Við eigum að gera Nærabergið upptækt og reka skipshöfnina úr landi

Þar kom að því að Íslendingar hættu loksins að fara silkihönskum um þessa árans Færeyinga. Auðvitað á ekki að afgreiða olíu og vatn, hvað þá annað, um borð í þennan færeyíska sjóræningjadall. Ég vana bara að yfirvöld hafi það bein í nefinu, að gera skipið Næraberg frá Færeyjum upptækt og reka skipshöfnina úr landi á nærbuxunum einum fata.

Dekur Íslendinga við þjóðflokkin, sem varð innlyksa í Færeyjum fyrir margt löngu síðan, er forkastanlegur og mögum óþolandi. Okkar hugsjón hefir einnig lengi staðið fyrir því nauðsynjaverki, að sölsa þennan leiðinlega eyjaklasa undir okkur með hervaldi og gera innbyggjarana að þrælum vorum til að létta oss sjálfum lífið.

En eitt mega Færeyingar eiga: Með þeim hefir þróast svo mikill trúarhiti, að örgustu múslímar mega vel á halda ef þeir vilja hafa roð við þeim færeyísku reglubræðrum í þeim efnum. Já vinir mínir, fjær og nær: Hinar geigvænlegu trúarkreddur, sem Færeyíngar hafa af illmennskusökum komið sér upp, er næg ástæða fyrir innrás af okkar hálfu og yfirtöku Færeyja. Og Nærabergið eigum við að gera upptækt og koma í eigu Samherja eða Brims.

Færeyingar fá ekki olíu í Reykjavík

Ferðamannaváin hefir orsakað eldgos

Nú er að koma fram það sem greindir menn og hógværir hafa lengi haldið fram, sem sé að ferðamennska og ferðalög sé einhver mesta ógæfa sem hugsast getur. Það er ekki beint geðugt, að maður gangi undir manns hönd í þjóðfélaginu með að ýta undir ferðamennsku og flakk og gera bókstaflega allt, sem í mannlegu valdi stendur, til að lokka flakkaralýð frá útlöndum hingað til lands. Svo vaða þessir förumenn útum allar þorpagrundir skítandi og mígandi þar til að okkar ástkæra fósturjörð fer að skjálfa uns hún fær uppköst og það fer að gjósa. Enda er auðvelt að fá velgju af minna tilefni.

Og hvernig í fjandanum er með þetta lausingjapakk? Getur það ekki skitið og mígið heima hjá sér í stað þess að geyma það þar til það er komið útí ósnortna íslenska náttúru? Það væri réttast að hleypa þessum ófögnuði ekki inní landið nema að það hafi undirgengist laxerolíumeðferð, magadælu og stólpípu.

Það ætti öllum að vera ljóst, að skítverk ferðamannasúpunnar, sem vaðið hefir eins og engisprettufaraldur yfir landið, hefir nú orsakað eldgos í Holuhrauni og brátt mun Bárðarbunga springa í loft upp og á skella Móðuharðindin hin síðari. Þetta viðurkenna allir eldfjallafræðingar og jarðfræðingar þegar á þá er gengið, þó þeir þori því ekki opinberlega af því að stjórnvöld hafa bannað þeim að segja sannleikan í fjölmiðlum. Og það er sko engin afsökun fyrir bölvaðar skepnurnar, að bera fyrir sig að þær kaupi klósettpappír og skeini sig eitthvað til málamynda; skaðinn er skeður með þeirri hryggilegu afleiðingu, að fósturmoldin hefir fengið ógeð og er farin að gjósa eldi og brennisteini.

Meðfylgjandi mynd er af salernispappírlausum ferðamanni ganga örna sinna svo gott sem úti á víðavangi.

Ferðamenn fylla rotþrærnar hratt

Óhugnanlegur leikur hinna forhertu heimsvaldasinna

Pólitíski öfugugginn Barakkur Óbama veit líklega hvað hann syngur fyir sinn hatt og eigenda sinna. Þessi ómerkilega strengjabrúða auðvaldsheimsvaldasinna, sem nýtur þess vafasama heiðurs, að vera forseti ríkis, sem áratugum saman hefur farið vítt og breitt um jarðkringluna með eldi og sprengjuregni, hikar ekki við, ásamt skepnunum í ESB og NATO, að styðja nasíska og fasíska valdaræningja í Úkraínu til hvaða óhæfuverka sem er ef hann telur það þjóna hagsmunum heimsvaldasinna.

Á sínum tíma voru það Rússar sem gengu milli bols og höfuðs á þýska skímslinu, sem auðvaldið vakti upp á þriðja og fjórða tug síðustu aldar, og minnugir þess hafa þeir að sjálfsögðu ekki áhuga á að ófögnuður af þeim meiði fái að athafna sig í bakgarðinum hjá þeim.

„Gríman er að falla“

Hreindýraveiðimenn og klerkurinn í þokunni

Jæja, þá getur síra Davíð Þór hafist handa við að troða sér í hempupokann og farið að skvampast um blárnar á Austurlandi, umvafinn svataþoku og aungvann til að sálusorga nema sjálfan sig. En máske tekst þessum nýupprisna íslenska Frans frá Asissi að finna sig í mýrarfenjunum þar eystra og ef heppnin er með, að frelsa fáeina snjótittlinga og hrossagauka frá syndsamlegu nautna- og óreiðulíferni.

Hræddastur er ég þó um, að drukknir hreindýraveiðimenn gætu átt það til, að beina vopnum sínum að hans heilagleika, ef þeir koma auga á hann gegnum ölvímuna og þokuna. Það væri víst sjón að sjá rottimbraðann og illa afréttaðann hreindýrajagara koma glaðhlakkalegan til byggða að morgni dags með veiði sína í pokaklerkslíki í eftirdragi. Væri líklegt, að annar eins fengur í einni veiðiferð hafi ekki sést austur þar síðan kolludráp lagðis af þar um slóðir fyrir margt löngu.

Davíð Þór Jónsson verður prestur

,,Gvagg gvagg" segir sú fyndnasta með ESB-stýrurnar í augunum

Síðastliðnn vetur heyrði ég mann segja, að Lilja Rafney Magnúsdóttir væri alhliða skemmtilegasti og fyndnasti þingmaðurinn sem nú sæti á Alþingi íslendinga. Má af þessu ráða á hvaða húmorstigi aðrir þingmenn eru, en víst er að í þeim hópi eru margir fjarska leiðinlegir einstaklingar og skaðræðisfullir.

Það er því sérstakt gleðiefni, að Lilja Rafney skuli loks sína lífsmark og skrönglast fram á sjónarsviðið og fara með gamanmál að vanda. ,,Goggolagóóó, gvagg gvagg ... þett algjöliga óasættinlegt ... gvagg gvagg" sagði hún uppúr sjálfum svefnrofunum þegar mbl.is náði henni loks í símann eftir dularfulla eftirgangsmuni. ,,Gvagg gvagg."

Mikið held ég verði kyndugt að fylgjast með ESB-sinnunum Lilju Rafney, Steingrími joð og Kötu Jakk, þegar þau mæta til þings í haust með gömlu loddarastykkin sín í buxunum og svikin frá síðasta kjörtímabili í þverpokum á öxlunum. Þau mun áreinanlega passa vel sem fyrr í samtryggingarhrærigraut auðvaldsins með Hönnu Birnu og Sígmúndi okkar hérna Dávíð.

,,Gvagg gvagg."

„Algjörlega óásættanlegt“

Vandræðafólk sem foraktar agann verður að reka úr landi

Það er svo sem eftir öðru, að Oddur Hrafn Stefán harðneiti að hafa sett aðra löppina á sér af talsverðu afli í breiðan botninn á lögregluþjóni. Oddi Hrafni Stefáni er greinilega ekki kunnugt um að agi verður að vera svo þjóðfélagið fái þrifist, eða hann gerir ekkert með nauðsyn aga og er fjandans sama um valdstjórnina og samfélagið yfirleitt. Það er erfitt að búa fólk sem ekki vill játa. Sama er uppi á teningnum hjá Hönnu Birnu, hún þvertekur fyrir að játa og staglast endalaust á möntrunni: ,,Ég gerði ekkert af mér, ég gerði allt rétt." Ég segi fyrir mig (og eflaust þúsundir annarra), að ef fallega, fræga og ríka fólkið ætlar að taka almennt upp þann sið að neita og þverneita, þverskallast og þrjóskast, þá sökkur landið.

Verst er þó að vita, að frú Ingveldur hringdi bæði í Odd Hrafn Stefán og Hönnu Birnu til að stappa í þau þvermóðskustálinu og hét þeim stuðningi í bráð og lengd. Og raunverulega er aungvu skárra, að Oddur Hrafn Stefán skuli hafa dregið upp annan eins últraskarf og raun ber vitni til að verja mál sitt gegn valdstjórninni; þá er nú Jón Steinar skömminni skárri þótt hann hafi aldrei lært þá setningu, að agi verði að vera.

Satt að segja er almenningur kominn í vandræði með fallega, fræga og ríka fólkið, og gerist sú hugsun æ áleitnari á götunni, að við þessu vandamáli verði að bregðast með því að reka vandræðafólkið úr landi eins og hann þarna Tona Ómos, eða hvað hann heitir fanturinn atarna, sem varð Hönnu Birnu, Gýrzla og Þóreyju að falli.

Krummi neitar sök

Óhræsið og Skriflabúðin

Eftir Kastljós Ríkissjónvarpsins í kvöld brugðu þau hjón, frú Ingveldur og Kolbeinn Kolbeinsson, á það ráð að spjalla um gömlu þjóðskáldin okkar og ljóð þeirra. Eftir nokkrar umræður námu þau staðar við tvö allfræg kvæði, sem sumum þykir fremur leiðinleg aflestrar, eða jafnvel dónaleg, en öðrum hefi þókt þetta ágætur kveðskapur og umhugsunarverður. Þessi tvö kvæði eru í fyrsta lagi Óhræsið eftir Jónas nokkurn Hallgrímsson, öxndælskan mann er sagður var býsna ölkær um sína daga, og í öðrulagi Skriflabúðin eftir Einar Benediktsson, sem þókti líka ölkær nokkuð og uppátækjasamur í þokkabót.

Bæði frú Ingveldur og Kolbeinn vóru hjartanlega sammála um, að Óhræsið og Skriflabúðin væru orkt útfrá illmennsku höfunda þeirra, öfundsýki og lygaárattu. Bölvaður öxndælingurinn hefði djöflað Óhræsinu saman á kojufylliríi til að koma höggi á Sjálfstæðisflokkinn og gott fólk sem honum heyrir til; fálkinn í kvæðinu væri tilvísun í einkennistákn Sjálfstæðisflokkinn og ,,gæðakonan góða" væri fólskufull árás á errilegar konur í Flokknum, innblásin af gríðarlegri kvenfyrirlitningu og hatri á Sjálfstæðisflokknum, enda hefði aunginn kvenmaður litið við öxndælska rónapeðinu, ekki einusinni mellujúfferturnar í Kaupmannahöfn.

Á meðan frú Ingveldur og Kolbeinn gegnumlýstu og krufðu óþverraþuluna um Skriflabúðina kinkuðu þau ákaft kollum framaní hvort annað með óduldum vandlætingarsvip og og drógu axlirnar uppfyrir eyru eins og verið væri að raspa á þeim bakið með kúaklóru. Bæði eru þau handviss um, að dólgurinn Einar Ben hafi af einskærum skepnuskap og mannvonsku hnoðað saman bragum um okrarann í Skriflabúðinni til að ná sér niður á betri borgurum landsins, en þó einkum og sérílagi til að svívirða og lítillækka Sjálfstæðisflokkinn.

Að lokum sagði frú Ingveldur við mann sinn, að henni þætti ekki örgrannt um, að óþverraandi drykkjuraftana, Jónasar og Einars, svifi nú eins og illur náþokuslæðingur yfir þjóðinni og væri ekki loku fyrir það skotið, að þessi andskoti ætti eftir að valda þjóðinni ógurlegum búsifjum, nokkurskonar Móðuharðindum með hafís og fjárfelli. Sérstaklega myndi þetta valda Sjálfstæðisflokknum, og því miður Framsóknarflokknum líka, gríðarlegu tjóni, hreinustu landauðn.

„Ég hef ekki gert neitt rangt“

Kunnur djúphyggjumaður leggur fram stórbrotna kenningu

Hinn stórgáfaði og hugsjónahokni formaður Samfylkingarinnar, sem kunnur af djúphyggju sinni, ber nú fram merkilega kenningu um að lekamálið sé nú statt handan við mörk hinnar pólitísku umræðu. Þetta eru nýstárleg vísindi, þegar haft er í huga, að pólitíkin er sóðalegasta tík sem um getur. Handhafar pólitíkunnar hafa lengi stundað þá þokkaiðju að hóta fólki þegar fá eða engin vitni eru nær, eða skjalla það, eftir atvikum, í skjóli þess að ekki komist upp um óþrifnaðinn, fyrir utan að reyna að hafa áhrif á allan andskotann eins og draugfullir jólasveinar.

Hinsvegar er formaður Samfylkingarinnar handan við öll stjórnmál og alls ekki viðræðuhæfur um þau; þar er hann á sama báti og gersemið Sígmúndur Dávíð og Katrín Jakkó; sem sé ekki skiljanlegur nokkrum manni. Til viðbótar við ruglandi og heimskuparalega framgöngu Samfylkingarformannsins, er ekki annað að sjá en að hálfkveðnar vísur hans um axarsköft núverandi stjórnar þýði annað en að hann sé að bögglast við að leggja grunn að því að komast í ríkisstjórn með íhaldinu. Aumingja kalltuskan er sem sagt önnum kafinn við að minna íhaldið á Höfuðbólinu að kratarnir búi enn á Hjáleigunni, sem er þinglýst eign erkiíhaldsins.

„Ekki um pólitískan leik að ræða“

Ef Hanna Birna fellur í orrustunni munu illmenni hrifsa til sín völdin

Æsast nú leikar og má búast við tilheyrandi mannfalli í kjölfar þeirra óskapa sem umboðsmaður Alþingis hefir gert sig dauðasekan af. Má segja að þriðja bréf þessa óforskammaða umboðsmanns til heiðviðs og hæstvirts innanríkisráðherra hafi komið eins og úldin hlandsprengja inná ríkisstjórnarfund í mogun og olli því að blessaðir ráðherrarnir stukku allir sem einn undir borð, nema Sígmúndur Dávíð, sem var sofnaður og farinn að hrjóta þegar sprengjan sprakk og hélt áfram að sofa eftir sprenginguna, án þess svo mikið að rifa annað augað.

En það varð þó úr, eftir hefðbundinn vandræðagang við að vekja Sígmúnd Dávíð, að Sígmúndi Dávíð voru afhent öll ráð þau er heyra undir dóms- og kirkjumál. Mun Kolbeinn Kolbeinsson skrifstofustjóri og skuggabaldur og framsóknarmaður sinna dómsmálum og kirkjuveseni í hjáverkum bak við tjöldin fyrir hönd forsætisráðherra.

Af Hönnu Birnu er það að segja, að mjög er nú að henni sótt og tvísýnt um leikslok. Er mál manna, að ef Hanna Birna fellur í nýgeysandi Brávallarbardaga, muni umboðsmaður Alþingis, ríkissaksóknari og blaðamenn á DV hrifsa völdin og setjast í alla ráðherrastólana en núverandi ráðherrar sendir á vergang. Má með sanni segja, að föðurland vort sé nú sorta sveipað og allra verstu veðra von.

Sigmundur fer með dómsmál

Þau hafa áreiðanlega sammælst um að leggja hana í einelti

Sko mína, bara komin í urrandi bardagaham gegn þessum illgjarna og illameinandi umborðmanni Alþingis. Sýnist nú á öllu, að umboðsmannsnefnu þessarar bíði fátt annað en að verða korssfestur með lappirnar upp en hausinn og framskankana niður. Það verður fögur og uppbyggjandi sjón að sjá.

Ekki skemmir heldur fyrir ráðherranum, hvers ráðuneyti hefir rýrnað dulítið uppá síðkastið, að hafa á bak við sig stuðningsveit skipaða litlu fröken Edwalds, Sígurði Gé lögmanni, Páli Vilhjálmssyni og Jóni Steinari lögmanni, auk fleiri málsmetandi snillinga af sama tagi eins og frú Ingveldar og Máríu Borgargagns. Og sannast þar hið fornkveðna, að ber er hver að baka nema sér bróðir eigi.

Það er ljóst að DV, ríkissaksóknari og umboðsmaður Alþingis hafa sammælst um að leggja ráðherra innanríkis í gróft einelti. En sem kunnugt er, þá er einelti ofbeldisglæpur sem ber að refsa fyrir af sérstakri alúð. Við þessu er fátt annað að gera en að taka gerendur eineltisins úr umferð og fá þá dæmda í Litla-Hraun að viðbættum 10 svipuhöggum á nauðaber andskotans raskötin við upphaf hvers mánaðar sem þeir ná að tóra þar á Hrauninu.

Óánægð með vinnubrögð umboðsmanns