Guttur og kratakindurnar eru alvöru hugsjónafólk

Jæja, Guttur minn góður, svo þú efast um alvöru þingmanna. Ég get til dæmis ekki bent á einn einasta alvöru-þingmann í Samfylkingunni, það veit Drottinn Guð almáttugur. En fyrst að þú, Guttur minn, og hinar kratakindurnar í Samfylkingunni eruð svona áfjáð í að borga glæpaskuldirnar fyrir peningaperrana þá er ykkur velkomið að greiða þær skuldir úr eigin vasa. Ef að þið gerðuð það gæti svo farið að einhver eða einhverjir færu að líta á ykkur sem alvöru hugsjónafólk sem væri reiðubúið að borga aðgöngumiðann að ESB sjálft, án utanaðkomandi aðstoðar.

Efast um alvöru þingmanna

Fer ekki bráðum að koma að tjöru og fiðri?

Satt að segja þá er rauð málning fullgóð á hjallinn hjá þessum Hjörleifi. Eða ætlast máske einhverjir til að menn noti rauðvín á veggina hjá þessum körlum? Eða rauðspritt?

En mikið er ég hræddur um að þrjótarnir sem klína málningu á hús glæsilegra fulltrúa valdastéttarinnar láti ekki þessháttar iðju nægja sér til lengdar. Það fer áreiðanlega að styttast í að fyrsti góðborgarinn verði flettur klæðum og velt uppúr tjöru og fiðri. Ekki er ólíklegt að saklausu fólki muni bregða all verulega í brún þegar þjóðþekktir mektarmenn fara að sjást tjargaðir og fiðraðir á æðisgengnum flótta hér og þar á höfuðborgarsvæðinu, eða liggjandi í slíku ásigkomulagi á tröppunum heima hjá sér lamaðir af ótta. Það kæmi að minnsta kosti ekki á óvart þó mikill kippur kæmi á næstunni í sölu á tjöruhreinsi eins og bílar eru skrubbaðir uppúr á vorin.    

Málningu slett á hús Hjörleifs

Óþverrabrækjan ólýsanlegri en orð fá lýst

Svo segja mér kunnugir menn, að óþefur fari vaxandi dag frá degi í Alþingishúsinu og fari fram sem horfi mun brækjan verða ólýsanlegri en orð fá lýst eftir fáeina daga; engu sé líkara en dauður hundur sé að grotna sundur einhversstaðar undir borði í húsinu, jafnvel að fiskifluga hafi komist í hræið.

Úldnastir af öllum úldnum á löggjafarsamkomunni séu þó samfylkingarpésarnir sem vita um þessar mundir ekki sitt rjúkandi ráð fremur en venjulega. Meira að segja drengstaulinn Björgvin Sigurðsson er sagður vaða þar um ganga hótandi þingmönnum VG, sennilega með Djöflinum í Helvíti, ef þeir makki ekki rétt á forsendum auðvaldsins. Um Björgvin þennan er það annars að segja, að eftir framúrskarandi afrek hans sem viðskiptaráðherra í hrunastjórn Gjeirs og Ingibjargar Sólrúnar, hefði stjórnmálaferli hans að vera lokið að eilífu. En, ónei. Stórbrotið dómgreindarleysi hans sjálfs og kjósenda skolaði honum aftur uppá fjörur Alþingis þar sem hann var verðlaunaður af Samfylkingunni með nafbótinni ,,þingflokksformaður." Það hlýtur að vera eitthvað alvarlegt að í stjórnmálaflokki sem hagar sér með þessu hætti.  

Skoðanir enn skiptar

Árni Johnsen, kunningi minn og gamla konan sem dó

Kunningi minn, tónfróður maður og söngvinn, labbaði sig eitt fallegt októberkvöld niður í brekkuna fyrir neðan heimili sitt með gítarinn sinn og fór að syngja svona brekkusöngva eins og Árni Johnsen gerir. Engir áheyendur voru nær og kvöldið var kyrrlátt en fremur kalt. Þegar kunningi minn var hálfnaður með fimmta lagið komu þrír lögregluþjónar og höfðu hann á brott með sér, tóku af honum gítarinn og lokuðu hann inni fram undir hádegi næsta dag. Nokkrum dögum síðar var honum gert að greiða heilmikla sekt fyrir ölvun og óspektir á almannafæri og hafa raskað alsherjarreglu.

En Árni Johnsen fær átölulaust að orga ár hvert yfir gjörvallann Herjólfsdal með þvílíkum tilburðum að ungmenni, allt uppí stálpaða krakka, verða skelfingu lostin eins og þau hafi séð draug eða skrímsli. Það má þó Árni eiga, að söngskrá hans var óvenju vönduð og líbéral í kvöld. Meðal annars kumraði hann hin vinsælu lög ,,Bylur hátt í koki klúru," ,,Gamla konan sem dó," ,,Í skorsteini hann Skottu lá," og sjómannalagið góðkunna ,,Kvótasvínið keilunni stal."

13 þúsund manna kór

Braut á sér leyndarliminn

Þrátt fyrir ágæta upptalningu mbl.is á hneykslisverkum fullra manna um þessa helgi hefur þeim er fréttina ritaði af einhverri ástæðu láðst að segja frá manninum á tjaldstæðinu á Laugarvatni sem varð fyrir því óláni í ölvunarástandi síðastliðna nótt að brjóta á sér leyndarliminn þegar hann átti í snörpum viðskiptum við frillu sína. Eins og gefur að skilja varð að kalla út vakthafandi lækni til að líkna hinum slasaða sem lá viðþolslaus fyrir framan rekkjuna í húsbíl, kengboginn eins og girðingarlykkja. Af húsbílnum er það að segja, að sá vagn var keyptur af áðurnefndri frillu og eiginmanni hennar fyrir hrun á erlendu láni frá einhverju kaupþinginu og er víst orðinn rúmlega helmingi verðmætari í krónum talið en hann var síðasta sumar, sannkallaður skuldakláfur og gleðigjafi eigenda sinna. Þegar slysið varð, lá eiginmaðurinn meðvitundarlaus af spíritusnautn undir hinum frækna húsbíl hjónanna.

Bifhjólaslys, kynferðisbrot og hraðakstur

Ekki er á þá logið Akureyringana

Ekki er á Akureyringa logið að þeir kunni öðrum betur að gera sér glaðan dag: Í nótt sem leið báru þeir eld að kömrum sínum svo að þeir brunnu upp til agna ásamt klósettskálum og salernispappír, og nú í eftirmiðdaginn drukku þessir glaðlyndu norðurhjarakálfar sig blindfulla í valashbruggi. Hvað þeir taka til bragðs í nótt má fjandinn vita. Þó má klárt vera að listspekingurinn Hlynur Hallsson mun draga ESB-fánann að húni úti í drullupollinum eins og hann hefur verið að bögglast við undanfarnar vikur. Nú er svo komið að sönnum listunnendum þykir lítt til Sölva Helgasonar koma við hliðina á hinu gullslegna gersemi Hlyni listspekingi. En þó verður fróðlegast að vita hvernig ofsaglaðir aureyringar fara að í klósettleysinu eftir að þeir brenndu ofan af sér náðhúsin. 

Valash og pylsa með rauðkáli

Minna en fimmföldun kemur ekki til greina

Á þeim miður þokkalegu tímun sem vér nú lifum hljóma kröfur um tvöföldun vegaspotta hvort tveggja í senn hjákátlegar og hégómlegar við hliðina á stórvaxandi þörf á geymslum undir glæpamenn á næstu misserum. Það liggur fyrir að víða í sjávarbyggðum landsins standa tóm og verkefnalaus fiskvinnsluhús, sem upplagt væri að breyta í fangelsi á skömmum tíma með litlum tilkostnaði. Í mannlausum sveitarhreppum hangir gnægð gaddavírs, sem lokið hefur hlutverki sínu við að halda garðárum frá túnum manna. Með öllum þeim kynstrum af gaddavír væri hægt að hrófla upp 10 - 20 metra háum girðingum kringum væntanleg tugthús, sem áður voru frystihús og saltverkunnarstöðvar. Ég er viss um að dæmdir kvótaþrjótar og kauphallarhéðnar í nákominni framtíð koma til með að una sér vel í slíkum fangabúðum. Einnig myndu íbúar sjávarbygganna, þeir sem enn eru eftir, hafa ágæta skemmtun af að skoða fangana á þegar þeir verða viðraðir í fangelsisgarðinum á sunnudögum.

Telja tvöföldun Suðurlandsvegar brýnasta

Hvað fá þeir að þrauka lengi í svartholinu

Það er auðvitað gott og blessað að búið sé að dæma Tarek Aziz í 7 ára fangelsi fyrir aðild að áætlun um að flytja Kúrda frá olíusvæðum í norðausturhluta Írak. Þessi fíni dómur vekur upp vangaveltur um kvótaþrjótana á Íslandi og í hve margra ára fangelsi þeir verði dæmdir fyrir aðild að því að flytja aflaheimildir í stórum stíl frá byggðarlögum vítt og breitt um landið og braska með þær í hrunadansinum mikla kringum gullkálfana í Landsbankanum, Kaupþingi og Glitni. Sumir þessara þorpara eiga inni hjá þjóðinni að vera dæmdir uppá vatn og brauð ekki skemur en dólgurinn Aziz þarf að þrauka í svartholinu.

Aziz í 7 ára fangelsi

Afturúrsiglandi guðspjallafígúra

Björn Bjarnason er á sinn hátt kátbrosleg fígúra, einhverskonar aftúrúrsiglandi guðspjallamaður, sem að eigin mati hefur ekki nokkurn skapaðann hlut á samviskunni; hefur tandurhreina áru eins og það er kallað. Það er t.d. í meira lagi kómískt að karlrassinn skuli ekki hafa uppgötvað það fyrr en í dag, 1. ágúst 2009, að algjör þáttaskil hafi orðið í bankastafsemi á Íslandi í október 2008. Það tók sem sé hinn fyrrverandi dómsmálaráðherra tæpa 10 mánuði að átta sig á þessu frábæra afreki sínu, efnahagshruninu, sem hann starfaði að árum saman með Davíð, Halldóri, Hannesi Hólmsteini, Kjartani og Geir. Í ljósi þessarar forkostulegu játningar hins afhrópaða auðvaldsklerks, Björns Bjarnasonar, er eðlilegt að álykta sem svo að maðurinn sé sérdeilis lengi að hugsa, jafnvel heimsmeistari í þeirri grein. En eins og segir í guðspjallinu þá eru hinir fattlausu jafnan meðal þeirra sælustu og munu Guðsríki erfa, eða eitthvað í þá áttina, þannig að karlgreyinu verður ekki í kot vísað þegar þar að kemur.

Algjör þáttaskil með hruninu segir Björn Bjarnason

Auðvaldspervertana á höggstokkinn

Það er gott að eiga góða að í banalegunni. Það sannast á auðvaldspervertunum alræmdu sem enn eiga hauka í horni þar sem sýslumenn og dómaratríó allrahanda eru. Ekki var heldur við öðru að búast en sýslumannsnefnan í Reykjavík skrifaði uppá að leyndarhjúpurinn utan um framferði auðvaldspervertanna í bönkunum væri margfalt mikilvægari en hagsmunir almennings, sem stendur ráðþrota frammi fyrir þeim ósköpum að vera dæmdur í ánauð svo að hægt verði að standa straum af kostnaðinum af glæpamennsku og óþverraskap siðvilltra aumingja.

Eftir allt sem á undan er gengið er ljóst að nú duga engin undanbrögð lengur. Núverandi ríkisstjórn, jafnvel þó hún sé öll af vilja gerð, virðist ekki hafa nein þau vopn í höndum innan kerfisins sem bíta á skjótan og skilvirkan hátt á þá rosalegu spillingu og glæpamennsku sem fengið hefur að vaða uppi í þjóðfélaginu í skjóli pólitískra samtaka eins og Sjálfstæðisflokksins og Framsóknarflokksins. Standi vilji ríkisstjórnarinnar til kveða niður umrædda spillingu og glæpamennsku verður hún að snúa sér til fólksins á götunni, alþýðunnar og beiðast liðsinnis. Geri hún það ekki eru dagar hennar brátt taldir.

Dagskrá morgundagsins hljóðar uppá byltingu - alvöru byltingu, ekki neitt sakleysislegt pottaglamur fyrir framan Alþingishúsið. Í þeirri byltingu verður markmiðið aðeins eitt: Að ganga milli bols og höfuðs á því rotna spillingarkerfi sem nú berst eins og grimmt óargadýr fyrir lífi sínu með því m.a. að heimta skilyrðislausa þögn um hina umfangsmiklu mafíustarfsemi sem hér hefur riðið húsum og ríður enn. Krafan um að Sjálfstæðisflokkurinn verði lagður niður og starfsemi hans og líkra samtaka, t.d. Framsóknarflokksins, verði bönnuð mun verða hávær, enda um grundvallar þjóðþrifamál að ræða. 

Má bjóða auðvaldinu uppá pallinn? - höggstokkurinn er til reiðu og fallöxin flugbeitt og gljáandi. 

Lögbanni mögulega hnekkt