Ókeypis ópíum fyrir fólkið

Ekki veit ég hvað Bubb Morteins og Kobba Stöðmanni gengur raunverulega til með tóndæmi sínu á laugardaginn annað en að fóðra þessa krónísku athyglissýki sem þeir eru haldnir, nema ef vera skyldi að þetta sé þeirra framlag til að svæfa þjóðina örlítið fyrir Gjeir Haaarde og Sjálfstæðisflokkinn. Það verða nefnilega mótmæli á Austurvelli næstkomandi laugardag og það liggur mikið við, af hálfu valdastéttarinnar, að dreifa athygli fólks frá þeirri samkomu. 

Það kemur fram hjá ,,fjölmiðlatengli" Bubbs og Kobba, að engin samtök eða pólitísk öfl standi að baki tónleikunum, og þaðan af síður sé verið að berjast fyrir einu eða neinu. En nokkrum línum neðar kemur þó fram, að svokölluð dagskrá Bubbs og Kobba sé unnin í samstarfi við Rás 2. Bylgjuna og Morgunblaðið!

Það er dálítið kaldhæðnislegt og um leið óskammfeilið, svo ekki sé meira sagt, að halda því fram að pólitísk öfl standi ekki að baki Rásar 2. Bylgjunnar og Morgunblaðsins. Umræddir fjölmiðlar eru ekki einhver ópólitísk sunnudagaskólasamtök, öðru nær. Það liggur ljóst fyrir hverjir eru húsbændur á þessum ,,ópólitísku" fjölmiðlabæjum. 

Og þar með er ekki öll sagan sögð. Sjálfstæðisflokkurinn í borgarstjórn Reykjavíkur, frjálshyggjubörnin hans Hannesar Hólmsteins, hefur ákveðið að fella niður leigu af Laugardalshöllinni vegna tónleikahaldsins. Ennfremur hafa börnin hans Hannesar í hyggju að hafa frítt í sundlaugarnar og Húsdýragarðinn næsta laugardag.

Sjálfstæðisflokkurinn ætlar sem sé, í samstöðu við Bubb Morteins og Kobba Stöðmann, að bjóða uppá ókeypis ópíum fyrir fólkið næstkomandi laugardag.

Samstöðutónleikar á laugardag

Það er bara um tvo kosti að ræða fyrir Sjálfstæðisflokkinn

Þó svo að rúmlega 50% þeirra sem svöruðu í skoðannakönnum Gallup, dagana 16.-27. október, hafi verið á því að Gjeir Haaarde hafi staðið sig vel, þá verður að taka með í reikninginn að mikið vatn hefur runnið til sjávar síðan könnunun var gerð. Það er mín tilfinning, að traust fólks á forsætirráðherranum Gjeir, og ríkisstjórn hans, hafi nánast hrapað fyrir björg síðustu tvær vikurnar. Það finnst varla sá sjáfstæðismaður lengur, sem nennir að bera blak af formanni sínum. Sama á við afstöðu sjálfstæðismanna til þjóðardýrlingsins Davíðs í Seðlabankanum.

Það er ljóst, að Sjálfstæðisflokkurinn er öllu trausti rúinn og ætti að segja sig orðalaust úr ríkisstjórn. Fólk vill ekki sjá þessi hrokafullu auðvalds- og spillingasamtök við völd lengur. Það eru ekki nema tveir kostir í stöðunni fyrir Sjálfstæðisflokkinn, úr því sem komið er: þ.e. að hrökklast sjálfviljugur frá, eða láta fólkið á götunni, almenning, hrekja sig frá kjötkötlunum með skömm. Það er bara um þetta tvennt að ræða. 

Ríflega helmingur ánægður með Geir

Frelsari hæddur, smánaður og krossfestur

Hafi einhverntímann verið uppi með nokkurri þjóð spámaður, kraftaverkamaður og fjármagnsfrelsari, þá er það Hannes Smárason, sannur Íslendingur af konungakyni í ættir fram. Þessi bjarti afkomandi Egils Skallagrímssonar og Snorra Sturlusonar, þaut á sínum tíma uppá heiðann himinn fjármálavísindanna, eins og eldflaug væri upp skotið, og skein þar fegurst allra stjarna.

En því miður fór fyrir Hannesi Smárasyni eins og mörgum af stétt spámanna og frelsara; að honum var ráðist með hrakyrðum; hann grýttur; og loks krosfestur með ræningjum, undir þeim formerkjum að hann væri ræningi sjálfur.

Miklil er skömm þeirra, og mun lengi uppi, sem veittust að Hannesi Smárasyni, saklausu frelsisskáldi sem kunni að láta verkin tala, svívirtu hann og hæddu og kórónuðu, þá hátíð var nær, illvirki sitt með því að negla hann öfugann uppá krosstré.

Á Hannesi Smárasyni sannast svo átakanlega, að enginn er spámaður í sínu föðurlandi. 

Hannes vísar ásökunum á bug

Fjöldi öfgamanna á kreiki á Íslandi

Í tilefni af skemmtilegri frétt um þúsindir íslamskara öfgamanna í Bretlandi er eiginlega nauðsynlegt að koma því að, að á Íslandi er ótrúlegur fjöldi af öfga-frjálshyggjumönnum sem ganga lausir.

Á þeim hræðilegu tímum sem nú eru á Íslandi er mikið ábrgðarleysi af hálfu þjóðarinnar, að hinir útúrtjúnuðu frjálshyggjurassar skuli fá að valsa um eftirlitslaust.

Einhverntímann var sett á laggirnar jargansmikill kontór sem átti að sjá um eftirlit með frjálshyggju- og fjárglæframönnum allrahanda. Ekki stóð á því að kontórinn fengi nafn við hæfi, semsé: Fjármálaeftirlitið. Auðvitað var Fjármálaeftirlitskomtórnum gert að hafa starfshætti Fiskistofu að leiðarljósi. Ekki er annað að sjá en Fjármálaeftirlitið og Fiskistofa hafi staðið sig sérdeilis vel í stykkinu, þ.e. horft skipulega framhjá öllu athæfi þeirra sem eitthvað eru taldir eiga undir sér og hafa pólitíkusana í vasanum.

Það er síðan ósköp skemmtilegt að verða vitni að hruni öfga-péníngagéðsjúklínganna. Þeir hrundu eins og aurskriða fyrir björg ómennskunnar, án þess að fjármálaeftirlitskontórinn hefði nokkurntímann skipt sér af hinum sjúku græðgisseggjum. Þannig mun einnig fara fyrir greifunum sem Fiskistofa hefur, á pappírunum, átt að hafa eftirlit með, en hefur ekki gert af pólitískum ástæðum. 

Þúsundir öfgamanna sagðir vera í Bretlandi

Heimsmet í hrunadansi

Ég geri fastlega ráð fyrir að frú Sara Lyall fjalli ítarlega um þátt Sjálfstæðisflokksins og frjálshyggjudólgana í hinum meistaralega hruni efnahagslífsins á Íslandi í grein sinni í New York Times í dag. Og vonandi tíundar hún vel og vandlega glæsilegann hlut framsóknarmannanna Halldórs Ásgrímssonar, Finns Ingólfssonar, Sigurðar Einarssonar og Óla í Samskip í hrunadansinum.

Ekkert land hrunið hraðar

Jódís og Hallfríður voru miklar druslur

,,Druslurnar sendar úr landi." Þannig hljóðar fyrisögn fréttarinnar um gömlu bílana sem verið er að selja til útlanda.

Ég hefi þekkt tvær druslur um ævina, þær Jódísi og Hallfríði. Jódís og Hallfríður voru ekki við eina fjölina felldar meðan þær voru og hétu; stunduðu þjófnaði og svall eins og gengur; börðu gamla karla og léku sér að því að míga standandi sem karlmenn væru. Einu sinni hittu þær roskinn ekkjumann, tóku hann heim með sér og nauðguðu honum þar. Ekki létu stúlkurnar þar staðar numið því þær settu hundaól á ekkjumanninn og létu hann tölta á eftir sér, nakinn og á fjórum fótum, niður götuna. Þegar þær komu að kránni sem kennd er við Guðbrand byskub á Hólum, tjóðruðu þær ekkjumanninn við ljósastaur fyrir utan dyrnar á meðan þær brugðu sér inn eftir afréttara. En þegar Jódís og Hallfríður komu út aftur, var ekkjumaðurinn á bak og burt. Karlfauskurinn hafði þó ekki komist langt því hann var miður sín eftir útreiðina og hlaupið eins og hann var á sig kominn beint í flasið á Kormáki nokkrum matsveini, sem var orðlagt ruddamenni, öfuguggi og fól. Þótti Kormáki matsveini bera vel í veiði, hafði snör hantök, dró ekkjumanninn á öðrum fætinum inní nærliggjandi sorptunnuport og kom fram vilja sínum á karlrassinum, sem spangólaði svo hátt meðan á athöfninni stóð að rotturnar, sem voru að störfum í sorptunnunum, lögðu allar sem ein á flótta. 

Síðar, þegar ekkjumaðurinn var kominn til sæmilegrar heilsu aftur, sagði hann kunningjum sínum frá þessari undarlegu lísfreynslu sinni. Kunningjarnir litu forviða hverjir á aðra því þeir höfðu aldrei heyrt annað eins. Loks áræddi einn þeirra að inna ekkjumanninn eftir hvort atvikið í sorptunnuportinu hefði ekki verið hræðilegt. -Ójú, svaraði ekkjumaðurinn og hugsaði sig um eins og lektor við háskóla, og bætti síðan hróðugur við, að sér hefði ekki þótt neitt varið í þetta. -En merkilegast var þó, sagði hann, - hvað helvítinu honum Kormáki gat þótt þetta gott.   

Druslurnar sendar úr landi

Innlendar raðlygastofur

Það er dálítið einkennilegt, eða er það ekki?, að það skuli iðulega vera erlendar fréttastofur, en ekki innlendar, sem greina nokkurn veginn sannleikanum samkvæmt frá atburðum sem gerast hér á landi.

Það voru nefnilega þúsindir manna sem mótmæltu á Austuvelli í dag, en ekki nokkur hundruð, eða í mesta lagi tvöþúsund eins og íslenskir fjölmiðlar og lögreglan halda fram.

,,Raðlygarar" ... hvað er það nú aftur?

Greint frá mótmælunum erlendis

Rangfærslur koma ekki í veg fyrir sigur fólksins

Hvernig dettur fjölmiðlum í hug að slengja framan í fólk, að ekki hafi verið nema 2000 manns á Austurvelli í dag? Er verið að reyna að segja landsmönnum að óánægja fólk með ríkisstjórn Gjeirs Haaarde, og annað drasl honum tengt, sé bundið við eitt- til tvöþúsund einstaklinga?

Af hverju í fjandanum eru fölmiðlar svona hrikalega hlutdrægir? Vilja þeir máske verða jafnaðir við jörðu?

Samkvæmt heimildamönnum, sem ég treysti margfalt betur en fjölmiðlamönnum, voru þátttakendur í mótmælunum í dag á bilinu fimm- til tíuþúsund manns, ef ekki fleiri.

Og mótmælunum er ekki lokið, fjarri því. Þeim mun ekki ljúka fyrr en með fullnaðarsigri fólksins, alþýðunnar í landinu.

Geir Jón: Lítið má út af bregða

Það á að steypa stjórnvöldum af stóli

Það þarf engann að undra þótt fólk taki til hendinni gagnvart gjörspilltri, forhertri, stórþjófóttri og úrkynjaðri yfirstétt.

Almenningi hefur verið misboðið með þeim hætti af yfirstéttinni, að útilokað er að láta þessháttar óþverra ósvarað.

Með réttu ætti alþýða landsins að steypa stjórnvöldum af stóli, - öllum, eins og þau leggja sig - og skapa nýtt þjóðfélag án aðkomu auðvaldsins og arðræningjahjarðarinnar.

Eggjum kastað í Alþingishúsið

Ómerkileg lygablaðamennska

Þó að ég sé staddur heima hjá mér vestur í Ólafsvík get ég fullyrt, að blaðamaður Morgunblaðsins, fer með gróf ósannindi þegar hann heldur því fram, að mannfjöldinn sem kominn var á Austurvöll þegar fréttin var birt (kl. 14:59) hafi skipt hundruðum. Samkvæmt upplýsingum sem ég hef beint af Austurvelli skiptir mannfjöldinn þar þúsundum.

Hvað svona blaðamennska á að þýða læt ég öðrum eftir að túlka. En trúlega eiga svonn ómerkilegar lygar að þjóna einhverjum tilgangi.

Safnast saman í miðbænum