Ekkisins kjaftæði og flís við rass

Hvaða ekkisins kjaftæði er þetta í lygamörðunum í Amríku núna? Ég hélt það dygði þeim að ljúga svo og svo mörgum morðum upp á Stalín sáluga og einhverjum slatta af slíku upp á Pútín aumingjann svo þessi illyrmi séu ekki að kenna Pútín og Rússum, og jafnvel Stalín, um að Bandaríkjamenn kusu sér hálfgeggjaðan eð algeggjaðan náunga fyrir forseta hjá sér.

Það er líka talað um einhvern fjandann í þessari grein, sem greinarhöfundur er svo gamansamur að kalla ,,bandaríkst lýðræði", en sem kunnugt er bandarískt lýræði ekki til, aðeins bandarískt auðræði, byggt á tveggjaflokka einræði og alræði fjármagnseigenda og mafískra bófadjöfla. Megi Guð almáttugur forða hvurri lifandi mannkind frá að nefna eins fráleitan hlut og ,,bandarískt lýðræði" á nafn framvegis.

Eina gleðifrétt get ég þó flutt Íslendingum að þessu sinni: Brátt verður kynntur til sögunnar Kolbrandur Kolbeinsson, bróðir okkar ástkæra Kolbeins Kolbeinssonar skrifstofustjóra og framsóknarmanns. Kolbrandur hefir sem maður segir, lengi lifað í skugga bróður síns en er þó aunginn veifiskati á vissum sviðum og bylgjulengdum fremur en hans ástsjúki bróðir. Hjá bæðum þedsum bræðrum hafa kvennamálin löngum verið í ólestri, og karlamálin víst líka ef að er gáð. En vissulega mun þjóðin hafa gott af að kynnast Kolbrandi Kolbeinssyni því hún mun samsama sig sálarlífi hans, andlegu atgerfi, siðferði og kynferðislífi; þar mun allt falla sem flís við óhreinan rass.

Saka Rússa um útbreidd kosningaafskipti

Hjólreiðaváin tekin fyrir á ríkisstjórnarfundi

Hjólreiðar eru eitt bövað helvítis reiðarslag. Hve oft höfum vér ekki séð kófdrukkinn hjólreiðamann koma þjótandi á reiðhjóli og keyra niður hvað er fyrir verður, fólk, hunda, ketti og dauða hluti og kastast að lokum af reiðskjóta sínum og út í skurð eða urð, sem er náttúrleg gott á svona ódáma. Frú Ingveldur var á tímabili einn svæsnasti hjólríðari landsins, eða allt þar til henni var bannað með dómsúrskurði að koma nálægt reiðhjóli, en þá var hún nær búin að gera tug manna farlama, eða jafnvel drepa þá, með því að hjóla á þá á ofsahraða; sumir sem urðu á vegi hennar máttu sæta barsmíðum af hennar hálfu í þokkabót fyrir það eitt hafa orðið á vegi hennar.

Jón íþróttamaður var líka um stund heltekinn reiðhjólabaktéríunni og þaut um allar jarðir á hjólhesti sínum og gáði aldrei að hvað framundan var. Hann birtist eitt sinn óforvandis fyrir framan strætisvagn og leit út fyrir árekstur. Strætóstjóranum tóks þó á síðustu stundu að bremsa og beygja frá íþróttamanninum, sem spýttist sem fugl flygi yfir götuna og yfrí næsta stræti. Strætisvagninn hafnaði aftur á móti á verslun og margir farþegar slösuðust, sumir heldur illa. Eftir þetta var Jóni íþróttamanni komið fyrir í fangelsi og hann geymdur þar vetralangt.

Nú er svo komið að hver einast hjólreiðamaður hefir gjört þau frú Ingveldi og Jón íþróttamann að leiðtogum lífs síns og sérstakar fyrirmyndir þegar kemur að hjólreiðum. Á höfuborgarsvæðinu má sjá flokka af hjólreiðamönnum fara í loftköstum þvert á götur, gangséttir og göngustíga eins og hjarðir af hreintörfum. Það gefur auga leið að venjulegu fólki stafar stórhætta af þessum andskotans púkafans. Þó er bót í máli, að ríkisstjórnin hefir tekið þá ákvörðun að leyfa ótakmarkaðar veiðar á hjólreiðamönnum frá og með 15. septemberis næstkomandi. Standa vonir til að þetta viðbragð ríkisstjórnarinnar kunni að vinda bráðan bug að vandamálinu og almennir borgarar geti með vorinu um frjálst höfuð strokið á götum úti fyrir geggjuðum, dópuðum og drukknum reiðhjólaföntum.   

„Held að allir þurfi að bæta sig“