M.a.s. VG styður hrefnuveiðar

Auðvitað fagna hagsmunaaðilar í sjávarútvegi leyfi ráðherra til hrefnuveiða, þó það nú væri. Og það sem meira er: allir íslendingar með einhvern snefil af beini í nefinu fagna líka. Það eru einungis skrípalingar og annar hörmungarfénaður, m.a. háskólagenginn, sem andmæla. Einhverjir kattarláfujafningar hafa þó látið sig hafa að mótmælt formlega eins og til að mynda úrkynjuð vesalmenni í bresku ríkisstjórninni. En auðvitað hlustar enginn á svoleiðis jarm.

En sem sagt: Á Íslandi ríkir almenn gleði með hrefnuveiðarnar, nema flestum þykir dýrin alltof fá sem má veiða. Meira að segja VG hefir ekki mótmælt umræddum veiðum og má því ljóst vera að Kolbrún Halldórs og Hjölli Gutt eru innilega sammála því að veiða hrefnur.  

Hagsmunaaðilar fagna hrefnuveiðum

Undarlegt að stúlkan iðki kynlíf

Mikið helvíti leynir hún á sér stelpuskömmin hún Britney Spears. Nú er sem sé komið uppúr dúrnum, ofan á alt annað, að hún hefir iðkað kynlíf í nokkur ár.

Sem áhugamanni um mannlega náttúru kemur mér þessi uppljóstrun verulega á óvart þar sem ekki er algengt að stúlkur á hennar reki stundi kynlífsathafnir. En hér eftir verður víst næsta erfitt að rengja þessi tíðindi þar eð myndbandsupptaka er til staðar af flumrugangi stelpunnar með karlmanni.

Nýtt kynlífsmyndband með Britneyju

Össur, hlandhöfðar og giljagaurar

Mikill þó bölvaður kjáni og uppskafningur er karlgreyið hann Össur Skarphéðinsson, nótt sem nýtan dag, það verður aldrei af honum skafið. Hvernig í ósköpunum getur það verið að ráðherra sé óánægður með að 40 hrefnur verði veiddar í sumar? Getur verið að Össur vilji að fleiri hrefnur verði veiddar, eða hvað gengur honum til. Varla er hann einn af þessum sauðheimsku hvalfriðunarþráhyggjumönnum?

Rétt í þessu heyri ég í útvarpsfrettunum einhverja hvalaskoðunarföndrarar boða dómsdag fyrir sitt innantóma snatt ef hrefnuveiðar verði leyfðar. Þvílíkir bögubósar og hlandhöfðar. Þessir sömu giljagaurar boðuðu líka dómsdag þegar hrefnuveiðar í vísindaskyni voru leyfðar, en auðvitað gerðist ekki neitt. Giljagaurarnir í hvlaskoðunarföndrinu eru nefnilega aungir spámenn, þeir eru bara hégómlegir föndrarar og roðhænsn.

 

Óánægja með hrefnuveiðar

Klintonía í pottinum og væmnu persónurnar

Það ætti ekki að koma neinum á óvart þó myndin hans Sigmunds af Klintoníu í pottinum og stráknum Óbama fari fyrir hjartað á væmnum og hræsnisfullum persónum sem vilja meina að lífið sé eintómt harðlífi frá upphafi til enda. Hinum lífsleiðu persónum virðist heldur ekkert um það gefið að óþekktur strákur af Afríkuættum skula ætla að takast að hafa háborgaralegu glanspíuna Klintóníu undir í forsetaslagnum í Bandaríkjunum.  

 

Myndasaga Sigmunds gagnrýnd

Morðvargurinn Kondomlessa og hrefnukvótinn

Hún lætur ekki að sér hæða í vitleysunni hún Ingibjörg Sólrún. Henni munaði ekki um að þeytast til Amríku fyrir skömmu til að heimsækja og flaðra uppum morðvarginn Kondomlessu Ræs. Í dag rymur hún uppúr sér vandlætingarskætingi útaf ákvörðun sjávarútvegsráðherra um að leyfa dálitlar hrefnuveiðar.

Djöfulsins veruleikafirring er þetta!

Það hlýtur að vera orðið mjög aðkallandi að rannsaka, ískalt, innyflin í Alþingi og stjórnmálaflokkunum. Ég fæ ekki betur séð en umræddar stofnanir séu allar sem ein haldin illvígum innanmeinum sem bráðnauðsynlegt er að skafa út.

Hagsmunum fórnað með veiðum

Aumingja blessuð manneskjan

Aumingja blessuð manneskjan að lenda í þessari ógæfu. Það er engin, þegar öll kurl eru komin til grafar, svo aumur að hann verðskuldi að vera titlaður ,,forstjóri Varnarmálastofnunar." Að sjálfsögðu samhryggist ég konunni Ellisif Tinnu af heilum hug í þrengingum hennar og vona að þeim linni innan skamms. Hinsvegar ætti BB utanríkisráðherra að sjá sóma sinn og berjast við sínar vindmyllur sjálfur. 

Skipuð forstjóri Varnarmálastofnunar

Hundar eru fólsk og vanþakklát meindýr

Það er alltaf best að fara að öllu með gát þegar hundar eru annarsvegar. Hundar geta nefnilga verið skaðræðisskepnur og fólskir og vanþakklátir með afbrigðum eins og margir hafa kynnst. Fyrir nokkrum árum gerðist það, að maður nokkur í Mosfellsbæ fann útgangshund, blautan og kaldan. Maðurinn tók hundinn og fór með hann heim til sín og stakk honum undir volga sængina hjá konunni sinni. Þegar hundurinn komst til heilsu á ný þakkaði hann fyrir sig með því að bíta alla í fjölskyldunni, og hvítvoðunginn, sem lá í vöggu, reif hann á hol og át hann upp til agna án minnsta samviskubits. Því segi ég það, að það á að fela embættismönnum, sem hafa þann starfa að útrýma meindýrum, að lóga öllum hundum sem á vegi þeirra verða. 

Hagsmuna hundeiganda ekki gætt

Fengu sér dulítið neðaníðí

Það er þokkalegt til afspurnar, eða hitt þá heldur, ef rétt er að Eurobandið hafi drukkið sig draugfullt á hótélknæpu eftir ,,strembinn dag í fjölmiðlafárinu í Belgrad." Mér er nær að halda að betra væri fyrir bandið að temja sér bindindissamara líferni. Það væri ekkert gamanmál fyrir Íslensku þjóðina ef flytjendur ,,This is my life" höfnuðu í strætinu í Belgrad.

Evróvisjónstemmning á barnum

Það mættu fleiri kennarar fjúka

Að sjálfsögðu á ekki bíða boðanna með að spraka ærlega í rassgatið á kennurum sem verða uppvísir af kynrænni öfuguggahneigð í garð nemenda. Á sama hátt á að meðhöndla kennaraúrþvætti sem gera sig seka um líkamlegt eða andlegt ofbeldi við nemendur. Ég hef illan grun um að ofbeldiskvikindin í kennarastétt sleppi því miður lang oftast við að svara fyrir gjörðir sínar og taka ábyrgð á þeim.

Kennara vikið frá störfum í Borgaskóla

Söngla This is my life inn í eilífðina

Ég held hún hafi ekki nema gott af því að reykja margar sígarettur á dag, óbeint, þessi Regína Ósk, pempíupjásan atarna. Betra væri þó að hún sogaði beint oní sig eins og þrjá sígarettupakka á dag, helst Camel fyrir fullorðna.

Annars held ég Regína og pilturinn sem er að gaula með henni hafi ekkert uppúr að stússast og snobbast utaní einhverju helvísku krónprinsapakki og öðrum þessháttar aumíngjum með horina niðrá bringu. Þau vinna a.m.k. ekki söngkeppnina með slíku háttarlagi. Þessutan er Alexander II enginn andskotans krónprins þareð serbar hafa fyrir löngu stampað öllu sínu úrkynjaða kónga- og drottningahyski og ekki útlit fyrir að fólk af því tagi verði nokkurntíman endurreist þar um slóðir.

En gaman verður þegar Regína Ósk og litli fylgdarsveinninn hennar stíga á stokk í Belgrad og söngla This is my life inn í eilífðina.

Til Belgrad, til Belgrad, allir íslendingar - og segjum serbum stríð á hendur!

Konunglegar móttökur í Serbíu