Afdankaðir fulltrúar nýtómhyggjunnar

Fyrir síðust alþingiskosningar komu fram á sjónarsviðið tvær mjög svo einkennilegar og dularfullar klíkur, sem komu fulltúum á þing. Önnur klíkan, sú framsóknarættaða, var mynduð kringum Gvend Steingímsson Hermannssonar Jónassonar og Heiðu dóttur hins kunna dægurlagasöngvara Helga P. sem líka er framsóknarmaður. Hin klíkan varð til undir handarjaðrinum á Birgittu Jónsdóttur, jafn hlálegt og það er, og gerir út á fáránlega þokumettaða tómhyggju, hugsjónalausa hægrimennsku af frjálshyggjuætt. Nákvæmlega sama tómhyggjuruglið er á dagskrá hinnar framsóknarkynjuðu Björtu framtíðar Gvendar og Heiðu. 

Bjarta framtíðin og Píratarnir halda því fram að þau boði eitthvað ,,nýtt" þó hvergi sjáist þess stað, nema hvað tómhyggja þeirra er meira yfirþyrmandi en eldri systkyna þeirra í fjórflokknum. Þetta kallast að gera út á heimskuna, yfirborðsdelluna og fáránleikann. - En það verður víst hver af hinum sex öngum fjórflokksklíkunnar að hafa fyrir sig hverning hann dregur dár að kjósendum, en til þrifnaðar verður þetta háttalag vonandi seint talið.

Vilja kjósa borgarstjóra sérstaklega

Ekki næstbestur heldur langbestur í Kópavogi

Mér segir svo hugur, að framboð Næstbesta flokksins í Kópavogi, verði ekki næstbesta framboðið þar í bæ, heldur það langbesta. Og hvað tel ég mig hafa fyrir mér í þeim efnum? Jú, Næstbest flokkurinn hefur starfað í fjögur ár í bæjarstjórn Kópavogs án þess að hafa orðið samdauna flokksapparötunum eða innvinklast í spillingarforaðið sem hinn sexfaldi fjórflokkur unir sér best við að velta sér uppúr. Nú kemur hann reynslunni ríkari til leiks og af endurnýjuðum krafti með ferskar hugmyndir.

Þá þykist ég vita, að Næstbesti flokkurinn er eina stjórnmálaaflið í Kópavogi sem hefur raunverulega félagshyggju á dagskrá og meinar það sem hann segir í þeim efnum. Hægra megin við Næstbesta standa síðan peningahyggju- og snobbaraframboðin undir sex mismunandi og villandi nöfnum eins og Vinstrihreyfingin grænt framboð, Sjálfstæðisflokkur, Píratar, Framsóknarflokkur, Samfylking og Björt framtíð (Guðmundar Steingrímssonar Hermannssonar Jónassonar). Vinstrihreyfingin grænt framboð er til dæmis fjarri því að vera til vinstri í pólitík og samtökin sem kenna sig við sjálfstæði og framsókn eru hreinar og klárar sérhagsmunaklíkur fyrir nokkrar gráðugar fjölskyldur sem unnu sér til frægðar fyrir fáum árum að snara þjóðfélaginu á hliðina.

Það verður fróðlegt að sjá hvernig viðtökur Næstbesti flokkurinn fær að þessu sinni, ekki síst í ljósi þess að þar er á ferðinni venjulegt alþýðlegt framboð fyrir venjulegt og alþýðlegt fólk.

Sundlaugavinir í framboð í Kópavogi