Hjáróma veimiltítur sitja dauðlamaðar frammi fyrir 600 milljonum

Gunnar I. Birgisson, bæjarstjóri í Kópavogi, er sem betur fer það stór í sniðum, að hann veltir sér ekki uppúr smá tittlingaskít eins og 600 milljonum króna til eða frá í steinsteypuverkefni. Að sama skapi er Flosi Eiríksson, bæjafulltrúi í Kópavogi, smár í sniðum og vesældalegur þá hann stendur frammi fyrir Gunnari I. og framkvæmdum hans. Ég held svei mér þá að Flosi litli hafi ekkert stækkað síðan hann var framkvæmdastjóri Alþýðubandalagsins, sællar minningar. Það voru að vísu dásemdardagar hjá Flosa. En sumir eiga það til að fullorðnast með árunum, en þó ekki allir. Það þarf nefnilega fullorðna menn til að takast á við Gunnar I., en ekki hjáróma veimiltítur eins og þær sem sitja sveittar og dauðlamaðar í minnihluta bæjarstjórnar Kópavogs.

Stúkan fór úr 300 milljónum í 870

Hobbystuldur, Abramovic og L. S. Jones

Ósköp er það nú mikill hégómi að barma sér undan hvarfi á einun hjólhýsisræfli á sama tíma og til stendur að taka á móti miljarðaþjófnum Abramovic með pompi og pragt hér uppi á Íslandi. Og ekki veit ég til að neitt veður hafi verið gert útaf þeim einbeittu rummungum sem hafa vaðið hafa landið þvert og endilangt og sölsað undir sig sameiginlegar eignir almennings. Með réttu ætti það óþurftarhyski að fylla herbergi fangelsana í stað Lárusar Svavarssonar Jones og hans félaga.

Annars eiga hjónin Ragnhildur og Birgir að prísa sig sæl að vera laus við déskotans skuldahalann Hobby Exclusive því nú losna þau við kosnaðinn af að drösla þessari ófreskju á eftir sér í fyrirhugaðri sólarleit þeirra. Þau geta svo sem rúllað sér til og frá um landið á hjólhestum til að grenslast fyrir um hjólhýsið, en mér finnst samt þau ættu að láta það eiga sig því hjólreiðar eru hættuleg iðja, svo sem sjá má á myndinni hér fyrir ofan. 

Sjaldgæfur stuldur: Sumarhús á hjólum horfið

Ákölluðu heilagan Ragnar skjálfta

Ég hefi nú aldrei vitað annað eins helvítis kjaftæði. Hvað er það sem þessi hr. G. Blöndall kallar ,,stóíska ró?" Mínar góðu og trúverðugu heimildir segja, að Íslendingarnir sem lentu í jarðskjálftanum á Ródos í morgun, hafi hlaupið um, fram og til baka, eins og hjartveikir apakettir þegar fór að skjálfa undir þeim. Og allmargir þeirra hafi verið komnir með blautan botninn þegar hrynunni lauk. Þó var kyndugast, segja mínar heimildir, að þegar neyðin var stærst og ringulreiðin mest, þá hafi Íslendingarnir gleymt Guði algjörlega, en þess í stað ákallað Ragnar jarðskjálftafræðing Stefánsson sér til hjálpar. Meira að segja harðsvíruðust Sjálfstæðismenn hafi í angist sinni veinað hvað eftir annað upp nafn heilags Ragnars skjálfta og beðið hann, í fullkomri trúarvissu, að stöðva jarðhræringarnar á Ródos tafarlaust og strax. 

Auðvitað bænheyrði Ragnar, sá góði maður og sósíalisti, fólkið og stöðvaði jarðskjálftann. 

„Tóku þessu með stóískri ró"

Innræti pólitískra óberma

Samkvæmt svokallaðri skopteikningu tímaritsins, Nýji-Jórvíkingurinn, af heiðursfólkinu Miséllu og Barraki Óbama, má ráða að eitthvað meira en lítið er spunnið í þessi snotru sæmdarhjón. En auðvitað sýnir myndin þó fyrst og fremst krónískt innræti hægrimanna, Sjálfstæðisflokksóberma allra landa. Það er nefnilega inngróin skylda hjartahreinna hægrimanna, að ná sér niður á pólitískum andstæðingum sínum með því að bera þá út með óvönduðum kjaftasögum, óhróðri og lygum í þeirri von að almenningur trúi skáldskapnum gagnrýnis- og hugsunarlaust. Á Íslandi þekkjum við svona vinnubrögð hægrimanna og þær afleiðingar sem þau geta og hafa haft.

Skopteikning veldur uppnámi

Farnir að hnusa af afturendanum á henni

Æ hvað það er gott að Britney sé hreinlega farin að blómstra eftir velheppnaða dvöl að géðveikrahælinu og byrjuð að hlægja með mömmu sinni og að henni. Það má víst nærri geta, að géðveikralæknarnir hafi soðið saman góða og áhrifaríka stöffblöndu oní hina sturluðu söngkvinnu, með þeim árangri að nú eru farin að vaxa saklaus, litskrúðug blóm uppúr hausnum á henni í stað valmúa og berserkjasveppa. Og samkvæmt fréttamyndinni af Britney í sjónum, eru vaskir karlmenn aftur farnir að snuðra í kringum hana og hnusa af afturendanum á henni.

Ójá, það er af sem áður var þegar Britney vesalingurinn óð um geggjuð af dópi og dýrum veigum, eða lá spíritusönduð í eigin ælu á ókunnum skítugum salernum. 

Britney blómstrar

Á Íslandi fara fjörudólgar á geðveikrahæli

Ekki þykir mér það miklar fréttir þó sýslumannsembættið í Dúbæ taki taki fólk, sem hefur í frammi ósæmilega mannasiði á baðströndum, úr umferð; það er allstaðar gert þar sem fólk er á annað borð vant að virðingu sinni. Meira að segja á Íslandi eru slík sóðakvikindi leidd á brott af þjónum yfirvalda. Haldiði kanski, að stjörnusýslumaðurinn Stones á Selfossi myndi láta það afskiptalaust ef einhverjar ódannaðar persónur tækju uppá að slangra naktar og ölvaðar um bakka Ölfusár? Nei. aldeilis ekki, herra Stones myndi láta varpa þeim umsvifalaust í dýflissuna. Eða dettur einhverjum í hug, að erlendir ferðamenn kæmust upp með að míga á baðstrandargesti í Nauthólsvík eða í Bláa Lóninu; eða veifa framaní þá kynfærunum? Á Íslandi hefur, góðu heilli, verið siður að handtaka hvern þann mann sem sýnir af sér ósiðlega framkomu þar sem haf og land mætast; þeir eru einfaldlega fundnir í fjöru, yfirleitt af lögreglunni, og leiddir fyrir dómra eða inná geðveikrahæli, eftir atvikum. Þessi aðferð hefur gefist það vel, að næsta sjaldgæft er, að subbumenni láti nokkuð að sér kveða við fjörur landsins.   

„Dónaskapur" á baðströndum

Úrkynjuð gamalkvikindi verða greddunni að bráð

Það má með sanni segja að allstaðar megi sjá stórfelld menningarleg og félagsleg hnignunarmerki í því samfélagi sem við búum við í dag. Öll þekkjum við úrkynjunarathafnir fólks á besta aldri, í stóru sem smáu, sem kristallast í óseðjandi peningagræðgi, útlitsdýrkun, kynlífsfíkn, eiturefnanautn, neyslutrylling, yfirgang og fíflsku. Í öllum þessum rottugangi nútímans hafa sjónir heiðarlegara manna, já og kvenna, beinst að hinum öldruðu; þar megi finna þá fyrirmynd sem ein kunni að verða mannkyninu til bjargar.

En svo bregðast krosstré sem aðrir raftar. Nú hefur, því miður, komi í ljós, að bölvuð gamalmennin hafa í æ ríkara mæli verið að færa sig uppá skaftið í allskyns ósóma og úrkynjuðum dónaskap. Sú nöturlega staðreynd, að karlaskrattar og kerlingarskrukkur yfir sjötugt iðki lostafullt athæfi, hafi á gamalsaldri orðið greddunni að bráð, er þyngra hverri heilbrigðri sál en tárum taki. Hvenær hinir ,,virðulegu" eldri borgarar fóru að þróa með sér kynlífsfíkn svo um munar, má fjandinn einn vita. En það skulu þessi skammarlega kynóðu gamalkvikindi vita, að úrkynjun og perraskapur á efri árum mun ekki gagnast þeim vel þegar þau í fyllingu tímans mæta við hlið Hymmnaríkis og beiða Drottinn sjálfan Alsherjar um húsaskjól. Þá mun Drottinn ekki hafa neinar vöflur á og skipa hinum gröðu gamlingjum til Helvítis.

Meira kynlíf og oftar fullnæging

Þegar þeir krossfestu Gvend - án árangurs

Jahh, mikið helvíti var Gvendur karlinn í orkunni séður að taka með sér fullan kassa af ,,trúnaðarupplýsingum" þegar honum var fórnað eins og hverjum öðrum kleprahvolpi í friðþægingarathöfn apakattanna í Sjálfstæðisflokknum vegna REI-hátíðarhaldana alræmdu. Með örum orðum: Gvendur var krossfestur til að bæta fyrir syndir afglapana í borgarstjórnarflokki Sjálfstæðismanna.

Nú hefur sem sé komið á daginn, að Sjálfstæðishetjurnar hafa ekki unnið nægilega vel á fórnarlambinu því, samkvæmt féttum, komst það undan á flótta með allrahanda viðkæmar upplýsingar í kassa. Hverjar þessar trúnaðarupplýsingar eru, hefur ekki verið tíundað opinberlega, en búast má við, að innanum og samanvið megi finna í kassanaum góða ýmsar kynlegar upplýsingar um athafnir gegnheilla Sjálfstæðismanna þegar þeir stigu REI-dansinn hvað hraðst og með sem mestum rassaköstunum. Það geta allir séð, að þessháttar sannleikur á nákvæmlega ekkert erindi við almenning í Reykjavík, eigendur OR.

Þegar upp er staðið, er ljóst, að íhaldsapakettirnir í Reykjavík hafa fórnað röngum manni í viðleitni sinni til að friðþægja fyrir REI-ósköpin. Á meðan situr Gvendur heima í stofu, með kassann í fanginu, og hugsar fornvinum sínum úr REIinu þegjandi þörfina.  

Guðmundur tók gögn með sér

Sauðdrukknar á golfmóti

Ég man eins og gerst hafi í gær þegar Frú Ingveldur var á sínum yngri árum send til útlanda, ásamt fleiri kvendum af sama sauðarhúsi, til að keppa í golfi fyrir Íslands hönd; það var einmitt líka í Skotlandi. Skipti engum togum að þær höfnuðu í neðsta sæti og var lengi haft á orði að þær hefðu með frammistöðu sinni orðið bæði landi og þjóð til skammar. Þegar farið var að grenslast fyrir hvernig stæði á svo frámunalega slökum árangri golfstúlknanna, kom í ljós að þær höfðu, allar sem ein, þar með talin frú Ingveldur, verið sauðdrukknar alla keppnina.

Myndin hér til hægri er tekin af golfstúlkunum á öðrum degi mótsins. Frú Ingveldur er næst okkur á myndinni.

Ég er ekki með þessari upprifjun á keppnisferðalagi frú Ingveldar og hennar meðreiðarmeyja, að gefa í skyn að Íslenska kvennalandsliðið sem nú iðkar kúlubarning í Skotlandi sé á generalfylliríi og sé af þeim sökum fyrirmunað að koma kúlufjöndunum ofaní holurnar. Öðru nær, stúlkurnar sem að þessu sinni berjast fyrir Íslands hönd eru annálaðar fyrir bindindissemi og góða reglu í hvívetna.

Íslensku stúlkurnar neðarlega í Skotlandi

Ábyrgðarlaus úrþvætti og skrípalingar

Mikið held ég nú að frjálshyggjuskrípin gleðjist þegar venjulegt verkafólk fer að missa atvinnu í stórum stíl, enda þjónar verkafólk sama tilgangi og vélar, eða öllu heldur vélarhlutar, í hugarheimi vatnsgreiddu skrípana í jakkafötunum. Það er blóðugt að ekki sé hægt að draga þessi úrþvætti til ábyrgðar fyrir stórbrotna fjárglæframennsku og annan viðbjóð sem þau hafa framið í nafni peningahyggjunnar. 

Það sem almenningur vill í raun og veru er: Sósíalísk Alheimsbylting !

Þúsundir án atvinnu