Loksins, loksins stórglæsilegar skattabreytingar í réttlætisátt

Loksins er komið að því að skattakerfinu verði breytt í réttlætis- og jöfnunarátt með þriggja þrepa skattkerfi. Það er óhætt að óska ríkisstjórninni og þjóðinni til hamingju með þennan mikilvæga áfanga, eftir hart nær tuttugu ára samfellda hraða þróun í átt til aukins ójöfnuðar og ómanneskjulegra þjóðfélags undir einbeittri harð- og ógarstjórn Sjálfstæðisflokksins.

Ég vona, að ríkisstjórnin láti ekki staðar numið við svo búið, heldur hadi ótrauð áfram að vinna að réttlæti, jöfnuði og heiðarleika. Ég sé fyrir mér, ásamt mörgu öðru, að næst verði hið sjandsamlega og subbulega kvótakerfi í sjávarútvegi leitt á höggstokkinn og hausinn látinn fjúka af því!

Hefði ég tvær flaggstangir á lóðinni hjá mér myndi ég draga Íslenska fánann í fulla stöng á annarri, en þann rauða á hinni. 

Þriggja þrepa skattkerfi

Huggulegar hugleiðingar atarna

Nú er heldur en ekki skammt stórra högga í milli á blessuðu guðsríkisheimilinu í Valhöllu Sjálfstæðisflokksins: Í gær brokkaði svekkti íhaldsjálkurinn, Ólafur F., uppí ræðustól hreppsnefndar Reykjavíkur og heimtaði að aðrir hreppsnefndarmenn í Reykjavík, einkum fulltrúar Sjálfstæðisflokksins, skiluðu inn vottorði frá lækni þess efnis að þeir séu ekki geggjaðir og þar með færir um að gegna hreppsnefndarstörfu. Í dag er síðan greint frá því að gamli moggaofurstinn, Styrmir Gunnarsson, hafi gefið út bók þar sem hann veltir fyrir sér hvort ekki sé borðliggjandi, að þeir sem sátu í ríkisstjórn Gjeirs Haaarde eigi ekki, allir sem einn, að fara í fangelsi. Ekki kemur fram hvað Styrmir telur rétt að Gjeir og hans fólk gisti lengi að Litla-Hrauni, en en eflaust hefur hann í huga langa vist, jafnvel mjög langa.

Það verður þokkalegt fyrir fangaverði á Hrauninu, að hafa Gjeir, Ingibjörgu Sólrúnu, Torgerði Katrínu, Guðlaug Þór og Össur vafrandi um ganga austur þar um ófyrirsjáanlega framtíð í slagtogi með smákrimmum og öðrum ólánsgemlingum. Hugsið ykkur, ef það á fyrir Guðlaugi eða Gjeir að liggja, að deila heirbergi með Lárusi Svavarsyni Jones eða Annþóri handrukkara.

En ekkert er útilokað ... ýmislegt skemmtilegt getur gerst í henni veröld.

Ráðherrar fyrir dóm?

Heimsendamyndin ,,Gulldansinn" er lærdómsrík tragedía

"Á þjóðfundi í Laugardalshöllinni í dag, 14. nóvember 2009, töluðu margir um, að snúa þyrfti til gamalla gilda. Ég er hjartanlega sammála þeim. Íslendingar týndu sjálfum sér í trylltan dansi í kringum gullkálfinn í fjögur ár, frá 2004 til 2008. Baugurinn, sem þeir drógu sér á hönd í einhverju fáti, spillti þeim. Þeir fáu, sem vöruðu við, voru hrópaðir niður." (HHG)

Ofangreind ummæli er að finna á bloggsíðu Hannesar Hólmsteins Gissurarsonar, eins af yfirleikstjórnum kvikmyndarinnar ,,Gulldansinn fram af frjálshyggjuhamrinum," sem sló rækilega í gegn frá árinu 1991 og fram yfir áramót 2009, eða í samfleytt 18 ár, sem er algjört margfalt heimsmet.

Heimsendamyndin 2012 er sögð hafa þénað 225 milljónir dala á heimsvísu, en tapið á heimsendamyndinni Gulldansinn fram af frjálshyggjuhamrinum er ekki endalega komið í ljós, en það mun nema hundruðum, eða ölluheldur, þúsundum milljarða íslenskra króna.

Hannes karlanginn leikstjóri, er auk þess svo seinheppin að minnast á einhverja ,,fáa, sem vöruðu við og voru hrópaðir niður." Eina fólkið, sem ég veit til að hafi varað við frjálshyggjugullkálfi Hannesar voru liðsmenn Vinstrihreyfingarinnar græns framboðs og þeir voru sannarlega hrópaðir niður. En ég þykist vita að Hannes á ekki við þá.

Heimsendirinn heillar

VG breytt í einkahlutafélag

Það er mesti misskilningur hjá mbl.is, að þingflokkur VG hafi komið saman á sjötta tímanum í dag til að ræða Ís-Seivið og fyrirhugaðar breytingar skattkerfinu. Enda er langt á milli manna í þeim efnum í rökkrinu þar á baðstofuloftinu.

Það sem þingflokkurinn er að fjalla um þetta sunnudagssíðdegi er tillaga formanns flokksins um að VG verði breytt formlega í einkahlutafélag í meirihlutaeign Álfheiðar Ingadóttur, Svavarsfjölskyldunnar og Steingríms sjálfs. Hugmyndin að einkahlutafélagsvæðingu VG er um það bil 10 ára gömul, en henni er hrint í framkvæmd nú vegna augljósra hagræðingar sem hún hefur í för með sér.

Þingflokkur VG fundar

Smákölskar á fjósloftinu nýta sér ástandið

Það er heldur daprar fréttirnar, sem berast af Framsóknarmaddömunni þessa dagana. Fyrripartinn í síðustu viku upplýstu líflæknar gömlu húsmóðurinnar í Framsóknarfjósinu, að hún væri komin með svínsinnflúensu ofaní allann sinn ellihrumleika og kararlíf. Um hádegisbil á föstudaginn var Maddaman orðin rænulaus og hefur ekki komst til meðvitundar síðan og er nú haldið með lífsmarki með aðstoð öflugra véla.

En kaldhæðni örlaganna lætur ekki standa á sér: Ekki var hin aldna móðir allra framsóknarpúka fyrr dottin úr öllu sambandi við umheiminn, en smákölskar á fjósloftinu fóru að láta á sér kræla. Er nú svo komið að vikapiltur af loftinu, Einar að nafni, er kominn í stríð við húskarlinn Skara Dvergs og má af látbragði hans ráða, að hann hafi fullan hug á að vega Skara til að geta fyllt spillingarholuna hans í Hreppsnefnd Reykjavíkur.

Það má heita dægilegur andskoti, þegar bleyjuárar eru farnir að bretta uppá trýnið og sýna sér fullorðnari kölskum vígtennurnar með urri og skrækjum, í skjóli afleitrar heilsu gömlu frúarinnar. Þá mun skammt að bíða endalokanna.

„Framboðið kom á óvart“

Þar fóru Íslendingar rangt að

Til forna var íslenskum óbótamönnum vísað úr landi í lengri eða skemmri tíma og ef þeir gengdu ekki því kalli voru þeir réttdræpir hverjum þeim er hafði lyst á. Ég tel, að þetta hafi verið gott fyrirkomulag og það hefi verið hrein mistök heimskra manna að afnema það. Það hefði t.d. verið gott, að geta dæmt útrásardólgana, fjárglæframennina og gjörspilltu stjórnmálamelrakkana til ævilangrar útlegðar um leið og uppum þá komst í fyrrahaust. Og hefðu mannkertin ekki hypjað sig burt af landinu hið snarast hefði undir eins gengið í gildi veiðileyfi á þá líkt því sem gildir um veiðibjöllu og annann vargfugl.

Um hina afbrotahneigðu Fransmenn gegnir öðru máli. Best hefði verið að hleypa þeim inní landið og leyfa þeim að athafna sig að vild, því þetta eru fátækir menn og veitir ekki af einhverri búbót. Og þeir eru meira en fátækir, þeir eru víkingar, sem brjótast til annarra landa í leit að fé og frama. Samkvæmt sagnameisturum fornaldar erum vér Íslendingar af þessháttar mönnum komir og hefur, fram til þess a, þótt fínt að geta rakið ættir sínar beint til slíkra höfuðsnillinga. Því ættum vér Íslendingar að gleðjast þegar ræningjar frá einhverri merkustu þjóð veraldar gera lykkju á leið sína og heimsækja oss af sömu ástæðu og vorir sælu forfeður heimsóktu aðrar þjóðir af sinni alkunnu dirfsku og höfðingslund þá er víkingaöld var.

Tveimur Frökkum vísað úr landi

Gott að hún stoppar stutt

Mikið er gott að heyra Eivörr Pálsdóttir ætlar að stoppa stutt. Ég var nefnilega hræddur um að hún ætlaði að stoppa lengi og það hefði orðið óþolandi, skrækirnir og nágólið í henni eru þess eðlis. Og ef hún myndi stoppa lengi, er eins víst að hún tæki einhvern íslenskann pilt friðilstaki, en þessháttar þokkabragð væri að sjálfsögðu fyrir neðan allar hellur.

Eivör í stuttu stoppi

Fleiri missa ókeypis bleyjur

Ekki er nóg með, að væntanlegir foreldrar verði frá og með áramótum að taka bleyjur með sér á fæingardeildina, heldu er ástandið svo slæmt, að þingmenn Sjálfstæðis- og Framsóknarflokks verða, frá sama tíma, að sæta því að hafa með sér bleyjur að heiman, því þá mun Alþingi hætta að skaffa þeim ókeypis bleyjur. Enn fremur hættir Alþingi að bera kostnað af því að skipta um rassumbúðir á ræflunum, þannig að umræddir þingmenn verða líklega að ráða til sín dagmömmu á eigin reikning til að annast skiptingarnar svo botninn á þeim brenni ekki úr hófi.

Foreldrarnir komi sjálfir með bleiurnar

Mikil hætta á að flensan stökkbreytist í algjöra drepsótt

Nú undir kvöld greindist blessuð Framsóknarmaddaman með svínainflúensu. Þetta eru hræðileg tíðindi fyrir hvorki meira né minna en alla jarðarbúa. Vísindamenn telja, að með því að blandast framsóknarvírusnum geti svínaflensan stökkbreytst í hroðalega drepsótt, sem sé margfalt skæðari en svartidauði, stórabóla og spánska veikin til samans. Það segir sig sjálft, að mjög áríðandi er, að Landlæknisembættið hlutist til um, að kerlingarófétið verði strax meðhöndluð á sama hátt og miltisbrandstilfelli hvort heldur dauð eða lifandi.

Og ekki má gamla Framsóknarmaddaman við því að fá svínsinflúensu ofaní ellihrumleik sinn og öldrunarsjúkdóma, sem gert hafa að verkum að hún hefur ekki komist uppúr kör sinni í allmörg ár. Nú munu æðstuprestar Framsóknarfjóssins, þeir Halldór Ásgrímsson, Finnur Ingólfsson og Alfreð Þorsteinsson vera komnir að bæli Maddömunnar, þess albúnir að veita henni nábjargirnar því jafnvel er búist við að sú gamla skilji við í nótt.

En þó Framsóknarmaddaman andist úr elli, svínsflensu og ómennsku innan stundar, er ekki þar með sagt að hún sé úr sögunni. Fólk hræðist, að kerlingarfjandinn mun ganga umsvifalaust aftur þegar hún er dauð og verða jafnvel enn spilltar og illyrmislegri en hún var í lifanda lífi; hún muni blása illum öndum í milljónavís uppí rassgatið á litlu framsóknarpúkunum á þingi og ríða röftum í jötunmóð hvar sem hún fær því við komið. Enda er Framsóknarmaddaman komin í beinan kvenlegg af Þórólfi bægifæti, sem eftir dauða sinn varð einhver illræmdasta afturganga sem um getur í samanlagri sögu Íslands. Og bæði eiga þau feðginin, Bægifótur og Maddaman, það sameiginleg, að hafa verið mjög slæm og öllum óþolandi í lifanda lífi.  

Færri greinast

Rek mig þá á kvörnina

Geng ég nú inn göngin hér,

rek mig þá á kvörnina.

Ég er eins og jólatré,

ég er í hreppsnefdinni.

Verður er verkamaðurinn launa sinna. Amen.

Enginn getur bæði þjónað Drottni og Mammon. Amen.

Er ekki einhver í Reykjavíkurhreppsnefndinni, sem heitir Fífill?

Allt að 900 þúsund á mánuði