Selja land að júdasískum sið

Auðvitað er sænski auðvaldshundurinn Carl Bildt vel með á nótunum þegar hjartansmál íslenskra landssöluþræla er annars vegar. Hin auðvirðilegi auðvaldsleppur, Samfylkingin, er orðin óafmánlegur smánarblettur á íslensku samfélagi og á tæpast tilverurétt lengur. Það er verðugt rannsóknarefni að kanna niður í kjölinn hvernig á því stendur að stjórnmálaflokkar á Íslandi hafa jafn mikla tilhneyingu til að verða glæpasamtök og raun ber vitni.

En Samfylkingunni skal ekki verða kápan úr því klæðinu að selja land og þjóð í hendur ESB-auðvaldinu að júdasískum sið. Þjóðin mun stöðva það óhæfuverk að í væntanlegri þjóðaratkvæðagreiðslu.

„Aðildarferlið vel á veg komið"

Í sjálfheldu óheiðarlegra valdastjórnmála

Steingrímur J. Sigfússon er ekki öfundsverður af því að hafa hnútasvipur samfylkingargoðanna Jóhönnu, Össurar og Árna Páls hvínandi yfir höfði sér alla daga útaf þrjósku þingmanna VG varðandi ESB og Icesave. Ég er á því að Steingrímur hafi ekki ígrundað mál þess flokks sem hann er formaður fyrir áður en hann kastaði sér ofan í ormagryfju Samfylkingarinnar. Því réði blind fíkn hans í ráðherra stól undir blessaða rassboruna á sér. Niðurstaðan er sú að karlhólkurinn er kominn í sjálfheldu utaní miðju tíræðu bjargi valdastjórnmálanna með hnútana á svipum samfylkingarforystunnar smellandi við nefið á sér. Það má auðveldlega færa rök fyrir því að það hafi verið mistök hjá VG að stökkva umyrðalaust í minnihlutastórn með Samfylkingunni í vetur sem leið. Það hefði áreiðanlega verið hollt fyrir vindhænsnin í Samfylkingunni að fá að engjast sundur og saman í ríkisstjórn með Sjálfstæðisflokknum dálítið lengur og velta sér í þeim ágæta drullupolli óheiðarleika, lyga og svika sem þessi samtök höfðu komið sér ofaní.

Varðandi Icesave-málið, virðist enganveginn komið á hreint hvort Ísland hefur efni á því að kaupa sér stundarfrið með svavarssamningnum góða. Menn verða að muna, að á eftir svikalogni brestur gjarnan á fárviðri, mannskaðaveður eignatjóns og sársauka. Það er t.d. ekki einleikið, að helstu rök fjármálaráðherrans fyrir nauðsyn á samþykki Alþingis við Icesave-samningnum eru lítt duldar, en samt full þokukenndar, hótanir um einhverjar óskilgreindar ófarir. Á virkilega að pína heiðarlega þingmenn til að ganga gegn sannfæringu sinni og fullvissu? Hver djöfullinn sjálfur er eiginleg þarna á bak við?

Tjáir sig ekki um ummæli Lilju

Megi þeir funda til eilífðarnóns

Guð gefi að fjárlaganefndin beri gæfu til að funda um Icesave-hörmungina til eilífðarnóns án nokkurrar niðurstöðu. Með því móti gerðu Gutti í Göngunum og hinir í nefdinni þjóð sinni mest gagn. Amen.

Enn fundað um Icesave

Fjallkonan seld til vændisstarfa í Herbertsstrasse og Rauða hverfinu

Ansans ári er það nú eitthvað skemmtilegt og upplífgandi að einhver Marís Riekstins fagni aðildarumsókn Íslands að auðvaldsbatteríinu ESB. En að segja að lettar styðji þessi óviðjafnanlegu hemskupör löggjafarþings Íslands er nú fullmikið sagt, þó þvagbrýnið Marís Riekstins stökkvi hæð sína í loft upp í alltof litlum nærbuxum einum fata af einskærum fögnuði eða hálfbjánaskap.

Það þarf víst ekki að fara í grafgötur með, að lítilmenni allrahanda af standi föðurlandssvikara og landssölumanna skríða þessa dagana eins og rottur uppúr holum sínum þess albúin að selja Fjallkonuna til vændisstarfa í Herbertsstrasse og Rauða hverfinu í Amsturdammi. Mér er svosem nokk sama um rottugang af þessu tagi í Sjálfstæðisflokki, Framsókn og Samfylkingu, það var heldur ekki við öðru að búast úr þeirri átt. En að Vinstrihreyfingin grænt framboð væri jafn útsteypt og raun ber vitni af þessari sóðaplágu átti ég ekki beinlínis von á. Og þó. Ég hef lengi gert mér grein fyrir að í VG væri alltof mikið af fólki sem í raun og veru á heima á einhverjum allt öðrum stað - til hægri. Það er nefnilega staðreynd að VG þróaðist furðu fljótt til hægri, miðað við það sem lagt var upp með fyrir 10 árum; hægri armurinn yfirtók flokkinn og hefur haldið honum í gíslingu síðan. Í þessari framvindu mála er svanasöngur VG falin. Vinstri armur flokksins, sósíalistarnir, verkalýðssinnarnir og þjóðfrelsissinnarnir mun ekki líða þennan yfirgang mikið lengur. Innan VG er allt á suðupunkti, allt brjálað eins og sumir segja. Þar tala menn nú opinskátt um svik og tækifærismennsku þeirra er telja sig eiga VG öðrum fremur sem ekki sé hægt að fyrirgefa. 

Og hvað ætli hinn svavarsvæddi hægriarmur VG geri, fari svo að vinstriarmurinn geri alvöru úr gamni og yfirgefi samkvæmið?     

 

Lettar styðja Íslendinga

Byltingin bíður handan við hornið tilbúin að gera það sem gera þarf

Sannast sagna væri mun betra að eyða Kaupþingi og Íslandsbanka en að eyða einhverri óvissu um áframhaldandi rekstur þessara sóðabæla. Það er andskotans nóg fyrir okkur að starfrækja einn ríkisrekinn banka á rústum Landsbankans. Þar til viðbótar væri æskilegast að eyða svokölluðum tryggingafélögum, við komumst af með eitt ríkisrekið tryggingafélag. Sömu aðferð á vitaskuld að brúka á olífélögin, sjónvarps og útvarpsfélögin og símafélögin, svo fáein blóðsugufyrirtæki séu nefnd. Ef vesalings ,,vinstristjórnin" okkar væri ekki uppfull af vitleysu og andvinstriórum hefðu ofangreindar tillögur orðið forgangsaðgerðir af hennar hálfu. En koma tímar koma ráð. Byltingin bíður nefnilega handan við hornið, tilbúin að gera það sem blauð stjórnvöld hafa hvorki vit né áræði til. 

Óvissu um bankana eytt

Geðbilað óhræsi vegur að húsi Davíðs

,,Egg og níð á hús Davíðs." Þegar ég las þessa fyrirsögn mbl.is varð mér fyrst fyrir að halda að þarna væri um að ræða tilvitnun í hina helgu bók, Biflíuna, þar sem sagt væri frá árás illræðismanna á hús Davíðs konungs, sem mjög kemur við sögu í Gamla testamentinu. En þegar ég renndi yfir fréttina sjálfa varð mér ljóst að átt var við Davíð þann Oddsson sem ekki kemur ólítið við sögu í testamenntum Hannesar Hólmsteins Gissurarsonar guðspjallamanns frjálshyggjunnar á Íslandi.

Vart þarf að fjölyrða um, að óhræsið sem lagði til atlögu við hús og bifreiðar Davíðs er eitt af þessum vitfirrtu illræðiskvikindum sem fá útrás bilunar sinnar við að svívirða eignir stórmenna sem þau öfunda af sjúklegri heift. Og að skrifa níðkviðling á húsvegg slíks manns, sem Davíð er, flokkast hiklaust undir guðlast, drottinssvik og föðurlanssvik og þess ógæfumanns er þennan svívirðilega glæp framdi bíður ekkert annað en eilíf útskúfun þessa þeims og annars.

En svo ég víki nú að öðru: Þá man ég eftir andstyggilegri níðvísu, eftirmælum, sem mig minnir að illa innrættar systur hafi ort um afa þeirra nýlátinn. Það skal tekið fram að afinn var meiriháttar maður, sómi sinnar sveitar og búhöldur mikill sem í engu mátti vamm sitt vita:

Fjallaskauða foringinn

fantur nauðagrófur,

er nú dauður afi minn,

Oddur sauðaþjófur. 

Egg og níð á hús Davíðs

Verri sjúkdómur herjar á varnarlausa íslendinga

Þó að bölvuð svínaflensan sé að sönnu vondur sjúkdómur er ekki fyrir það að synja, að hér uppi á Íslandi hefur önnur plága sýnu verri, evrópusambandsveikin, fengið að grassera án afskipta læknavísindana og leikið þjóðina grátt. Talið er að um þriðjungur þjóðarinnar hafi smitast af umræddri plágu og ótrúlegur fjöldi þeirra sem sóttina hafa tekið hafa ýmist látist eða lent inni á geðveikrahæli. Einkenni evrópusambandsveikinnar er þrálátur svimi, iðrakvef og ranghugmyndir. Mjög erfitt er að halda uppi samræðum við sjúklingana; þeir svara einatt út í hött eins og páfagaukar og virðast utan gátta eins og þeir séu staddir í öðrum heimi. Sé t.d. sagt við evrópusambandssjúkling, að nú sé gott veður, svara þeir undantekingarlaust, að veðrið væri miklu betra ef við værum í ESB. Og ef maður býður þessum vesalingum góðan daginn, taka þeir undir kveðjuna með því að segja að dagurinn væri mun betri ef Ísland væri í ESB.  Það er ljóst að þessi alvarlegi sjúkdómur á eftir að valda gífurlegum búsifjum hér á landi verði ekkert að gert, jafnvel landauðn ef allt fer á versta veg. Ein von þjóðarinnar gagnvart þessari skelfilegu vá er að taka smitberana úr umferð og hafa þá í einangrun í langan langan tíma.

Fréttaflutningur af H1N1 gagnrýndur

Og kratahórdómurinn verður úr sögunni ...

Þó það nú væri að samfylkingarskrípin tækju til fótanna með ,,allra meina bótina sína" og komi henni í ,,réttar hendur." Það er t.d. einkar hugnæmt að Gvendur Árni hafi kjagað með drögin að svikasáttunum á fund ráðuneytisstjórans í sænska utanríkisráðuneytinu. 

En sem betur fer verður samfylkingarlítilmennunum ekki kápan úr ESB-klæðunum.

Þjóðin mun að sjálfsögðu fella þessa ógeðfeldu aðför að fullveldi Íslands og sjálfstæði. Þar með verður allur kratahórdómur úr sögunni hér á landi. 

Búið að sækja um ESB-aðild

Féll fyrir sjálfsfróunarfreistingunni

Ónei, Benedikt XVI slasaðist ekki á úlnliði við að detta um koll. Allar sögusagnir um það er óguðleg svartalýgi. Úlnliðurinn á karskepnunni gaf sig þegar hans heilagleiki lá í rúmi sínu og var að stunda sjálfsfróun. Það er alltaf jafn merkilegur andskoti þegar afgamlir karlar með stökk bein og ryðguð liðamót taka uppá að falla fyrir sjálfsfróunarfreistingunni. Fyrir skemmstu frétti ég að jafnaldra Benedikts XVI sem fékk bæði svæsna liðbólgu í úlnliðinn og tennisolngboga af svona bölvaðri sjálfsfróunarfíkn, og það kostaði heilbrigðiskerfið háa fjárhæð að lappa uppá skankann á karlófétinu. En það sem verra var: Umrætt gamalmenni skammaðist sín ekki hætishót fyrir verknaðinn, hvað þá alla fyrirhöfnina sem læknar og sjúkraliðar þurftu að leggja á sig við að lappa uppá það sem aflaga fór í fróunarstandinu. Í Hollandi hafa yfirvöld brugðist við svona uppákomum með því að banna sjálfsfróun á dvalarheimilum aldraðra og hver sá sem uppvís verður að því að brjóta það bann getur átt yfir höfði sér háa fjársekt og fangelsisvist.

Hlúð að heilögum úlnlið

Bókstafstrúaðir davíðistar fara hamförum

Nú, það kom líka til átaka milli lögreglu og bókstafstrúaðra davíðsista í Reykjavík í dag. En davíðsgeggjararnir verða æ galnari með hverju viðtalinu sem birtist við yfirgeggjann eftir að Jóhanna og Steingrímur mismunuðu honum eins og moðpoka útúr Seðlabankanum. Nú er svo komið að bókstafstrúuðu davíðsistarnir fara hamförum í hvert skipti sem þeir fá tækifæri til, berja konurnar sínar, hlaupa um berrassaðir utandyra á nóttinni og neita að borga reikninga sína á vínveitingarhúsum. Í fyrrinótt var einn þessara ógæfumanna handtekinn fyrir að misþyrma hundi nágranna síns. Þessi náungi gerði það þó ekki endasleppt því hann beit lögregluþjón þegar átti að hleypa honum út daginn eftir. Fyrir það var hann lokaður inni aftur.

	Átök í Jerúsalem
Ábyrgðarmaður færslu Tenging við þessa frétt hefur verið rofin vegna kvartana.