsárásum eins og þegar frjálshyggjuungtyrkirnir sprengdu Reykjavíkurmeirihlutann í loft upp.

Fjölmenni í sextugsafmæli

Upplífgandi A og B stofnar

Óskaplega held ég að það lífgi uppá tilbreytingarleysi hversdagsgrámans að fá bæði A og B inflúensu í einu. Það er áreiðanlega dásamlegt að liggja eins og skotinn hundur undir sæng í krampakasti og hitakófi með báða þessa girnilegu inflúensustofna grassérandi í sér. Ég efast ekki um að þannig hefur stórmenninu Árna Matt liðið þegar hann gjörðist gáfaðri en dómaramatsnefndin og emættaði þann klárasta til dómaratignar yfir norðlendingum.

Báðir stofnar inflúensu komnir til landsins

Kaldari en kuldinn í Síberíu

Mikið held ég væri gott ráð, að senda samtryggingarpólitíkusana á Íslandi, sem hvað mest hafa glamrað og vælt yfir dómarastöðu sonar Davíðs síðustu vikur, til Síberíu í kælingu. Það væri áreiðanlega hollt fyrir viðkomandi persónur og heilsusamlegt með afbrigðum að eyða nokkrum vikum í kælunni og kyrrðinni þar eystra til að hugsa sinn gang, ef þær á annað borð geta hugsað á sjálfstæðan hátt.

Ég hef í fávísi minni freistast til að leggja uppá síðkastið eyrun að málflutningi samtryggingargemlinga allra flokka í hinu ómerkilega dómaraskipunarmáli, án þess að hafa nokkru sinni heyrt neinn þeirra komast alla leið að kjarna málsins. Sá allraversti í þessari umræðu er samt Árni nokkur Matt, sem varið hefur sinn vonlausa málstað á þann hátt sem heimskir menn eru gjarnir á að gera. Ef Árni þessi hefði einhvern urmul af ærlegri taug í brjóstinu og vott af beini í nefinu hefði hann frá upphafi átt að rökstyðja val sitt á dómara fyrir norðlendinga með því að segja satt, það er að hann hafi valið úr hópi umsækjenda mann sem er af húsi og kynþætti Davíðs og ennfremur að aldrei hafi annað staðið til. Ónei, í staðinn fyrir að ganga veg sannleikans lætur fyrrum settur dómsmálaráðherra sér ekki muna um að kóróna starf sitt og verja gjörðir sínar með því að ráðast á matsnefnd sem hafði það hlutverk að meta hæfi umsækjenda og sakar það fólk, sem nefndina skipar, á ósvífin hátt um að misskilja hlutverk sitt eða skilja það jafnvel allsekki. Og mikið á Sjálfstæðisflokkurinn bágt ef hann á ekkert skárra uppá að bjóða í ráðherrastól en Árna þennan Matthísen, þó svo hann sé kaldari en kuldinn í Síberíu um hávetur.  

Spáð 55 stiga frosti

Braut draumaprinsinn á vörubílsþaki

Hann má vera Guði þakklátur fyrir að hafa ekki ekki misst sjálfan sköndulinn af sér þessi drengfjandi þarna í Ástralíu þegar hann var að viðra sig framan í stelpugæsirnar þennan örlagaríka dag. Ég geri nefnilega ráð fyrir að fyrst hann var farinn að baða út handleggjunum hafi fleira fylgt handapatinu. Eins og dæmin sanna getur verið beinlínis stórhættulegt að vera kvensamur úr hófi fram, ekki síst á götum úti þar sem umferð er mikil. Þetta minnir mig á Didda vin minn þegar hann braut draumaprinsinn sinn við að lenda á vörubílsþaki eftir að hafa kastað sér nöktum út um glugga á annarri hæð þegar eiginmaður konunnar sem hann var að gleðja kom óvænt heim.

Missti handlegginn eftir að vinka stelpum

Sorpmáli vísað til Héraðsdóms Norðurlands

Svo ESB hótar ítölum lögsókn útaf sorpmenningu þeirra síðartöldu. Ég tel líklegast, láti ESB til skarar skríða, að þeir vísi málinu til Héraðsdóms Norðurlands - eða það sem betra er: til Árna Matthísen sem lætur engar nautheimskar nefndir segja sér fyrir verkum. 

ESB hótar Ítölum lögsókn

Andfeminísk bolabrögð

Það er engum blöðum um að fletta, að kæra Ástþórs á höndur Þórunni Guðmundsdóttur, oddvita yfirkjörstjórnar Norður, er fyrst og fremst andfémínísk aðgerð. Það er næsta víst að ef Þórunn væri karlmaður og héti Þórarinn hefði ekki hvarflað að forsetaefninu Ástþóri að leggja fram kæru. Svo blygðunarlaust andfémínískt framferði er allsekki hægt að þola árið 2008. Ég geri því þá kröfu að kæra forsetakosningafíkilsins verði færð pappírstætaranum til úrvinnslu. 

Ástþór kærir Þórunni

Húrra fyrir félaga Hugo Chavez

Stórmennið og mannvinurinn, félagi Hugo Shavez, lætur ekki að sér hæða fremur en endranær og færði Klöru Rojas son sinn eftir þriggja ára aðskilnað þeirra. Geri glæpasteggir kapítalismans betur !

Hitti son sinn eftir mörg ár

Lostabruni og kynferðislegur njálgur

Einhverjir muna eflaust eftir stórhljómsveitinni Bruna BB, sem gerði garðinn frægan hér á árum áður. Nú hafa þau gleðitíðindi runnið yfir heimsbyggðina, að einn meðlima Bruna BB, sjálf Carla Bruni slagverksleikari, hafi jafnvel gengið í það heilaga með graðhestinum Sarkozy frakkaforseta í síðustu viku. Ekki er að efa, að heldur mun dátt á skeiðvellinum í Elyséeshöllu þessa dagana, en Sarkozky karl ku, eftir því sem vinir hans segja, haldinn sérlega svæsnum kynferðislegum njálgi. Þessum upphossandi fréttum til viðauka segir Orðrómur nokkur að Carla Bruni, fyrrum slagverksleikari Bruna BB, sé þegar barnhafandi af völdum hins bólsnarpa Nikulásar Sarkozi. Svo er bara að vona að karlgeitin fái ekki reiðarslag af öllum látunum og verði úr heimi hallur áður en kjörtímabili hans lýkur. 

Sarkozy og Bruni gift?