Nú er frú Ingveldur sorgmædd og reið; en huggunin er þó handan við hornið

Í dag eru frú Ingveldur og hennar fólk mjög reið stjórnendum Reykjavíkurborgar fyrir að hafa gjörg þjónustusamning við Samtökin 78, en frú Ingveldur hafði fyrir sína hönd og vina sinna sókt um að taka að sér sambærileg fræðslustörf við grunn- og leikskóla borgarinnar og Samtökin 78 vóru ráðin til. Til að gera fræðsludeild sína þverfaglegri til kynlegrar fræðslu höfðu þau sæmdarhjón, frú Ingveldur og Kolbeinn, ásamt Brynjari Vondulykt, Óla Apaketti, Máríu Borgargagni og Indriða Handreði, ráðið sérfræðingana Gylfa Viðar og Jón Val til liðs við sig til að kenna börnum hinn eina hreina sannleik um ógnir kynlífsins.

Frú Ingveldur og þau hin hugga sig þó við, að þau muni áreiðanlega hreppa umrætt fræðslustarf næsta ár, þegar búið verður að sópa kjánahjörð Dags B. Ekkerts niður í holræsið og í gegnum klóakhreinsibúnað borgarinnar. Þegar Viðar Guðjohnsen verður orðinn borgarstjóri, því hann verður næsti borgarstjóri Reykjavíkur, er næsta víst að hann ráði vini sína, frú Ingveldi og hennar úrvarlshóp, til að hrekja allar kynvilluhugmyndir út úr hausnum á skólakrökkunum og gera þau á ný að venjulegu fólki. Annars er Eyþór Arnalds í miklu afhaldi hjá frú Ingveldi, því hún getur aldrei borið nógsamlegt lofsorð á þann pena pilt og vill allt eins fá hann fyrir borgarstjóra eins og Viðar. Þess vegna hefir frú Ingveldur borið fram þá hugmynd, að Eyþór verði bogarstjóri og búið verði til nýtt embætti varaborgarstjóra, sem Viðar verði ráðinn til að þjóna.

Já, það er hugur í sjálfstæðismönnum í Reykjavík þessa dagana. Þeir eru nefnilega orðnir meir en vissir um, að núverandi borgarstjórnarmeirihluti sé búinn að gera svo hressilega í buxurnar, að af tvennu illu muni meirihluti Reykvíkinga kjósa Sjálfstæðisflokkinn í vor. Og vissulega lítur borgarstjórnarklan Dags B. orðið ansi ánalega út og mun auðveldara nú en áður að telja kjósendum trú um að þar fari eintómir heilalausir blábjánar, sem séu með heimskulegum tiltektum sínum langt komnir með að eyðileggja höfuðborgina og gera hana að almennu athhlægi, utan lands sem innan.

Samið um hinsegin fræðslu í leikskólum

Athyglisverðar aðgerðir Gottfreðs læknis á hlandsprengjum

Eflaust muna margir eftir tímamótaaðgerðinni sem Gottfreð læknir Gottfreðsson gerði í hitteðfyrra á hlandspengjunni Ragnhildi Rán. Gottfreði datt sem sé í hug, að gott væri að tengja smágirnin við endaþraminn og lungun við magann. Þegar Ragnhildur Rán vaknaði upp eftir aðgerðina og líkami hennar fór að fara í gang skipti aungvum togum, að hún sprakk bóktaflega í loft upp og sjúkrastofan varð hræðilega útleikin eftir hamfarirnar. Og ekki gekk betur hjá útfararstjóranum þegar hann hugðist safna leyfunum af Ragnhildi Rán saman í kistuna; það var ekki fyrr en Gottfreð gaukaði kíttisspaða að útfararstjóranum að eitthvað fór að ganga og loks tóks honum að skrapa saman upp undir 100 kílógrömmum af gumsi í kistuna og lét hann það gott heita. Síðar sagði útfararstjórinn svo frá, að þetta væri eina tilvikið þar sem kæfa, eða einhverskonar paté, væri borin til grafar so hann vissi. Verst hefði verið að fluga hefði komist í kistuna fyrir útförina og ábyrgðist hann þar af leiðandi ekkert ver varðaði innihald hennar í dag.

En Gottfreð Gottfreðsson læknir var síður en svo af baki dottinn þótt heldur slysalega hefði til tekist varðandi Ragnhildi Rán og prófaði hálfum mánuði síðar að fremja ópérasjón á enn voldugri hlandsprengju. Vinir Gottfreðs ráðlögðu honum að framkvæma aðgerðina úti á víðavangi og hafa sprengjudeild Landhelgisgæslunnar tiltæka ef útaf bæri. En Gottfreð hlustaði ekki á vini sína og skar ósmeykur á voldugan belginn á Þorfinnu, sem djöflarnir kölluðu Tobbu heiltruntu til aðgreiningar frá móður hennar Tobbu hálftruntu. Þegar Gottfreð hafði tengt innvolsið Þorfinnu út og austur saumaði hann belginn á henni saman og skipaði aðstoðarfólki sínu að vekja fjallið. Eins og við manninn mælt fór allt á sama veg og með Ragnhildi Rán, nema hvað Þorfinna sprakk með mörgum sinnum hærri og öflugri hvelli. Og nú var það ekki aðeins skurðstofan sen fór í rúst, heldur gjörvöll skurðdeildin, heil hæð á stóru sjúkrahúsi. Forstjóri sjúkrahússinn varð ofsareiður vegna örlaga, líka útfararstjórinn og yfirhjúkkan, sem einnig er hlandsprengja, ekki síður en hinar sprungnu Þorfinna og Ragnhildur Rán. Og í sameiningu kærðu þessi illmenni Gottfreð til landlæknis.

Sem betur fer hlustaði landlæknir ekki á umkvartanir og illmælgi öfundsjúkra fúlmenna í garð Gorttfreðs Gottfreðssonar læknis. Þvert á móti fóru lýsingar á tilraunum hans til æðri máttarvalda í læknislistinni og á tímabili var talað um að Gottfreð væri líklegur til að hreppa Nóbélsverðlaunin í læknisfræði fyrir djarfar tilraunir við að lækna hlandspengjur.

65 á biðlista eftir magaminnkun

Og hann mun ausa kolum undir ketilinn og syngja ...

Eftir að hafa gjört bæn sína til Steingríms kolamokara Sigfússonar fullvissuðu prestar stóriðjunnar samkundugesti um að Bakka-Sílíkón væri traustur drengur og óeitraður, drykki skjaldan og reykti aldrei; það væri sérlega notalegt að hafa þann pilt í nágrenni við sig. Og samkundugesit buktuðu sig og sleiktu meira að segja út um, því svo ógnarheimskir eru þeir, að þeir halda að þeir fái einhverja smámola, sem velta út af boði Bakka-Sílíkóns, til að stinga upp í soltinn kjafinn á sér. En þar skjátlast eignunum hrapalega, því einu molarnir sem hinir auðtrúa samkundugestir eru í mesta lagi dulitlir kolamolar, sem Kola-Grímur kemur til með að troða upp í kjaftinn á þeim.

En so fara þeir að setja Bakka-Sílíkón í gang og þá fer nú heldur að kárna gamanið hjá stóriðjunavíistunum þegar eiturgufurnar taka að smjúga inn í hús þeirra og kæfa þá smám saman. Og umhverfisverndarsinninn mikli, Steingrímur J. Sigfússon alþingismaður, þingforseti, flokkseigandi og yfirráðherra VG, mun dansa fémínískan djöfladans, að hætti VG-inga, kringum Bakka og ausa kolum undir ketilinn og syngja: ,,Kokkurinn við kabyssuna stóð, fallíra, og oní hana kolamola tróð, fallíra."

Þó væri Steingrími og hans VG-vesalingum nær að söngla: ,,Hefnist þeim er svíkur sína huldumey, honum verður erfiður dauðinn." En Steingrímur og það fólk er löngu búið að gleyma soleiðis leiðinlegum kveðskap, hafi þau einhverntíma lært hann, sem er harðla ólíklegt. Eftir að VG dó endanlega á haustdögum inn í Sjálfstæðisflokkinn, hafa flokkseigendur gengið hresslega aftur og farið á kostum í margelleftri vitleysunni og gluggaskrautið hnitað suðandi yfir eins og vönkuð húsafluga. En Bakkasystkynin þarna fyrir norðan land geta látið sig hlakka til að anda að sér kolareyknum og trénast upp eins og hvurjir aðrir vandræðagemlingar, sem örlögin hafa gjört að skotspæni fyrir andstyggilega gráglettni sína. 

Aðalatriðið er að vanda sig

Bunulækjar blessuð hlíð ...

Óvenju pervertískt nafn ,,Klofalækjarkjaftur" og vekur miður geðug hugrenningatengsl hjá óstöðugum karlmönnum og kvenpéníngi af hlandsprengjugerð. Nóg hélt maður nú að væri af óþrifalegu orðbragði í umferð svo ekki væri verið að vekja upp löngu aflagt ruddafengið klám og kasta því að óvörum framan í saklaust fólk. Í gærkvöldi hitti ég gamla konu sem var í öngum sínum út af þessum klofalækjarkjafti, því hana minnti að maðurinn hennar heitinn hefði einhverju sinni kallað hana þessu nafni og ekki beint í virðingarskyni. Konan gat þó huggað sig við að karlinn hennar væri steindauður og hefði verið það í bráðum sextán ár.

So er aldeilis óboðlegt að börn og óharðnaðir unglingar rekist á óþveraorð eins og klofalækjarkjaft og fari að delera um það í huganum. Og enn verra verður það þegar þess er gætt að algerð fáfræði ungmenna í kynferðismálum er staðreynd. Hvað kemur upp í huga grunnskólakrakka þegar hann rekst á sona orð? Já, svarið þið því, svínin ukkar. Vitið þið ekki að klámyrði af þessu tagi er vel til þes fallið að leggja líf unglingsins í rúst? Og hvað hefði orðið úr ukkur, svínabestin ukkar, ef þið hefðuð séð eða heyrt þetta orð í æsku? Jú, rétt til getið, þið hefðuð orðið helvískir pervertar og teknir úr umferð áður en þið náðuð miðjum aldri.

En hvað ætli þessi Sigmundsdóttir rithöfundur hafi verið að fikta þegar hún slysaðist á óþveraorðið? Var hún máske að snuðra í sorphaugnum, eins og rithöfundum er so tamt? Það er trúlegt. Það er einkennileg árátta sumra, að vera einlægt að bera sig eftir að veiða einhvern sora upp úr drullupyttum til að klína framan í börn, unglingsskjátur og fullorðna. Það er ljótur leikur, sem ekki er undir neinum kringumstæðum líðandi. Þá er nú heldur fallegra að syngja fyrir munni sér ,,bunulækjar blessuð hlíð." En so vil ég ekki fara með meira af kvæðinu um bunulækinn, því strax á eftir féll skáldið beint í holdlegan sora, sem ekki er eftir hafandi ... 

Hvað er „Klofalækjarkjaftur“?

Maður Guðs og lifandi

Það er við hæfi, að þeir félagarnir Árni Sigfússon og Unitedur Sílíkóns yfirgefi Suðurnesin saman, verði samferða með ,,slitna brynju, sundrað sverð og syndagjöld" eins og skáldmennið sagði. Vafalaust verður þungu fargi létt af Reyknesingum  þegar þeir horfa á efir þeim félögum og vita að þeir eru alfarnir og koma ekki meir. Á móti kemur svo spurningin, hvar eiga vondir að vera, og þá vandast málið heldur betur, því aunginn vill fá þá Árna og Unitedinn í sitt sveitarfélag. - Við gætum alveg eins tekið við Drakúla og Frankenstein, tvíelleftum, sagði fróm kona á landsbygðinni þegar hún var spurð hvort hún vildi Árna og U. Sílíkón í götuna hjá sér.

Við brotthlaup Árna af Suðurnesjum vekur sannarlega mesta athygli, að karlinn hefir verið 30 árum of lengi í pólitík, því þörfin á náungum af þessu kalíberi í stjórnmál er nákvæmlega aungin. Og fólki verður á þessum tímamótum hugsað með ósviknum hryllingi til allra þessara 30 ára kálfa sem Sjálfstæðisflokkurinn hefir troðið upp á samfélagið með ýmsum einkennilegum afleiðingum. 

Svo er heldur ekki loku fyrir það skotið, að Árni fari í framboð annarsstaðar, fyrst vanþakklátir Suðurnesjamenn vilja ekkert með hann hafa lengur. Og Unitedur Sílíkón gæti farið í framboð líka. Árni gæti sem best boðið sig fram fyrir Samfylkinguna eða Pírata í Reykjavík og Steingrímur J. kann eflaust ráð til að koma honum Sílíkón fyrir í góðu sæti hjá VG; VG hefir nefnilega góða reynslu af að hafa Bakkasílíkón á lista hjá sér fyrir norðan land; og öll blessuð kolin sem Bakkasílíkón brennir, ja maður guðs og lifandi! 

Árni hættir í pólitík í vor

Uppskafningar ætla sér að eiga ,,samtal" um ,,kerfisbreytingar" í 101

Það er ekki nema rétt mátulegt á VG að sitja uppi með hana Líf þessa í efsta sæti hjá sér. Enn betra hefi samt verið fyrir VG að hafa Sóley Tomm Fílí Romm Bomm Bomm í efsta. En því miður er Sóley hrokkin úr skaptinu og fréttist síðast af þeim virðulega kvenkosti, að hún hefði glutrast niður á milli skips og bryggju einhversstaðar í fjáranum. VG er sosem vel sett með Líf; hún er alveg ekta 101 ráðaleysingi, sem hefir passar undurvel við niðurtúr Reykjavíkur á umliðnum árum.

Ekki er að efast um að Líf mun, ekki síður en allir hinir 101 frambjóðendurnir, hafa nauðsynlegustu frasana á hraðbergi. Ef að líkum lætur, má vel ímynda sér, að hún segi ,,samtal" í að minnsta kosti einusinni að meðaltali í hverri setningu, og fyrir utan að ,,leiða" skrípið VG, þá er eins víst að Líf lýsi því yfir á hjartnæman hátt, að VG skrípið hyggi á ,,kefisbreytingar" og ætli sér að vera ,,kerfisbreytingaflokkur." Þetta verður sem sé mikið ,,samtal" um ,,kefisbreytingar."

Svo eru aðrir, sem segjast vera búnir að fá sig fullsadda af þessu andskotans 101-samtali, gáfumannatali, pólitískri úrkynjun, sýndarmennskunni, tilgerðinni og öðrum andlegum uppskafningshætti, sem eigi ætt sína og óðal í hlandblautum rennusteininum í Austurstræti. Þessi ömurlegi afkáraskapur sé búinn að eyðileggja alla pólitík í landinu og alla pólitíska flokka með yfirlæti sínu og háskólamenntaðri heimsku. Úr því sem komið er, þá mun varla vanþörf á að skrubba alla Kvosina, frá Þingholtum suður á Mela og vestur á Seltjarnarnes, upp úr vítissóda, salmíaksspíritusi og klósetthreinsilút, og linna ekki látum fyrr en öllum aðvaldskratabaktéríum og krataeðli hefir verið sópað langt á haf út. Úti í hafsauga er góður staður fyrir Líf, Dag, Eyþór og hina leiðinlegu stagkálfana að leika sér að ,,samtölum" og ,,kerfisbreytingum."

Líf vill leiða VG í Reykjavík

Langatöng? Blómurinn í súrnum? Hvað er að frétta?

Auðvitað hefir ungfrú Reykfjörð lítið um tímabært andlát Uniteds Sílíkóns að segja. Þó mundi hún eftir að vera sorgmædd yfir þeim sem störfuðu hjá Unitedi þessum, en þeir mega þó vera manna fegnastir að losna jafn óheilnæman félaga og Unitedet þenna. Meira veit ungfrú Reykfjörð ekki um hinn látna og samt er hún þó þerfaldur ráðherra að titlatogi. 

So er það langatöngin. Það fara sögur af henni, ekki allar fallegar. Betur færi að umrædd langatöng eyddist upp í sýru. Og þá kemur í hugann húsfreyjan að Kollufelli, hún setti nefnilega eitt haustið allan blómurinn í geymissýru, eða var það saltpéturssýra, en allt um það þá var blómurinn horfinn úr tunnunni innan fjögurra vikna, en þá gætti húsfreyjan að slátri sínu og varð undrandi að grípa í tómt. En ég segi nú enn og aftur: Hvað kemur þessi þremils langatöng ungfrú Reykfjörð við? Varla nokkurn skapaðann hlut -, eða hvað? En þa e auvita leitt þegar stór, stór verkefni sem fjárfestar hafa sett fjármuni í fara sona. Já, okkur varðar ekkert um neina helvítis fjárfesta til eða frá, þeir hafa hvort eð er aldrei unnið fyrir fjármununum sem þeir gambla með; það vóru aðrir sem fyrir fjármununum unnu í sveita síns andlitis.

Okkur varðar heldur ekkert um þó ríkisstjórnarnefnan sjálf fari í þrot, gjaldþrot, og ráðherrarnir verði boðnir upp, hver af öðrum, eins og búpéningr fátæklinga í gamla daga. Við vitum þó, að andvirði fyrir hvurn ráðherra nær ekki því sem fengist fyrir fjórtán vetra á. Og aunginn þarf að missa niðrum sig brækurnar eður brjóta og bramla á sér löngutöngina, þó ekki fengist so sem einseyrings virði fyrir Reykfjörð og hendes venner í ríkisstassjóninni.   

„Leiðinlegt þegar þetta fer svona“

Krakkaskrattinn í leikskólanum í Winnipeg

Samkvæmt skýrslu Ættfræðistofnunnar Sameinuðuþjóðanna, er dómsmálaráðherra okkar, frú S.Á. Andersen afkomandi H.C. Andersen hins danska (ísl. framburður: hosé anderzen) sem samdi öll ævintýrin hér í gamla daga. Sumir segja að frú Andersen ráðherra sé mesta ævintýrið, sem komið er frá HoSé heitum Andersen, og skari fram úr frásögninni um Eldfærin og hundunum er þer koma við sögu. Nú, þá er það ekki lítil upphefð fyrir oss Íslínga að hafa ráðherra í beinan legg frá helsta géníalteti er uppi hefir verið með Dönum. En af því eitthvað hefir verið talað um að ráðherra þessi hefði átt að gera sjálfstæða skoðun á umsækjendum í dómaraembætti við Landsrétt (eða var það kanski Landsdómur?) ef hún ætlaðii að víkja frá niðurstöða hæfnisnefndar, þá er ljúft og skylt að svara því til, að frú Andersen las sögur eftir afa sinn, HoSé heitinn Andersen, meðal annars suguna af litla ljóta andarunganum. Og fru Andersen brá við hart og tíndi fáeina litla ljóta andarunga af lista hæfnislistanum og setti raungóða flokksunga í staðinn.

,,Primmprimm og pungurinn sveittur á pallborðinu sprakk, en krakkaskrattinn kogarasprittið drakk." þannig kvað þjóðskáldið þegar það frétti af hneykslismálinu á leikskólanum í Winnipeg. Þar var mál þannig vaxið, að leikskólanemandi, af íslensku ætterni þar vestra, gerði sér hægt um vik og fór að hafa áfengi með sér í leikskólann. Áður en upp komst hafði krakkafjandinn margdelerað án þess að leikskólakennararnir sæu nokkuð athugavert. Jú, raunar höfðu einhverjir kennaranna þókst finna brennivínsfýlu legga af umræddum krakka, en gáfu því aunvann gaum. En morguninn sem krakkanum tókst að fótbrjóta tvær fóstrur með því að strengja girnisspotta þvert um tröppurnar niður í kjallara, varð allt vitlaust og leikskólastjórinn lét lögregluna hirða krakkann. Já sona gengur það hjá þeim í Winnipeg, og drykkfeldi krakkinn af íslensku ættunum var sendur til Gimli í afplánun.

Jæja vinir mínir, þetta með krakkaskrattann í Winnipeg var nú bara útúrdúr frá umræðunni um hennar hátign frú Andersen. Satt best að segja er vel hægt að finna sér verðugra og skemmtilegra viðfangsefni í skrifum en þessa umdeildu frauku. En assgoti prýða samt frú Andersen og litla ungfrú Jakkobbsson útstillingarglugga ríkisstjórnarinnar á áhrifaríkan og smekklegan hátt -, því veru seint neitað. 

„Fullmikil túlkun“ á viðvörunum

Fallin er Óli fígúra, fjandinn sá arni í Reykjanessbæ

Ósköp eru örlög óskabarns Sjálfstæðisflokksins á Suðurnesjum nöturleg og sorgin yfihellist aðstandendur þyngri en blý. Þó er eitthvað sem bannar eðlilegu og jarðbundnu fólki að lýsa yfir samúð sinni við aðstandendur óskabarnsins United Sílíkón; það er eins og fjöldinn allur af fólki sé hálf-fegið að óskabarn þetta hafi andast, að vísu eftir að hafa tekist að kæfa íbúa Keflavíkur nálega til bana með eitruðum vindgangi. 

Í frægri bók kemur fyrir vísukorn hvar segir: ,,Fallin er Óli fígúra, fjandinn sá arna í Keflavík." Má vera höfundur þessa kveðskaps hafi gjörst óvart forspár er hann orkti andlátfregn Óla fígúru úr Kelfavík, því skjaldan hefir óskabarn andast í Keflavík til jafn mikillar gleði fyrir landslýð og fígúruunginn United Sílíkón, óskabarn Sjálfstæðisflokksins í Keflavík. Sagt er að jafnvel Óli Apaköttur, sem er náskyldur aðstandendunum, sé meira að segja hálf fegin því hvurnig fór.

Og forseti bæjarstjórnar Reykjanessbæjar sagði nú rétt í þessu í útvarpið, og táraflóðið var hroðalega mikið, að fall fígúrunnar United Sílíkón væri mikill harmleikur og margar milljonir hefðu fokið út í buskan. En heiðraður forseti bæjarstjórnar mætti svo sem gera sér grein fyrir, að stundum, eiginlega ósjaldan, er best fyrir alla að milljonirnar fjúki veg allrar veraldrar í stað þess að sitja uppi með ófögnuð af skrímslakyni á miðri lóðinni heima hjá okkur.

United Silicon gjaldþrota

Upplífgandi fyrir virðulega Vinstrihreyfingu verja frú Andersen með klóm og kjafti

Það er alveg passlegt verkefni fyrir Katrínu Jakk að verja misjafnar gjörðir íhaldsráðherra á borð við frú Andersen og næst mun Steingrímur ugglaust senda Katrínu til að verja áhlaup yfirsamherjans á sérstakan saksóknara við opibert réttarhald í morgun. En satt best að segja, þá er samt freistandi fyrir hvern sem er að sparka til baka í trýnin á ófétunum sem sóktu eins og hvefsnir hvolpar að Katrínu í þinginu í dag. Hvað vilja pólitísk endemi úr háborgaralegum slektum með að rjúka í hælana á Katrínu litlu? Nafgreind eru í fréttinni af þessari smekkleysu póltísk merkikerti, að sjálfsöðu fullkomlega hugsjónalaus, sem hafi staðið í pontu Alþingis og haft í frammi hjáróma gelt og gaul að forsætisráðherra og frú Andersen dómsmálaráðherra; og vel að merkja: hver er raunverulegur munur á raunverulegu pólitísku innræti frú Andersen annarsvegar og Helgu Völu og Gunnari Braga hinsvegar? Sá munur er, hygg ég, lítill, hverfandi aunginn.

Hitt er svo afut annað mál, að það er jafn gott á Katrínu forsætisráðherra að veltast eins og nýborinn kálfur upp úr foraðinu og berjast við að verja frú Andersen, gjörðir hennar og pólitík. Það er ekki síður upplífgandi fyrir virðulega ,,Vinstrihreyfingu" og grænt framboð, sem í þokkabót er harðfémínískt á efrimillistéttarlega vísu, að standa í því að slást fyrir hinar nýaldarlegu kempur Sjálfstæðisflokksins. Það er nú hægt að gera sig að fífli fyrir minna? eða er það ekki.

Í ranni frú Ingveldar og Kolbeins Kolbeinssonar hefir Katrín litla Jakk verið lofuð í hástert í dag fyrir einarða baráttu og fylgispekt við frú Andersen, ríkisstjórnina og Sjálfstæðisflokkinn. Meira að segja Brynjar Vondalykt, sem er kröfuharður og hugsjónaþrunginn gáfnamaður, lét orð falla á þá leið, að það væri tilhlökkunarefni að fá að sjá þær stöllur, Katrínu og frú Andersen, reka með eigin siggrónu höndum eitthvað af þessum andskotans negra-, múllatta-, og múslímalýð, sem hefði á smyglað sér til landsins á umliðnum árum. Og vissilega væri uppfræðandi að sjá þessar tvær ríkisstjórnarsystur taka sameiginlega til hendinni með Útlendingastofnun.  

Kallar ekki eftir afsögn ráðherra