Saklausum manni varpað á dyr og honum misþyrmt

Þau ódæmi gerðust á landsfundi Sjálfstæðisflokksins í  dag, rétt í þann mund og Gjeir Haaardi lauk sínu spaugsama ávarpi, að Kolbeini Kolbeinssyni var varpað á dyr í Laugardalshöllinni og hann kjafshöggaður og sparkað í hann á stéttinni fyrir framan Höllina. Málsatvik voru þau, að Kolbeinn gekk inná landsfundinn í leit að konu sinni, frú Ingveldi, en hún hefur ekki komið heim til sín síðan fundurinn hófst. Kom hann að henni og Máríu borgargagni með tveimur vígreifum sjálfstæðiskempum innarlega í salnum og hugðist Kolbeinn leiða konu sína á brott frá þessum ókræsilega félagsskap. Skipti þá engum togum, að sjálfstæðiskempurnar ruku til, lögðu hendur á Kolbein og drógu hann nauðugan úr húsi. Nokkrir sjálfstæðismenn lögðu félögum sínum lið við ódæðisverkið og tókst þeim á hrottafengin hátt að kasta Kolbeini útum dyr Laugardalshallarinnar og fylgdu því eftir með því að lúberja hann á. Að skilnaði sögðu þeir honum að svona framsóknarhundur ætti engan tilverurétt.

Rétt viðbrögð við bankahruni

Landsfundarfulltrúar gera upp sakir sín á milli

Það eru naumast andskotans lætin í landsfundafulltrúum Sjálfstæðisflokksins; aka eins og brjálæðingar útum allan bæ skjótandi hverjir á aðra úr haglabyssum útaf einhverri nauðaómerkilegri innanbúðarspillingu. Það væri réttast að senda þessa karla vestur um haf, til Mexico, þar sem þeir plaffað sig niður að vild án þess að nokkur skipti sé af því.

Það er helst af landsfundi Sjálfstæðisflokksins að segja, að þegar allir stóðu upp með tárin í augunum að lokinni setningarræðu Bjarna, réði frú Ingveldur ekki við sig og greip báðum höndum um rassakinnarnar á manninum sem stóð fyrir framan hana og sneri þéttingsfast uppá. Maðurinn, sem er vænn kvótagreifi, hokinn af áhyggjum og auðsæld, sperrtist allur upp er hann fann hendur frú Ingveldar á þjóhnöppum sínum og fékk samstundis nærbuxnapínu sem entist honum langt fram á nótt. Og í gærmorgun sló Máría borgargagn einn karlkyns landsfundarfulltrúa utanundir fyrir ónærgætin klámmunnsöfnuð í viðurvist heiðarlegar konu.

	Handtökur vegna skotárásar
Ábyrgðarmaður færslu Tenging við þessa frétt hefur verið rofin vegna kvartana.

Logandi kyndill og vindill Clintons

Ég er viss um að frú Clinton hefði hlegið jafnmikið, ef fáklæddi strákurinn hefði haldið á logandi vindli. Enda leika logandi vindlar stórt hlutverk í hamingju Clintonhjónanna og frú Clinton hefur sennilega séð stóran vindil í kyndlinum stráksins.

En hvað ætli hafi orðið af Móníku vindlastelpu, sem lifgaði gamla Clinton svo vel upp hér um árið? Er hún máske týnd og trölli gefin í einhverju andstyggilegu hjónabandi? Ætli hún hafi ekkert heimsókt Barrakk Óbama í Hvíta húsið? Hann reykir sígarettur. Það held ég væri gaman fyrir Barrakk og Móníku að taka einn smá sígarettublús við huggulegt tækifæri.

Hló að hálfnöktum karlmanni

Tóku daginn snemma

Frú Ingveldur og Máría borgargagn, vinkona hennar, tóku daginn snemma í dag, voru komnar á ról um fjögurleytið og farnar að undirbúa sig fyrir landsfund Flokksins af miklum krafti. Undirbúningur þeirra stallsystra hófst með þremur hvítvínsglösum og góðum slurk af hvítu dufti, ættuðu frá Kólumbíu. Að svo búnu hófu þær lestur á fyrirliggjandi landsfundargögnum og skemmta sér vel yfir þeim þessa stundina, að því er fram kemur á feisbúkksíðu Kolbeins Kolbeinssonar.

Eftir hádegi ætla frú Ingveldur og Máría borgargagn að heimsækja nokkrar knæpur í Reykjavík í leit að góðum inspírasjónum fyrir landsfundinn. Í kvöld má gera ráð fyrir að karlkyns landsfundarfulltrúar muni beina sínum karllægu sjónum að þessum tveimur frábæru konum, snúast kringum þær með væmnu lostabrosi, þess albúnir að leiða þær afsíðis til að komast í nánara samband við þær. 

Landsfundur Sjálfstæðisflokksins hefst í dag

Ófagurt vitni um spillta hugsun og heilaþvott

Ef eitthvað er að marka þessa skoðannakönnun, þá ber hún heilastarfsemi landsmanna ekki fagurt vitni. Það er engu líkara en háttvirtir kjósendur séu ofurseldir hinni gjörspilltu fjórflokkshugsun, bókstaflega heilaþvegnir. Sé þetta rétt, er ekki við neinu góðu að búast í framtíðinni, þjóðin vill greinilega halda áfram að vaða lýgina, ójöfnuðinn og spillinguna upp fyrir haus. Þetta minnir á sjúkling sem kýs fremur að láta krabbameinið malla óáreitt áfram í kroppnum á sér, en að leita sér lækningar og láta fjarlægja meinsemdina.

Vilja Hönnu Birnu sem forsætisráðherra

Hver verður miðaldabyskubb við miðaldakyrkju Icelandair?

Þetta er nú aldeilis gott verkefni fyrir hann Árna okkar Johnsen. Við skulum vera viss um, að hann einhendir sér að fullum krafti í að rífa miðaldakirkjuna uppúr jörðu eftir að hann er búinn að smíða hrútakofann þarna í Skálholti.

Nú, svo þarf að finna alminnilegan byskub fyrir miðaldakirkjuna svo hægt verði að sýna hana ferðamönnum. Samkvæmt almannavilja koma aðein þrír einstaklingar til greina til að taka vígslu til þessa veigamikla embættis, en það eru: Guðni Ágústsson, Bjarni bóksali og Stjörnusýslumaðurinn Stones á Selfossi. Auðvitað er afar erfitt að velja milli þessara heiðursmanna, en ljóst er að hver þeirra gæti gengt embætti miðaldabyskubs í Skálholti með einstökum sóma.

Ef ekki næst samkomulag um einhvern ofangreindra þremenninga, væri skynsamlegast að kalla saman nefnd særingamanna og láta þá freista þess að vekja Brynjólf byskub upp frá dauðum, eða Jón Vidalín, eða Þollák byskub helga, sem rak búðin, sem faðir Árni og hans kapelánar eru að endurreisa þessa dagana og óráðvandir menn halda fram að hafi verið hrútakofi. 

Miðaldakirkja rísi í Skálholti

Lýsti síðdegis yfir stuðningi við Hönnu Birnu

Mikið ógurlega er nú hún Hanna Birna sprenglærð kona. Það sést best á því að hún kann að segja, ,,kerfið þenst út" og ,, þar skorti alla pólitíska sýn" eins og ekki neitt og sleikir meira að segja útum á eftir eins og dáindisvel alinn fressköttur, sem er nýbúinn að éta skógarþröst og drekka heilan líter af rjóma á eftir.

Og ekki er að undra, að Hanna Birna sé vel að sér, enda nam hún fræðin í Valhöllu við kné Kjartans Gunnarsonar, auk þess sem hún er mjög vel að sér í Hanezi Holmsteiner, herra Pé. Blöndal og Tryggva  Þór Herbertssyni. Það er ekki amalegt fyrir Sjálfstæðisflokkinn að fá svo víðlesna og marggáfaða konu fyrir formann eftir nokkra daga.

Þá gerðist sá ánægjulegi atburður nú síðdegis, að frú Ingveldur lýsti yfir hugheilum stuðningi við Hönnu Birnu til formanns Sjálfstæðisflokksins. En stuðningur frú Ingveldar er náttúrlega algjör hvalreki fyrir Hönnu Birnu, því vandfundinn er er betri stuðningsmaður en frú Ingveldur. Að vísu var frú Ingveldur nokkuð við skál þegar hún lýsti yfir fyrrnefndum stuðningi, en vó ástand sitt upp með ferskum hressileika og jákvæðni. Það skyggir samt nokkuð á gleði manna í stuðningsliði Hönnu Birnu, að sjálfstæðiskonan Máría borgargagn hefur verið ófáanleg fram að þessu, að veita Hönnu Birnu liðveislu í fegurðarsamkeppninni við Bjarna Ben, þann endemis durt og grátsöngvara.

Og ekki mun linast kjökur Bjarna þegar talið verður uppúr kjörkassanum í Valhöllu. 

Meirihlutann skortir sýn og stefnu

Ráð gegn verðandi mæðrum liggja ekki á glámbekk

Það er ljóti þjóðflokkurinn þessar ,,verðandi mæður" og lítt til fyrirmyndar. Það er svo sem ekkert nýtt, að þetta fólk liggi undir grun um að hafa eitt og annað óhreint í pokanum, enda hafa afkomendur þeirra sannað með tiltektum sínum ófögrum, að nefdur grunur hafi við gild rök að styðjast. Og löngum hefur því verið trúað á umræddan þjóðflokk, að hann reyki, drekki og éti eins og svín á meðgöngunni, og hagi sér öllu leyti afkáralega og svívirðilega. 

Og nú kveður Valgerður Lísa Sigurðardóttir uppúr með, að verðandi mæður bryðji rítalín í gríð og erg og takist með því móti að redobla aðrar nautnir sínar uppfyrir hæstu ský. Svo fæðast blessuð börnin í heiminn með yglibrún og mannhatur í augum, þess albúin að herja á samferðarfólk sitt við öll tækifæri með bölvi, grjótkasti og bankahruni. 

Það er augljóst, að brýn nauðsyn er til að bregðast við verðandi mæðrum, þó ekki væri nema af þjóðfélagslegum velferðarsökum. Hinsvegar liggja liggja ráð gegn þeim ekki á glámbekk, fremur en ráð gegn klámorgíusýki og nærbuxnafémínísma. 

Þegar Máría borgargagn var á sínum tíma ófrísk að þessum tveimur krökkum, sem einhverjum ódrætti tókst að galdra inní hana, færðist hún öll í aukanna og hoppaði daglega kloflengd sína uppí loftið. Auk þess svelgdi hún í sig tóbaki, kannabis, brendum drykkjum, feitu kjéti, ódæmum af sykri, amfetamíni og diezapami. En hún var samt það vönd að virðingu sinni, að hún snerti ekki við rítalíni meðan hún var barnshafandi, nokkuð sem verðandi mæður dagsins í dag víla ekki fyrir sér að gera, ef marka má orð Valgerðar Lísu Sigurðardóttur, ljósmóður hjá mæðravernd LSH.

Rítalínmisnotkun á meðgöngu eykst

Sú var tíðin ...

Sú var tíðin, að Indriði handreður og félagar hans, vættu baðmullarhnoðra uppúr kogespritti og stungu þeim rennvotum uppí rassinn á sér, sjáfum sér til gottgjörelsis en einnig í sparnaðarskyni. Og blessuð áhrifin létu heldur ekki á sér standa: þeir urðu drullufullir á augabragði, böðuðu út öllum öngum og fóru að syngja ,,Kátir vóru karlar" og ,,Frammi í dalanna ró."

Eftir að Máría borgargagn kynntist Indriða sínum handreði, tók hún þennan sið upp eftir honum með fjarska góðum árangri. En það var einmitt í einni svona kogesprittsveislu, sem Indriði ljóðaði eftirfarandi á Máríu: ,,Elsku hjartans ástargull, ósköp er ég af þér snortin. Aldrei skítug aldrei full, alveg ertu rétta sortin." Af þessu má ráða, að framtíð áfengisneyslu liggur í tíðatöppum og baðmullarhnoðrum, vættum í brennivíni, volka og kogga.

Væta tíðatappa upp úr vodka

Landsfundartillögur frú Ingveldar

Að sjálfsögðu vill Sjálfstæðisflokkurinn leggja jöfnunarsjóð sveitarfélaga niður, því Sjálfstæðisflokkurinn er án skilyrða ójafnaðarflokkur og liðsmenn hans ójafnaðarmenn að öllu leyti. Þess vegna kemur þessi tillaga engum á óvart.

Þá hefur hin þróttmikla sjálfstæðiskona og háttvirtur landsfundarfulltrúi, frú Ingveldur, samið nokkrar ágætar þjóðþrifatillögur, sem hún mun leggja fyrir landsfund flokksins um næstu helgi. Þar bera hæst tillögur hennar um að heilbrigðis- og menntakerfið verði einkavætt undir eins og Sjálfstæðisflokkurinn kemst aftur í ríkisstjórn. Þá ætlar frú Ingveldur að leggja til, að atvinnuleysistryggingasjóður verði lagður niður, því hún telur að ríkið eigi ekki að moka dýrmætum péníngum í atvinnulausa aumingja, sem engum öðrum geti um kennt að vera atvinnulausir nema sjáfum sér. Ennfremur mun frú Ingveldur bera upp tillögu þess efnis, að áfengisgjald ríkisins verði aflagt með öllu, ÁTVR verði lagt niður og matvöruverslunum, og jafnvel herrafataverlunum, verði falið að sjá um alla áfengissölu. En síðast en ekki síst, ætlar frú Ingveldur að leggja til við landsfundinn, að nektardans verði leyfður að nýju og vændi verði lögformleg atvinnugrein og þeir sem þá vinnu stundi fái lögvernduð starfsheitin vændismaður og vændiskona.

Ef ég þekki sjálfstæðismenn rétt, munu þeir samþykkja allar tillögur frú Ingveldar með lófataki, blísti og fótastappi. 

Vilja leggja niður Jöfnunarsjóð sveitarfélaga