Með ódulið forherðingarglott á vör

Það er ekki beint geðslegur félagsskapurinn sem Steingrímur J. er með á myndinni: Á aðra hönd Valgerður Zcwcerrizdóttir en Ágúst Ólafur á hina. Ég kalla þau Valgerði og Ágúst Ólaf huguð að þora að horfa framan í fólk með ódulið forherðingarglott á vör. En maður verður víst að fyrirgefa þeim því þau kunna ekki að skammast sín.

Fjölmenni í Iðnó

Sjálfstæðisflokkurinn á VR

Það hefur verið býsna athyglisvert, svo ekki sé meira sagt, hve forustulið ASÍ og landsambanda þess var, og er kanske enn, tilkippilegt og umburðarlynt gangnvart frjálshyggjupólitík og græðgisvæðingu síðustu ára. Í ljósi þess er svo sem ekkert undarlegt þótt einn, eða fleiri, úr þeirri foustusveit hafi anað eins og blindir hvolpar útí drullupytt hörmunganna. Það kemur heldur ekki á óvart að formanni VR hafi orðið fótaskortur í forarvilpu frjálshyggju og græðgi. Á síðasta ári hafði þessi væni verkalýðshöfðingi að meðaltali hátt í tvær milljónir króna í laun á mánuði, þ.e. tíföld eða fimmtánföld laun fjölmargra félgasmanna VR.

Þá er einnig vert að geta þess, að samkvæmt baktjalda- og samtryggingarpólitík stjórnmálaflokkanna innan ASÍ á Sjálfstæðisflokkurinn VR og Landsamband verslunarmanna. Í þessum apparötum hafa sjálfstæðismenn alla tíð ráðið lögum og lofum, átt formennina of sjálfsagt flesta stjórnarmenn.

 

Vilja stjórn VR burt

Lömuð af ótta

Það er greinilegt að Gjeir Haaardi og Björgvin viðskiptaráðherra eru hræddir. Hræddir við fólkið í landinu, alþýðuna, sem fengið hefur það hlutskipti að taka á sig ábyrgðina af gjörðum hinnar gráðugu auðvaldsstéttar. Og það er full ástæða fyrir auðvaldstéttina og pólitískar senditíkur þess að vera hrædd, skíthrædd, lömuð af ótta. Úr því sem komið er, tjóar lítt fyrir Gjeir Haaade og ríkisstjórn hans að lofa bót og betrun, rannsókn á bankahruninu eða bættum samskiptum og upplýsingagjöf við almenning. Það tekur enginn mark á þessu liði lengur. Hér eftir verður flótti Sjálfstæðisflokksins og taglhnýtinga hans rekinn af fullri einurð, uns yfir lýkur.

Enginn undanþegin rannsókn

Alþjóðlegur pestarstimpill á ríkisstjórn Íslands

Það að pólverjar skuli hafa snúið sér til svía í sambandi við lánveitingu til Íslands, í stað þess að tala milliliðalaust við íslensku ríkisstjórnina, sýnir svo ekki verður um villst, að Gjeir Haaarde og hans kompaní eru ekki talin viðræðuhæf af erlendum stjórnvöldum.

Skilaboð pólverja eru skýr: Íslenska ríkisstjórnin er sorpstía af því tagi sem fulltrúar erlendra ríkja sniðganga til að óreinka sig ekki; pestarbæli sem heiðvirt fólk vill ekki koma nærri.

Niðurlæging ríkisstjórnar Gjeirs Haaarde er slík að vart verður komist lengra á þeirri braut. Og auðvitað á ríkisstjórn, sem komin er með alþjóðlegan pestarstimpil á sig, að segja af sér þegar í stað. Allt annað er megnasti dónaskapur við þegna landsins

Geir staðfestir pólska aðstoð

Krataeðli ,,faglega" hagfræðingsins

Snillingurinn úr greiningardeild Bjögga-Landsbankans, Edda Rós Karlsdóttir (Steinars Guðnasonar) lætur eftir sér að bínefna íslensku krónuna, ,,krónulufsu." Með ummælum sínum berar hinn ,,faglegi" hagfræðingur EBS-krataeðli sitt svo um munar,- og gerir sig þar með í leiðinni ómarktæka fyrir fullt og allt í umræðunni um efnahagsmál. Ennfremur sannar Edda Rós hið fornkveðna, sem sé að:

Ráðlegt er að hafa í hakk

hagfræðinga og skítapakk.

Koma „krónulufsunni" í gang á ný

Ein sér paufast píka

Gjeir í Gjeirakoti

gengur á engum í bili.

Liggur í rústum í roti.

Reimleikar magnast á Kili.

 

Hannes horfinn líka.

Hundar skriðnir í felur.

Ein sér paufast píka,

pjöllu þreytta selur. 

IMF-beiðni frestað

Stríð er besta svarið við kreppu

Besta ráðið við kapítalískri asakreppu er að fara í stríð. Þá á ég við alvörustyrjöld með soldátum og vopnum, þungum sem léttum.

Ef einhver töggur væri í ríkisstjórninni, tæki hún af skarið, stofnaði her, kæmi á herskyldu og réðist á nærliggjandi lönd með báli og brandi.

Í vel útfærðu leifturstríði tæki það íslendinga ekki nema eins og þrjá til fjóra daga að taka Grænland, Færeyjar, Hjaltland og Orkneyjar. Slíkir landviningar myndu styrkja stöðu okkar til mikilla muna í frjálshyggjukreppunni vondu sem þjakar okkur svo mjög.

Þegar fyrrnefndir landskikar væru á okkar valdi, kæmi fljótlega röðin að Danmörku og Skotlandi. Þar með yrðu öll okkar vandamál úr sögunni fyrir áramót.

Samskipti við IMF í hnút

Framsóknarmaðurinn Barrakur

Að sögn góðra framsóknarmanna ku sá nýkosni forseti Bandaríkjanna, Barrakur Ó. Bama, vera mikill og sannur framsóknarmaður á íslenska vísu og er það vel. Þá hefi ég sannspurt, að Barrakur tali iðulega ósköp vel um framsóknarmenn þegar er við skál.

En nú er Barraki Ó. Bama sá vandi á höndum, að skipa brúklega ráðherra í ríkisstjórn sína. Eru ýmsir og sumir nefndir til sögunnar, eins og gengur. Þó tel ég einsýnt, að forsetinn tilvonandi, geri sér hægt um vik og dusti rykið af framsóknarmanni allra framsóknarmanna, sjálfum Halldóri Ásgrímssyni og skipi hann í embætti ráðherra til utanríkis- sjávarútvegs- og efnahagsmála. Um kosti og reynslu Halldórs á sviðum umræddra málaflokka þarf ekki að fjölyrða. Við íslendingar nutum um árabil hæfileika og útsjónarsemi Halldórs Ásgrímssonar og höfum nú uppskorið ríkulega svo sem hann til sáði. Og ekki efast ég andartaksstund um að helsta ástvini sægreifa og frjálshyggumanna á Íslandi, muni takast að gera Bandaríkjum Norður-Ameríku sömu skil og hann gerði blessaðri íslensku Fjallkonunni.

 

Obama ræðir við fjölmiðla

En bankaræningjarnir ganga lausir ...

Það gengur betur að handtaka fólk, sem brýst inn í vörugáma til að hnupla einhverju smálegu, en stórbófa á jakkafötum sem stundað hafa umfangsmikil bankarán og arðrán, með bros á vör, svo liggur við þjóðargjaldþroti. 

Auðvitað furðar almenningur sig á hvernig valdstjórnin forgangsraðar þegar þjófar og bófar skulu gripnir; afhverju bankaræningjarnir og fjárglæframennirnir miklu voru ekki handteknir samstundis eins og gert er þegar óbreyttir innbrotsþjófar og gámaræningjar eiga í hlut.

 

Brutust inn í gáma

Katrín og íhaldsgeddurnar

Það er ekki að undra þó Katrín Jakobsdóttir fái stuðning frá íhaldsgeddum eins og Pétri Blöndal og Guðfinnu Bjarnadóttur. Katrín þessi er nefnilega pólitískur uppskafningur sem á ágæta samleið með Pétri, Guðfinnu og Birgi Ármannsyni. Hvað Katrín er að gera með að leika vinstrisinna hefur mér frá upphafi verið hulin ráðgáta. Og til að bæta gráu ofan á svart, eru leiktilþrif hennar svo kyndug að það er ekki einusinni hægt að hlægja að þeim.

Þingmenn eins og afgreiðslufólk á kassa