Rangt, Saari minn, rangt. VG vill ekki losna við Lilju.

Það er heldur langt seilst hjá Þór Saari að fullyrða að VG vilji losna við Lilju Mósesdóttur. Hið rétta er að  það er einungis hið hægrisinnaða flokkseigendafélag VG, ásamt búrtíkum og dekurdýrum þess, sem vilja losna við Lilju. Almennir flokksfélagar og kjósendur VG standa með Lilju.

Og umrætt flokkseigendafélag og vesalingar þess vilja losna við fleiri úr VG en Lilju Mósesdóttur. Ögmundur Jónasson, Jón Bjarnason, Guðfríður Lilja, Atli Gísla og Ásmundur Einar eru líka á dauðalistanum hjá flokkseigendafélagi Steingríms, Álfheiðar piff og Svavarsfjölskyldunnar. Sömuleiðis er fjöldinn allur af óbreyttum flokksfélögum á dauðalistanum hjá elítunni.

Þannig er nú það.

Í stöðunni eru aðeins tveir leikir: Að hið hægrisinnaða klofningslið með Steingrím J. í fararbroddi hverfi á braut, eða að vinstri armurinn segi skilið við klofningsliðið og flokksræningjana og stofni ný stjórnmálasamtök. Hin nýju samtök gætu sem best borið nafnið ,,Alþýðufylkingin.

2

„VG gera allt til að losna við Lilju“

Krataeðlið segir til sín

Eitthvað er þessi Jónína Rós, sem sögð er vera þingmaður Samfylkingarinnar, á hliðinni varðandi einelti og óþverraskap þessarar sömu hægrisinnuðu Samfylkingar á hendur heiðarlegu og róttæku fólki í VG. Þó svo að þessi nýuppfundni þingmaður, Jónína Rós, sé ekki í sambandi við umheimin, þá hafa alvarlegar íhlutanir Jóhönnu Sig og fleiri Samfylkingarhöfðingja í málefni VG ekki farið fram hjá venjulegu fólki útí í þjóðfélaginu.

En þar sem krataeðlið grundvallast á fylgispekt við kapítalismann, óheiðarleik og almennum pólitískum krypplingshætti, er svo sem ekki við öðru að búast úr herbúðum hinnar rótfúnu Samfylkingar.

Jónína Rós segir ekki um níð að ræða

Hin kýrskýra blók hefur baulað út

Það er rétt á mörkunum að það sé verjandi að eyða prentsvertu og tíma á ómerkingsdindil eins og Árna Þór Sigurðsson. Það er eins og hvert annað ólán að þessi auma blók skuli af einhverjum ástæðum hafa álpast útí stjórnmál og enn verra ólán að skepnan skuli hafa lent undir verndarvæng Svavarsfjölskyldunnar og í framhaldi af því gerst önnur helsta búrtík hins siðlausa formanns úr Þistilfirði ásamt Birni nokkrum Vali, sem situr á þingi fyrir útgerðarfélagið Brim og LÍÚ.

Það er alveg dagljóst og kýsrskýrt, einkum kýrskýrt, að Árni Þór á ekki heima í vinstriflokki af nokkru tagi, allra síst flokki sem heitir Vinstrihreyfingin grænt framboð, enda var Árni Þór víðsfjarri þegar sá flokkur var stofnaður. Í þá daga var hin kýrskýra blók að basla í Samfylkingunni, en þar á bæ þótti hann svo ómerkilegur og tækifærissinnaður að honum var ýtt til hliðar eins og hverjum hverjum öðrum óþrifum.

Árni Þór, Björn Valur, Svandís Svavars, Steingrímur J. og  Álfheiður Ingadóttir ættu að sjá sóma sinn í að hypja sig úr VG á stundinni, helst fyrir hádegi í dag. Íslenskir sósíalistar hafa engin efni á að burðast með jafn fráhrindandi auðvaldslík í lestinni. Við höfum fengið nóg af klofningsliði eins og ykkur.

Óhætt að trúa fréttinni

Gakktu í Framsókn og gamnaðu þér við ...

Steingrímur J. Sigfússon er meiri vinur ASG en íslenskrar alþýðu; hann er miklu meiri vinur sægreifanna og kvótakónganna en verkafólksins sem þeir arðræna; honum er margfallt meira umhugað að hafa ráðherrastól undir rassinum á sér en að standa við stefnu VG varðandi Evrópusambandsaðild; honum geðjast mun betur að því falla í ónáð þeirra sem vilja raunverulegar og gagngerar breytingar á þjóðfélaginu en að styggja auðvaldið með því að berjast á móti því að íslenskur almenningur borgi Icesave-glæpi þess.

Þessi viðhorf Steingríms hafa svo sannarlega flokkast undir ,,visst" áfall fjölmargra liðsmanna og kjósenda VG.

Nú, þegar þessi stórundarlegi, að ég ekki segi nauðaómerkilegi, stjórnmálamaður hefur svo gott sem vísað þremur alþingismönnum VG úr flokknum og veit minnsta kosti þremur til viðbótar sem eru á sömu línu og Lilja, Atli og Ásmundur, er komið að leiðarlokum í VG. Vinstri armur VG, sósíalistarnir, verkalýðssinnarnir munu lifa góðu lífi áfram án Steingríms, Álfheiðar og Svavarsfjölskyldunnar, innan VG eða utan.

Steingrímur getur auðvitað haldið áfram í ríkisstjórn þó uppundir helmingur þingflokks VG hverfi á braut. Þingflokkur Framsóknarflokksins bíður í forstofunni eftir að komast uppí hjá Steingrími og Jóhönnu eftir að þau hafa rekið Ögmund Jónasson og Jón Bjarnason öfuga útúr á Stjórnarráðinu.

Já, Steingrímur minn J. Sigfússon, ráð vil ég yður gefa: Gakktu í Framsókn og gamnaðu þér við að geta uppá hvað þú átt marga mánuði eftir með ráðherrastól undir rassinum. Það er hæfileg iðja fyrir mannkynsfrelsara eins og þig. 

Visst áfall segir Steingrímur

Flaggstöng sjálfstæðismanna á Akureyri

Sá sem ók á fánastöngina á Akureyri var enginn annar en stórvinur okkar allara, Kolbeinn Kolbeinsson skrifstofustjóri, en hann og eiginkona hans voru að koma úr ærslafengnu jólaglöggi Sjálfstæðisflokksins þar nyrðra. Málsatvik vóru á þá leið, að sjálfstæðismenn á Akureyri, með útgerðarburgeisa í broddi fylkingar, buðu sjálfstæðisfólkinu frú Ingveldi, sem á í vændum mikinn frama innan flokksins einkum ef Torgerður Katrín segir af sér, og manni hennar Kolbeini Kolbeinssyni til samdrykkju á jólaglöggi í tilefni af fæðingarhátíð frelsarans. Skipti engum togum að allir góðborgarar Sjálfstæðisflokksins á Akureyri urðu drullufullir á svipstundu ásamt frú Ingveldi og Kolbeini. Kom þar loks drykkjulátum að akureyrskir sjálfstæðismenn vörpuðu Kolbeini Kolbeinssyni á dyr vegna þess að hann vildi varna þess að sjálfstæðismaður nokkur þar að norðan fíflaði frú Ingveldi inni á klósetti. Ætlaði Kolbeinn að aka brott frá samkvæmisstað en var svo ólánssamur að keyra af fullum þunga á flaggstöng sjálfstæðismanna á Akureyri sem brotnaði í tvennt og skall í götuna ásamt fánanum af ránfuglinum.

Ekið á fánastöng og inn í garð

SÚS ekki samkvæmt sjálfu sér, sem er að vísu skiljanlegt

Það er mikið undrunarefni, svo ekki sé meira sagt, að Samband ungra sjálfstæðismanna, SÚS, skuli leggja til að Jóhanna Sig. og Steingrímur J. segi af sér embættum.

En fyrst að hinir ungu íhaldsböðlar vilja að Jóhanna og Steingrímur segi af sér útaf Icesave samningunum, þá er enn meira undrunarefni að þeir skuli ekki ganga alla leið og heimta að Sjálfstæðisflokkurinn, sem svo sannarlega er holdlegt foreldri Icesave-glæpsins, verði þegar í stað bannaður með lögum eins og hver önnur hættuleg glæpasamtök sem almenningi stafar hætta af.

Þá væri full átæða fyrir ungu auðvaldssinnafíflin að krefjast afsagnar allra þingmanna Sjálfstæðisflokksins sem sæti áttu á Alþingi 2008 og sitja þar enn sem fastast. En það er víst ekki, af skiljanlegum ástæðum, hægt að krefjast þess að SÚS sé samkvæmt sjálfu sér þegar stjórnmál eru annars vegar.

En mest er ég þó hissa á mbl.is að éta upp og birta hið illa innrætta skítbuxnakjaftæði sem lekur eins og viðurstyggileg forarvilpa frá Samtökum ungra sjálfstæðismanna, SÚS.

Vilja að Jóhanna og Steingrímur víki

Félagi Fídel er ódrepandi ekki síður en félagi Jesús

Auðvitað er það mikil Guðs blessun að við skulum enn hafa félaga Fídel á enn meðal vor og jafnframt er  hver dagur sem hann lifir jarðnesku lífi Guðs blessun og styrkur okkur hinum sem enn hjörum ofan moldu.

En þegar félagi Fídel kveður hið líkamlega líf mun andi hans aftur upp rísa þegar í stað, líkt og hjá félaga Jesú forðum tíð. Og báðir munu þeir félagar, Fídel og Jesús, sitja við hægri hönd Drottins Almáttugs á Hymmnum hátt, þar til að þeir stíg aftur til jarðar þegar jarðarbúar hafa þroskast svo mikið að á jörðinni verður risið hið óhjákvæmilega sæluríki kommúnismans sem oss hefir verið lofað.

Lengi lifi félagi Fídel og félagi Chaves og félagi Jesús.

Kastró var við dauðans dyr 2006

Syfjaði draugurinn

Það er alltaf hóflega geðfellt þegar vart verður reimleika og sumir verða blátt áfram skelfingu lostnir þegar þeim verður ljóst að draugur er kominn á stjá. Og ekki eru allir draugar meinlausir, fjarri því, því sumir þeirra eru blóðþyrstir og girnast að slíta hold frá beini. Svo eru aðrir draugar, öðruvísi hættulegri, en hvimleiðir engu að síður, afspyrnu leiðinlegir og syfjaðir svo af ber. Undir síðast töldu draugategundina flokkast formaður Eflingar; óþolandi leiðindadraugur með margföld verkamannalaun. Þessi vafasami verkalýðsforstjóri með krónísku stýrurnar í augunum hefur staðið eins og klettur að hinni krónísku samtryggingu ASÍ-forystukrypplingastóðsins og stórkapítalistanna í samtökum atvinnurekenda. Þar fyrir utan hefur eflingarformaðurinn stundað marglofaða klofningsiðju innan samtaka verkafólks með Kristjáni úr Keflavík; þessa klofningsiðju kalla þeir félagarnir ,,Flóabandalag," og gegnir svipuðu hlutverki og þegar vígtennurnar eru dregnar úr hundi til að hann bíti ekki húsbændur sína í SA.

Óþolandi þversagnir ráðamanna

Frú Ingveldur kærð fyrir kynvillu

Siðastliðin sunnudag kærði Kolbeinn Kolbeinnson skrifstofustjóri eiginkonu sína, frú Ingveldi, fyrir kynvillu og hórdómsbrot til lögregluembættisins í Reykjavík. Lögreglan brást við kærunni með því að loka Kolbein inni í fangaklefa í tæpan sólarhring. Þegar Kolbeini var hleypt út, ítrekaði hann kæru sína og kvaðst ekki una því að frú Ingveldur kæmist upp með glæpsamleg skírlífisbrest sem byggður væri á ósóma eins og kynvillu. Þegar lögreglan rannsakaði málið komst hún að því að þeim hjónum, Kolbeini og frú Ingveldi, hafði lent heiftarlega saman snemma að morgni síðasta sunnudags vegna konunnar Máríu borgargagns, eftir að maður hennar, Indriði handreður, hafði lognast útaf undir stofuborði. Í átökunum hafði Kolbeinn farið mjög halloka fyrir eiginkonu sinni, sem lúbarði hann af innblásnum ruddaskap, fleygði honum klæðlitlum á dyr og læsti hann úti. Að svo búnu, fullyrðir Kolbeinn, að frú Ingveldur hafði farið með Máríu borgargagn í sjálft hjónarúm heimilisins til að svala svívirðilegum fýsnum sínum. 

Og þar við situr þegar þetta er ritað, klukkan 21:10 þriðjudaginn 14. nóvember 2010.    

Mikil harka í mótmælum í Róm

Gyltan Kristján

Ég legg til að félagi Aðalsteinn gefi, að augljósri verkalýðsástæðu, gyltunni nafnið Kristján. Ef Aðalsteinn hefur ekki kjark til að nefna kvensvínið kallmannsnafni getur hann nefnt það eftir varaforseta ASÍ, en sá merkilegi varaforseti er nægilega samdauna skepnunum sem rænt hafa alþýðsamtökunum af alþýðunni.

Fékk svín í afmælisgjöf