Kolbeinn Kolbeinsson boðaður til yfirheyrslu

Kolbeinn Kolbeinsson, skrifstofustjóri hefur verið boðaður til yfirheyrslu í húsakynnum sérstaks saksóknara í dag, grunaður um að hafa átt vingott við alræmt fjárglæfrakvendi. Í gær undirbjó Kolbeinn sig fyrir yfirheyrsluna með því að kaupa 12 flösku kassa af stalínískum vodka um leið og ríkið opnaði. Um miðjan dag var hann orðinn svo vel undirbúin að hann söng hástöfum blautleg afmorskvæði, en þá höfðu líka frú Ingveldur, eiginkona hans, og sambýlingarnir, Indriði handreður og Máría borgargagn, bæst í hópinn til að aðstoða Kolbein við undirbúninginn. Um kvöldmatarleytið var lögreglan kölluð að heimili Kolbeins og frú Ingveldar til að stilla til friðar, því kastast hafði í kekki hjá undibúningsnefndinni. Klukkan 22:00 var lögreglan kölluð öðru sinni á staðinn, en þá höfðu Kolbeinn og Máría borgargagn læst sig inná klósetti og harðneituðu að opna, en frú Ingveldur og Indrið handreður orðin svo drukkin að þau höfðu ekki afl til að sprengja upp hurðina. Um miðnætti trompaðist Kolbeinn algjörlega þegar Indriði handreður fór að bjástra við að gyrða niðrum hann, en skömmu áður höfðu frú Ingveldur og Máría borgargagn látið sig hverfa saman inní fataskáp.

Litlu síðar lauk undirbúningsprógramminu með því að lögreglan leiddi fjórmenningana úr húsi og kom þeim fyrir á lögreglustöðinni við Hverfisgötu. Eftir hálftíma, kl.10:00, verður Kolbeinn Kolbeinsson skrifstofustjóri færður til yfirheyrslu hjá sérstökum saksóknara og þá mun koma í ljós hvort undirbúningurinn í gær muni skila Kolbeini þeim fádæma góða árangri sem hann ætlast til. 

Einsýnt að fleiri verði yfirheyrðir

Á Hrauninu, - með gati

Sigurjón hippi á Hrauninu

hoppaði eins og kengúra.

Hann vildi bara húka í horninu,

svo þeir létu hann í kriglóttan gúmmíklefa,

- með gati.

Á Hraunið eftir yfirheyrslur

Þegar þarfanautið Napóleon var gerður að heimilisdýrlingi

Hið kátlega uppátæki kattólikkanna, að gera Jóhannes páfagauk II. að dýrlingi minnir mann einna helst á þegar fólkið á Varmastöðum gerði þarfanautið Napóleón að heimilisdýrlingi eftir að hafa skotið hann til bana og étið hann eins og soltnir úlfar.

Hafi hinn burtsofnaði páfagaukur gert einhver kraftaverk þá hafa þau verið framin á vettvangi spilagaldra og pókersvindls, lengra hefur sá góði pólski páfagaukur ekki náð á sviði kraftaverka.

En peðfullir kattóskir kirkjuhöfingjar eru glaðsinna menn; þegar þá langar í fleiri dýrlinga þá búa þeir til fleiri dýrlinga og halda uppá það með hressilegri svallveislu þar sem áfengi og kvenfólk er haft við hönd.

Páfi gerður að dýrlingi

Hvað eru þessi gerpi að kenna sig við alþýðu ?

Það er ótrúlegt, og um leið forkastanlegt, að skítseyðin sem hreiðrað hafa um sig á kontórum ASÍ og aðildarfélaga þess, skuli voga sér að kvarta og kveina undan því að alþýðan á Íslandi skuli ekki vera látin borga Icesaveglæpinn orðalaust í stað þess að fá að komast upp með að neita að taka ábyrgð á gjörðum nokkurra kapítalískra glæpamanna. Ekki veit ég hvernig verkalýðsforstjórinn, Gylfi Arnbjörnsson og hans nótar, hafa komist að því að íslensk alþýða hafi skaðað ímynd Íslands og stöðu þess á alþjóðavettvangi með því að standa í lappirnar gagnvart fullkominni glæpamennsku. Það má vel vera að Gylfi og félagar taki ólund einhverra hákapítalískra ESB-siðleysingja fram yfir reisn alþýðufólks á Íslandi, en þeir ættu þá að hafa vit á að halda kjafti yfir þeirri ómennsku sinni á opinberum vettvangi.

Það er ljóst að ruslið, sem tekið hefur almennu verkalýðshreyfinguna í gíslingu, óhikað að því að endurreisa Gamla Ísland í samvinnu við atvinnurekendur, fjármagnseigendur, Sjálfstæðisflokkinn, Framsókn og ríkisstjórnina, þvert ofaní vilja alðýðunnar sem brauðfæðir þessa aumingja.

ASÍ: Stefnan í Icesave hefur skaðað stöðu Íslands

Sá stutti gnarraður fyrir að ætla að fá allt fyrir ekkert

Það má með sanni segja að sá stutti með skólatöskuna hafi verið gnarraður þegar hann reyndi að ryðjast inní strætisvagninn án þess að eiga fyrir fargjaldinu. Þetta ljota athæfi stráksins minnir einna helst á 2007 þegar spjátrungarnir fengu allt fyrir ekkert og þegar Jón Baldvin hélt því fram á túnda áratug síðustu aldar að með EES smaningnum fengju Íslendingar allt fyrir ekkert. Nú, þetta ,,allt fyrir ekkert" hjá Jóni Baldvini og frjálshyggjuspjátrungunum endaði eins og það endaði: við fengum efnahagshrun, fjármálafyrirtækin fóru til andskotans og öllu var stolið sem hægt var að stela, þar á meðal rjálfsvirðingu og reisn íslensku þjóðarinnar. Það kallar maður sko, að fá allt fyrir ekkert !

En þar gott til þess að vita, sannkallað ljós í stórhríð og myrkri, að gnörrin í bæjarstjórn Reykjavíkur hafi ákveðið að taka á grunnskólapiltum sem ætlast til þess að fá far með strætisvagni fyrir 100 kall.

Níu ára barni með skólatösku vísað úr strætó

Sérstakur saksóknari braut barnaverndarlög. Hvað gerir hann næst ?

Hann er grobbin í dag þessi sérstaki saksóknari, enda hefur hann fengið útrás ómennsku sinnar með því að ráðast á saklausan fyrrverandi bankastjóra með óbótaskömmum  og frelsissviptingu. Okkur er enn í fersku minni þegar þessi ,,sérstaki" veittist að litlum dreng, Hreiðari Má Sigurðarsyni, síðastliðið sumar á álíka fólskulegan hátt og lét loka hann inni á Litla-Hrauni í viku. En hinum ,,sérstaka" virðist leyfast allt, meira að segja kemst hann upp með að brjóta barnaverndarlög eins og gerðist í tilfelli Hreiðars Más.

Mér kæmi ekki á óvart þó Ólafur Þór léti handtaka Steingrím J. Sigfússon, fjármálaráðherra, og Jóhönnu Sigurðardóttur, forsætisráðherra í dag og hneppti þau í gæsluvarðhald vegna áráttu þeirra í að láta almenning borga Icesave, selja Ísland til Brussel, gæla við botninn á AGS, verja kvótabófana og fleygja milljörðum í gjaldþrota fjármálafyrirtæki og tryggingafélög. 

Gæsluvarðhaldskrafa tekin fyrir í dag

Mótmælastaða og aðgerðir til að frelsa Sigurjón fyrrverandi bankastjóra

Eflaust er mikið spáð og spekúlerað þessa stundina um handtöku Sigurjóns Þ. Árnasonar, fyrrverandi bankastjóra. Og satt að segja kemur þessi handtaka eins og reiðarslag yfir þjóðina, þó svo að eflaust séu til illa innrættir menn sem fyllast innilegri þórðargleði við að heyra þessa frétt og í framhaldi af því að fimbulfamba í heimskuþrunginni illgirni sínni um réttlæti og vel unnið verk sérstaks saksóknara.

Ekki veit ég hvað unnið er með því að siga lögreglunni á jafn myndarlegan og gáfaðan mann eins og Sigurjón Þ. fyrrverandi bankastjóra, nema ef vera skyldi að skemmta Skrattanum og litlu skröttunum sem þrífast á andstyggilegum kjaftasögum og óförum annarra. 

Nú ríður á að fólk standi saman og mótmæli handtöku Sigurjóns Þ. Árnasonar, fyrrverandi bankastjóra. Ég heimta að boðað verði til útifundar í hádeginu í dag fyrir framan lögreglustöðina við Hverfisgötu og fólk mæti þar þúsundum saman með barefli, axir og helst skotvopn, geri árás og frelsi Sigurjón. 

Lögregla flutti Sigurjón brott

Góða Konan auglýsir ótakmarkaða hjartagæsku sína

Hún veit hvernig hún á að auglýsa sig, blessuð Góða Konan í Fjölskylduhjálpinni, enda er góðmennsku hennar engin takmörk sett og varla verra að gera útá fátæklinga en annað í dýrðarríki frjálshyggjunnar. Það er auðvitað gráupplagt og alveg nauðsynlegt, þrátt fyrir að það sé í blóra við kenningar litla sóíalistans frá Nasaret, að láta alla vita um ótakmarkaða gjafmildi sína, góðan hug; það gerðu Björgólfur og Jóhannes í Bónus og þeirra líkar með frábærum árangri á meðan þeir skófu og sleiktu banka og fyrirtæki að innan þangað til minna en ekki neitt var eftir.

Og nú er Góða Konan í Fjölskylduhjálpinni farin að bjástra við útrás eins og Bjöggarnir, Bakkabræður og Hannes Smára, og ætlar að opna góðgerðarstöð, sjálfri sér til dýrðar, í Grundarfirði. Reyndar botna bæjarstjórar, bæjarstjórnarmenn, prestar og félagsþjónustan á Snæfellsnesi ekkert í innrás Góðu Konunnar á Snæfellsnes og hafa á orði að segja af sér ef rétt reynist að Góða Konan hafi rétt fyrir sér með að á Snæfellsnesi búi tötrum klæddir íbúarnir við hugursneyð.

En þó að Góðu Konunni liggi mikið á að básúna umhyggju sína fyrir efnalitlu fólki, er svo komið að varla verður undan vikist að rannsaka stafsemi hennar. Of yfirvöld á Snæfellsnesi verða að bretta upp ermar og kanna ofaní kjölinn hvort ástandið á Nesinu sé með þeim hætti að bráðnauðsynlegt sé að starfrækja ölmusugjafaþjónustu í Grundarfirði. 

Segir áform Fjölskylduhjálpar undarleg

Í embættisskrúða frá Dressmann

Okkar ástkæri stjörnusýslumaður, Stones á Selfossi, var ekki seinn á sér, þegar spurðist út að Mick Jagger og félagar væru farnir að auglýsa föt fyrir Dressmann, að láta Dressmennina sauma á sig sýslumannsskrúða með gullslegnum hnöppum, strípum, snúrum og skúfum. Það er mál manna sem til þekkja, að stjörnusýslumaðurinn hafi allur færst í aukanna við að uppræta glæpamenn í Árnessýslu eftir að hann fékk dressmannúníformið og var hann þó vel virkur fyrir á þeim vettvangi. Síðast í gær elti hann uppi konu á Selfossi, sem hann hugði að hefði verið að stunda búðahnupl, og rassskellti hana svo verklega á bert rassgatið úti á miðri götu að hún gat með naumindum skriðið heim til sín á eftir. Og vitanlega var stjörnusýslumaðurinn í fullum skrúða frá Dressmann þegar hann embættaði konuna þarna úti á miðju stræti.

Það er nú von allra velmeinandi manna, að glæpajúðar allrahanda hugsi sig tvisvar til þrisvar um áðurn en þeir leggja í að fremja glæpaveknað í Árnessýslu, því sýslumaðurinn þar er ekkert lamb við að leika og lætur ekki að sér hæða eftir að hann kom sér upp embættisskrúða frá Dressmann.

Rolling Stones auglýsa Dressmann

Siðlaus formaður, eigandi hans og frjálshyggjuglæpamennirnir

Ætli sé ekki best að Steingrímur og eigandi hans, Svavar Gestsson, ásamt frjálshyggjuglæpamönnunum, borgi einir og óstuddir Icesave-glæpinn úr eigin vösum. Það er gjörsamlega útí hött að saklaus almenningur þurfi að borga milljarða á milljarða ofan fyrir glæp sem hann á enga aðild að.

Það er stórmerkilegt að maður sem gegnir embætti formanns ,,vinstrihreyfingar" sem hann hefur löngum reynt að telja fólki trú um að sé afskaplega langt til vinstri, berjist með oddi og egg fyrir því að íslensk alþýða fjármagni svæsin glæp samviskulausra kapítalista. Mér finnst það benda til að siðferði slíks formanns sé að einhverju leyti sorglega ábótavant.

Ég verð með hverjum deginum sannfærðari um að það eina sem getur bjargað okkur frá endurreisn Gamla Frjálshyggju-Íslands er bylting.

Greiða þarf 26,1 milljarð vegna Icesave í ár