Stórbrotinn verkalýðshöfðingi

Það verur ekki annað sagt um Gunnar Pál Pálsson, sem var með hátt í 2. milljónir í mánaðarlaun á síðasta ári, að hann sé stórbrotinn verkalýðshöfðingi. Með slíkan afburða baráttumann fyrir hönd fólksins á kössunum í stórmörkuðunum, er ekki amalegt að heyja kjarabaráttu láglaunafólks. Þá er Gunnar Páll sjálfkjörinn að leiða byltingu fólksins í landinu, sem er um það bil að hefjast, fyrir réttlátu þjóðfélagi. Ég tel víst að í byltingarráðinu með formanni VR verði valinkunnir kappar eins og Sigurður Einarsson, Kristján Arason, Gylfi Arnbörnsson, Jón Ásgeir Jóhannesson, Björgólfur Thor, Kristján úr Keflavík, Hannes Smárason, Inginbjörg Sólrún, Valgerður Sverrisdóttir og Gjeir Haaarde. Það verður nú baráttusveit í lagi!

Ekki hægt að taka aðra ákvörðun

Skrípalæti glanspíunnar

Mikið óskaplega er ég orðinn leiður á pólitískum loddurum eins og Þorgerði Katrínu. Hverju ætli svona háborgaraleg glanspía, hesthúseigandi, KB-bankaunnandi og kínafari geti bjargað eftir að hafa tekið virkan þátt í keyra efnahag þjóðarinnar, á rennireið frjálshyggjunnar, gjörsamlega í klessu? Svona lið gerir mest gagn með því að láta sig hverfa af sjónarsviðinu. Og víst er um það að orðin,,veruleikafirring" og ,,hræsni" hafa öðlast mun þrungnari merkingu eftir að söfnuður flottræfla og frjálshyggjubesefa tók öll völd á Íslandi.

Mér leiðast skrípalæti þessa innantóma fólks meir en nokkur orð fá lýst. Og er trúlega ekki einn um það.

Tilbúin að endurskoða afstöðu

Jón Ásgeir og Þórhallur í Kastljósi

Það er nú meiri fjármálaberserkuinn þessi Jón Ásgeir Jóhannesson. Hann lætur sér ekki muna um í miðju efnahagshruninu og kreppunni að kaupa 365 miðla + 36% í Mogganum á einu bretti. Geri aðrir betur.

Og í gærkvöldi hélt Jón Ásgeir uppá velheppnuð kaup með vinum sínum, þar á meðal ritstjóra Kastljóss Ríkissjónvarpsins, á veitingastaðnum B-5 í hjarta Reykjavíkur.

Það verður varla sagt um Þórhall þennan Gunnarsson kastljósstjóra, að hann sé skemmtanavandur maður, fyrst hann lætur sig hafa að taka þátt í gleðskap með alræmdum útrásarvíkingi, sem þjóðin telur sig eiga grátt að gjalda.

Það er víst best að fylgjast grannt með efnistökum Kastljóssins og fréttastofu RÚV næstu vikur og mánuði, einkum og sérílagi af þeirri ástæðu að RÚV á að vera gjörsamlega hlutlaus stofnun gagnvart pólitík og hagsmunaöflum af öllu tagi. 

Löngu ákveðin hlutafjáraukning

Samfylkingin opinberar barnaskap sinn og persóuleikabrest

Jahérna, - lengi getur vont versnað og vitleysan og heimskupörin magnast.

Með bókun sinni á ríkisstjórnarfundi, þess efnis að Davíð Oddsson starfi alfarið í umboði Sjálfstæðisflokksins, virðist Samfylkingin hafa opinberað barnaskap sinn og persónuleikabrest í pólitík svo um munar. Hvernig í ósköpunum þessu fólki dettur í hug að gera tilraun til að frýja sig ábyrgð á Davíð karlinum er ansi óskiljanlegt. Ríkisstjórn eða ríkisstjórnarflokkur getur nefnilega ekki tekið út afmörkuð málefni eða einstaka menn sem tilheyra stjórnkerfinu og sagst ekki bera neina ábyrgð á þeim. Slíkt háttalag flokkast einfaldlega undir lýðskrum og grunnhygginn popúlisma, ef ekki heimsku.

Ef forystuhjörð Samfylkingarinnar væru heiðarlegt fólk og ærlegt, gengi það hreint til verks og sliti ríkisstjórnarsamstarfinu hið snarasta. En því miður held ég sé borin von að Samfylkingin hafi yfir að ráða eiginleikum sem gerir henni kleyft að koma hreint fram. Vindgangur samfylkingarfólks og trúarofstæki í ESB málum gerir einnig að verkum, að Samfylkingin er illa stjórntæk eins og sakir standa til að vinna af alvöru í innanlandsstjórnmálum og að skapa nýtt og betra þjóðfélag á Íslandi. 

Samfylking afneitar Davíð

Þau skildu ekki baun blessuð eðjótin

Ætli aðvörunarskiltin sem vörðuðu veg íslensku ríkisstjórnarinnar fram af hengifluginu hafi verið á Welsku eða einhverju öðru ámóta hrognamáli? Að minnsta kosti skildu Gjeir, Ingibjörg Sólrún, Halldór Ásgríms og Davíð ekki baun hvað stóð á skiltunum.

Viðvörun: Ég er ekki á skrifstofunni

Þá væri nær að styðja Framsókn eða Frjálslynda

Ekki skil ég hvernig nokkrum manni getur dottið í hug að styðja Samfylkinguna, þessi brjóstumkennanlegu samtök skrípalinga og landsöluagenta. Þá væri nær að styðja Framsókn eða Frjálslynda, því þeir flokkar hafa yfir að ráða stórmennum og snillingum eins og Valgerði Sverrisdóttur og Jóni Magnússyni. Svoleiðis fólk stendur að minnsta kosti jafnfætis Ágústi Ólafi og Ástu Ragnheiði hjá Samfylkingunni.

Viðauki I: Samkvæmt ábendingu sem ég fékk og tek mark á, bæti ég félaga Guðna Ágústssyni og Óskari Bergssyni í samkvæmið með Valgerði, Jóni Maggg, Ágústi Ólafi og Ástu Ragnheiði. 

Samfylking með langmest fylgi

Eiríkur sem heitir Helgi og tvær Valgerðar

Fréttin af fjórum bræðrum fæddum sama dag minnir óneitanlega allmjög á aðra bræður sem heita Gísli, Eiríkur og Helgi, nema Eiríkur sem heitir Helgi. En merkilegast er þó, að móðir síðarnefndu bræðranna heitir Valgerður Guðmundsdóttir, rétt eins og móðir bræðranna fjögurra í Vogunum. Þá er einnig athyglisvert, að þeir Vogabræður eru tvöfaldir tvíburar meðan Gísli, Eiríkur og Helgi eru einfaldir þríburar.

Þess skal að lokum getið, að Valgerður Guðmundsdóttir, móðir Gísla, Eiríks og Helga, er af svokallaðri stáltittlingaætt, en í þeirri ætt er frjósemi langt fram úr öllu meðallagi eins og kunnugt er.

Fjórir bræður fæddir sama dag

En samt er kogarasprittið ódýrast og best ...

Stórvinur okkar allra, herra NN á Vestfjörðum er nú orðinn svo illilega nískur, að tímir ekki lengur að kaupa sér dýrara áfengi en kogaraspritt þegar hann vill gera sér dagamun. Það skal tekið fram, svo ekki valdi misskilningi, að þessi stórvinur gerir sér ævinlega daga mun um hverja helgi. En eftir bankahrunið mikla og flótta bankastjórahjarðarinnar úr landi, ákvað NN strax að hafa vaðið fyrir neðan sig varðandi útgjöld sín til dagamunsmála og skipti hratt og örugglega úr Agli sterka í rauðu dunkunum og Stalínískum vodka yfrí blessað brennslusprittið og skemmtir sér nú hálfu meir en áður.

Síðast í dag tjáði NN mér í löngu og gagnmerku máli með drafandi röddu, að áhrifin af rándýru hlandgutli úr vínbúðum ÁTVR kæmust ekki í hálfkvist við mergjaða vímuna af veigunum úr apótekinu. Og stórvinur okkar lét sér ekki muna að tala í líkingum, rétt eins og frelsarinn gerði áreiðanlega þegar hann breytti vatni í vín. - Sko, sagði hann af innblásnum sannfæringarkrafti, - áhrifin af kogganum eru eins og að fljúga í einkaþotu meðan áhrifin af bjórhlandinu, vodkanum og viskíinu líkjast mest ferðalagi á dráttarvél yfir urð og grjót.

Það er sannarlega gleðilegt að enn til sé fólk, sem kann að snúa á íllt árferði með ráðdeild og sparnaði og lifa af eins og ekkert hafi í skorist. Hinir, sem ekki kunna fótum sínum forráð á krepputímum, munu hinsvegar hrapa fyrir björg, lenda í rennusteininum, eða blátt áfram í fangelsi.

Ódýr vodki á Íslandi?

Smettin á vörgunum

Síðustu daga hafa helstu penigageðsjúklingar þjóðarinnar, fulltúar áður óþekkts óhófs og spillingar, hlaupið fram í sviðsljós fjölmiðla og látið móðan mása um óréttlæti heimsins, já, - og stjórnvalda, sem gáfu þó þessum gerpum allt það svigrúm sem þeir þörfnuðust til að keyra lífskjör þjóðarinnar niður í kalda kol. Hannes Smárason, Sigurður Einarsson, Bjöggarnir og aðrir slíkir, skulu ekki láta sér detta í hug að nokkur maður í víðri veröld leggist svo lágt að vorkenna þeim fyrir óráðsíuna, hversu mikið sem þeir grenja framan í heiminn gegnum fjölmiðlana sem þeir sjálfir eiga, að nafninu til.

En það er sjálfsagt til of mikils mælst, að ætla ,að helstu gerendur í niðurlægingu þjóðarinnar kunni að skammast sín. Ég þykist vita, að almenningi í landinu er mikil raun af að heyra eða sjá framan í smettin á vörgunum, sem með samstilltu átaki, að því er virðist, hafa lagt allt í rúst kringum sig. Mitt ráð til þessara manna, er að þeir láti sig hverfa fyrir fullt og allt úr kastljósi fjölmiðlanna og láti aldrei kræla á sér meir. Það er það minnsta sem þessir raftar geta gert eftir það sem á undan er gengið. 

Varpa þarf ljósi á ýmislegt sem gerðist í aðdraganda hrunsins

Félagi Fídel og aðrir góðir menn

Á meðan kapítalisminn engst sundur og saman af matareitrun sem ekki sér fyrir endann á, láta félagi Fídel og aðrir vinstri menn í Suður-Ameríku hendur standa fram úr ermum.

Góðir Íslendingar, látið eigi hugfallast þó kapítalisminn drepist af eigin eiturbrasi. Það er nefnilega líf eftir kapítalismann!

Castro með olíusamning