Leita í fréttum mbl.is

Að þessu sinni er forsetaframboð ekkert fyrir lukkuriddara að flíma með

full2Bölvað kérlíngarrassgatið hún Máría Borgargagn var líka enn á djamminu þegar Guðna brást örendið á Bessastöðum og gafst upp á rólunum. Hún var sem sé ásamt með Handreði eiginmanni sínum í heimsókn á heimili frú Ingveldar og Kolbeins Kolbeinssonar framsóknarmann. Þar var að fornum sið drukkið stíft og gamnað sér frá því á Þorláksmessu og fram yfir áramót. Á sama stað héldu til þessa daga Brynjar Vondalykt, nokkrir ráðherrar, prestar, ríxlögreglustjórar, forstjórar og fjárfestar, og var flesta daga dýrðlega glatt á hjalla. Ég vil ég nú segja að að mikið hafi verið um að sungnir væru jólasálmar á þessari hátíðarsamkomum að frú Ingveldar og Kolbeins, en þeim mun meir hljóðað af lostagleði og vímum.

Þegar Arnar lögmenni Jónsson tilkynnti um forsetaframboð heima hjá sér í Garðabænum var hann nýkominn úr veislu frú Ingveldar þar sem hann lenti í slagsmálum við Vondulyktina og Handreðinn út af forsetaframboðsórum hins fyrrnefnda. Það er mál manna, að framboð Arnars sé skemmdarverkastarfsemi lukkuriddara, sem muni eyðileggja atkvæðaöflun raunverulegs forsetaframbjóðanda Sjálfstæðisflokksins. Enda sagði frú Ingveldur við þetta tækifæri, að framboðsheimska Arnars jafngilti því að Borgargagnið mundi skíta á eldhúsgólfið hjá henni, en svoleiðis tiltektum léti hún ekki ósvarðað af fullum þunga.

hálf8Þá hefir frú Ingveldur áréttað, að raunverulegur forsetaframbjóðandi Sjálfstæðisflokksins væri ekki aðeins frambjóðandi Sjálfstæðisflokksins, heldur forsetaframbjóðandi bæði Sjálfstæðisflokksins og Framsóknarflokksins. Af þeirri ástæðu er hvort tveggja rétt og skylt, að koma því í eitt skipti fyrir öll inn í þröngt heilabúið á hægrisinnuðum lukkuriddurunum og óviðurkenndum undirmálskvikindum á því rófi, að í næstu forsetakosningum verður aðeins pláss fyrir einn hægrimann í framboði, því nú skal hið borgaralega stórhægri, Eimreiðarelítan, Engeyingar og samherjar ná Bessastöðum og leggja þá flata undir sig. Áfram áfram ekkert stopp! 


mbl.is Var á djamminu þegar Guðni ávarpaði þjóðina
Tilkynna um óviðeigandi tengingu við frétt

Grunur leikur á að meðhjálparinn og sóknarnefndarformaðurinn hafi verið umskornir

prestur16Sterkur grunur hefir lengi lengi leikið á að síra Baldvin hafi látið umskera bæði meðhjálpara sinn og sóknarnefndarformann. Áður en til tíðinda dró, hafði kvisast að síra Baldvin hefði haft í hótunum við meðhjálparann ef hann hundskaðist ekki til að láta klippa bölvaða forhúðina framan af leyndarlimstotunni á sér. Það næsta sem gerðist var að meðhjálparinn og sóknarnefndarformaðurinn gjörðust veiklaðir á sama tíma, gengu um götur í keng, voru áberandi fölir og með óútskýrðan handskjálfta. Voru þessi sjúkdómseinkenni rakin til leynilegrar umskorningar þeirra félaga, og þókti mörgum andstyggð þó svo sannanir væru ekki til staðar.

Á sýnódus færði bysskubb umskurðarorðróminn í tal við síra Baldvin. Síra Baldvin yggldi sig og kvaðst ekki svara slefburði, hvort heldur hann væri borinn fram af bysskubbi eða Gróu á Leiti. Þar með var því máli lokið af hálfu yfirstjórnar kirkjunnar. Kérlíngar lögðu sig í framkróka við að veiða hið sanna upp úr eiginkonum meðhjálparans og safnaðarnefndaformannsins, en varð lítið ágengt, þar eð eiginkonurnar brustu einlægt í grát þegar þegar þetta dularfulla mál barst í tal.

Svo barst síra Baldvini til eyrna, að karlskrjóður einn í plássinu, það var víst skólastjórinn, hefði fullyrt frammi fyrir fjölda manns, að síra Baldvin hefði neytt meðhjálparann og sóknarnefndarformanninn til að láta umskera sig ella verða bannfærðir og útskúfað úr mannlegu samfélagi. Að sjálfsögðu fór þetta tal skólameistarans illa í síra Baldvin svo hann afréð að veita manninum ráðningu sem ætti að duga. Því keyrði síra Baldvin krepptan hramm sinn ofan í hausinn á skólastjóranum er þeir mættust á götu. Síðan hefir sólastjórinn verið enn einkennilegra en hann var áður og þókti þó mörgum nóg um ruglið og bullið í þeim manni áður en hann þáði refsinguna að sóknarprestinum.


mbl.is Lögreglan rannsakar umskurð á Akureyri
Tilkynna um óviðeigandi tengingu við frétt

Ólafur Þorn útnefnir frambjóð

borða1Þó svo þjóðin sé í þann mund að losna við gripinn Guðna Th. af Bessastöðum, er ekki þar með sagt að allt fari að vera eins og það á að vera. Fjarri er það. Nú hefir Ólafi Þorn Harðarsyni tekist með hjá Mogga gamla, á fyrsta degi, að flækja þá hugsjónarýru og skoðanadaufu Katrínu Jakobsdóttur inn í dæmið sem hugsanlegan forsetaframbjóðanda! Þetta er ekkert annað en forhertur dónaskapur af hálfu Ólafs, og sýnir ef til vill best hve langt hann er genginn og þrautpíndur í krataeðlissjúkdómnum. Karl anga stráið. En fyrir utan dónaskapinn og siðleysi prófessorsins þá er það heldur billeg lausn á vandamáli að koma leiðinlegum manni út að leiða leiðinlega konupísl inn í staðinn.

En þar með er ekki öll sagan sögð, því ekki er nóg með að Ó. Þorn hafi tilnefnt leiðinlega og óvinsæla Katrínu til forsetaframboðs, heldur berast jafnframt fregnir af því að einhverjir óvitar séu í óðaönn að skora á furðuverkið Lilju Alfredós að fara í framboð. Hvernig í fjáranum stendur eiginlega á því að fullorðið fólk skuli sjá einna helst finna sér forsetaframbjóðendur við hæfi innan óhemju óvinsællar og sóðalegrar ríkisstjórnar? Svarið hlýtur að vera fólgið í þeirri nöturlegu staðreynd að lágkúran og andleysið hefir tekið allt yfir, og það sem verra er: þjóðin á sér augrar undankomu auðið.

Svo eiga dólgasjálfstæðismennirnir eftir að stíga fram og kynna Guffa bílasala og Hannes Hólmstein sem sína frambjóðendur til forseta; og dólgarnir Sigmundur Davíð og frú Sæland draga Írafellsmóra fram sem sinn þjóðlega mann á stól forseta. Eflaust munu einhverjir auðnuleysingjar skora á Agnesi bysskubb að fara í forsetaframboð fyrst búið er að reka hana frá bysskubbsembættinu. Við þessu öllu er svo sem ekkert að gera, ja, nema að skríða undir sæng eins og blauður rakki. Ekki er raunhæft að andlaus yfirborðþjóð fari að dunda sér við byltingarstarfsemi og uppreisnarhjal. Nei nei. En. Niður með Þornið, Tháið, Bessastaði og Hrunelítuna.

  


mbl.is Hefði helst áhrif ef Katrín færi í forsetaframboð
Tilkynna um óviðeigandi tengingu við frétt

Nú leggjast lukkuriddarar og poletiskir vandræðagemsar undir feld

gildraÓsköp er þetta hugulsamt af honum Guðna Th. að láta sig hverfa svona fljótt og fallega af Bessastöðum. Aumingja karlinn. Nú þarf fólk ekki að hafa kjánahroll út af honum nema í rúmlega hálft ár í viðbót og so búið. Vissulega er freistandi á þessum tímamótum að leggja þetta bévað forsetembætti niður, en því miður verður ekkert af því, svo skynsöm erum vér ekki, Trýna mín. Í staðinn fyrir að losna friðsamlega við forsetavitleysuna munu lukkuriddarar og poletískir vitfirringar þyrpast undir feld og hugsa framboðsmál.

Þegar upp verður staðið verður kosið á milli Brynjars Níelssonar, Sóleyjar Tomm, Thorgerðar Katrínar, Katrínar Jakkó, Lilju Alfredós og Sigurjóns Gunnarssmárabróður um forsetaembættið. Það verður harður slagur og miskunnarlaus, eins og grimmustu prestskosningar. Þá orrustu vinnur annað hvort Brynjar eða Sóley, hin gægsnin komast varla á blað.

guðni th.Næst haust verðum við því komin með nýjan forseta og nýjan byskubb, og - ef Guð lofar - nýja ríkisstjórn með nýjum forsætisráðherra. Það verður því í nógu að snúast hjá lukkuriddaraelítunni á næstunni við mannorðsát og framleiðslu á lygaskrumi til að torða ofan í hrekklausan og fattlausan almenning. En hér heima í stofu í Hábrekkunni í Ólafasvík sitjum við Guðni Th., sem er virðulegur og vinsæll heimilisköttur, og getum enga rönd við reist, eða haft áhrif á gang mála, þókt vér séum betur færir til að skipa málum en apakettirnir þarna fyrir sunnan.


mbl.is Guðni gefur ekki kost á sér
Tilkynna um óviðeigandi tengingu við frétt

Griðkona Framsóknar rotar Íhaldið með níðþungu kjaftshöggi

ing19Skríður þá ekki nema þrautpínd griðkona gömlu Framsóknarmaddömunnar upp á yfirborðið rekur góðum og gegnum Sjálfstæðismönnum soleiðis á kjaftinn að glymur í. Högg griðkonunnar var svo ógnarþungt, að bæði Óli Björn Kárason og Nonnýboy, auk karlskrattans hans Brynka, liggja enn í öngviti. Þetta getur maður nú kallað áramótabombu úr óvæntustu átt! Það er mál manna, að fráleitt sé að griðkan hafi tekið upp hjá sjálfri sér að kjaftshögga Íhaldið svona upp úr þurru, heldur hafi hún verið hvött til þessa óskiljanlega fólskuverks af sér æðri fjósakörlum, - jafnvel gömlu maddömunni sjálfri.

Vegna þessa tilræðis eru Bjarniben, Gölle a. og Reykfjörð þeirra púkamor allt í einu komið upp að vegg, sem einir ómerkilegir óheilindadraugar og áróðursskoffín. Það er sem sé komið í ljós, fyrir tilverknað upplýsinga griðkonunnar í Framsóknarfjósinu, að það eru Sjálfstæðismennirnir sjálfir sem hafa stundað tafapoletik og komið í veg fyrir að virkjanir hafi verið reistar, með þeim fádæma afleiðingum að það er orðið rafmagnslaust á Austfjörðum og Vestfjörðum. Þessi herfilega vanræksla Sjálfstæðisflokksmanna í virkjanamálum hefir vitanlega heft athafnafrelsi almennings og er því skýlaust brot á stjórnarskrá Íslands.

Og um leið og Óli Björn, Nonnýboy og Brynki féllu í rot og Bjarniben og hans sveit lenti í sjálfheldu upp við vegg þá losnuðu Katrín og VG-fjölskyldan úr spennitreyju ásakana Sjálfstæðisflokksins og eru þau nú laus allra mála fyrir þær sakir að hafa ekki viljað virkja. Staðan sem nú er upp komin sýnir okkur svo ekki verður um villst, að það er ekki lengur Sjálfstæðisflokkurinn sem mun sparka VG úr ríkisstjórninni með fulltingi Framsóknar, heldur verður það VG sem sparkar Íhaldinu út í ystu myrkur með dyggri hjálp gömlu Framsóknarmaddömunnar. Það verður ekki gaman fyrir aumingja Óla Björn, Nonnýboy og Brynka að rakna aftur til meðvitundar og komast að því að þeir og Flokkurinn þeirra eigi ekki lengur heima við kjötkatlana og enn síður að þeir eigi upp á pallborðið hjá almenningi.   


mbl.is Sjálfstæðismenn þurfi að tala skýrar í orkumálum
Tilkynna um óviðeigandi tengingu við frétt

Af matsveininum Svenna Hor og misjöfnum súpum og sósum hans

kokk2Það er víst fátt sem ekki finnst í súpunum. Ekki síst á misjöfnum veitingastöðum og hjá alræmdum matsveinum til sjós, en sannast sagna eru slíkir matreiðslumenn því miður að verða útdauðir. Við sem komnir erum til vits og ára og vorum á sjó í gamla daga munum flestir eftir þeim fræga matsveini Svenna Hor. Svenni Hor var, eins og nafnið ber með sér, heldur óásjálegur náungi, ævilega sveittur og klístraður í andliti og þar með lítt lystaukandi fyrir skipverja að sjá til hans við eldavélina.

Eitt var að Svenni Hor væri einlægt eins og fuglahræða til fara við vinnu sína, svo ófríður og álkulegur að til þess var tekið, en hitt var öllu verra hve lúmskur, illgjarn og heiftrækinn hann var. Það varð honum að lokum að falli. Ef einhver um borð móðgaði hann, eða honum mislíkaði eitthvað við áhöfnina, lét hann sér ekki muna um að snýta sér í súpurnar og sósurnar í hefndarskyni. Og ef það lá sérlega illa á karli, mé hann hiklaust inn í ofinn og yfir steikina, ofan í pottana og svo framvegis. Svo fóru piltarnir að leggja saman tvo og tvo og komust að þeirri rökréttu niðurstöðu að matsveinninn Svenni Hor sæti á svikráðum við þá, bæri fyrir þá görótta rétti, undarlega kryddaða, vægast sagt.

Eitt landstímið sátu þeir fyrir Svenna þegar hann þurfti að fara upp að pissa. - Þarna ertu djöfullinn þinn, sögðu þeir við hann um leið og þeir lögðu á hann hendur og báru hann aftur á rassgat og köstuðu honum út um lagningslúguna. En þar með var ekki öll sagan sögð. Skömmu eftir brotthvarf Svenna Hor fóru menn að verða varir við að hann gekk aftur um borð og það svo um munaði. Þeir láta skjaldnast á sér standa ólánsmennirnir að ganga aftur eftir dauðann og gera óskunda í ríki lifenda. Hér verða ekki tíunduð afdrif þeirra sem stóðu að því að taka hann af lífi, en það er löng og ljót saga. Til dæmis gengu stýrimaðurinn og fyrsti vélstjórinn af vitinu í einum og sama róðrinum og voru fluttir í böndum í land. Skipstjórinn varð líka brjálaður og keyrði skipið af alefli á bryggjuna með þeim afleiðingum að bæði skipið og bryggjan voru dæmd ónýt með öllu. En örlög hásetanna varð því miður ein slík samfelld hryllingssaga, að engum hrollvekjumeisturum kvikmyndasögunnar hefði getað dottið annað eins í hug. 

  


mbl.is Fann glerbrot í súpunni sinni
Tilkynna um óviðeigandi tengingu við frétt

Þær eru hégóminn einber hjá voðanum sem stafar af stjórnvöldum

eldgosFari það nú í kolað helvítis helvíti. Það á ekki af Grindíjánum að ganga þessa dagana. Þetta endar með ósköpum, það bregst mér ekki. Sennilega sópast Grindavík með hraunelfunni á haf út, öðruhvoru megin við áramót, Bláa lónið verður að skrælnaðri eyðimörk, og HS Orka springur í loft upp fer til hymmna, eins péníngar nýfrjálshyggjubófanna í Hruninu. Svo má líka vera, að dólgarnir á Veðurstofunni geti ekki með nokkru móti unnt Grindíjánum þess að komast heim til sín og vera þar í friði, og dæli því yfir þá falsspám og falsfréttum til að hræða þá á brott frá heimahögunum.

Þó eru raunir Grindíjána ekkert nema hégóminn helber hjá voðanum sem stafar af stjórnvöldum landsins og Alþingi öllu. Það verður að gera þjóðfélagsbyltingu strax, reka þingið heim og stinga nokkrum vel völdum ráðherranefnum inn. Þessi bölvuð kvikindi innleiddu nýfrjálshyggjubyltingu á Íslandi fyrir rúmlega þrjátíu árum, komu á þjófræði og eru nú að verða búin að stela öllum sameignum þjóðarinnar og stinga þeim í eigin vasa og vina sinna. Ja, þvílík bölvuð ódó og skuð, að ekki sé sagt kvæ. Nú eru endemin búin að brjótast bakdyramegin inn í sameiginlegan orkubúskap þjóðarinnar og fyrirséð hvað þau ætla sér þar, þ.e. stela, stela, ræna og stela.

byltingÉg get trúað ykkur fyrir því, kæru félagar, að á skal að ósi stemma og héðan í frá er aðeins ein leið frá ræningjaflokkum og samfélagsbrennuvörgum, en það er Byltingin, hin eldrauða sósíalíska bylting. Fyrir þá sem ekki vita, þá hefir hin sósíalíska Bylting beðið átekta handan við hornið, meðan ribbaldar og ræflar hafa farið þjófshöndum um sameignir þjóðarinnar, atvinnuvegi og stjórnmál, þess albúin að láta til skarar skríða um leið og merki Byltingarinnar verður gefið. Og það get ég sagt ykkur, sem þunga og áhyggjum eruð hlaðnir, að það verður engin villuráfandi ,,búsáhaldabylting", heldur alvöru Bylting með öllu sem heyrir til slíku ástandi. Verið því viðbúin, Byltingin kemur eins og ferskur vindsveipur að nóttu og sópar með þinni aðstoð ræningjalýðnum og péníngagéðsjúklingunum út úr musterinu. 


mbl.is Nýtt hættumat: Auknar líkur á eldgosi
Tilkynna um óviðeigandi tengingu við frétt

Vandræðahnátan er klúr í bragði og heldur hress - þókt illa sé af henni dregið

x-fíflFyrst verður vandræðahnátan að vita hvað varnargarður er áður en hún fer að þvæla opinberlega um slíkt mannvirki. Haldiði kannski að hún sé heimsk? Eða, haldið ekki að hún sé fín, þetta káta NATOgrín? En það er farið að falla á hana; farið blátt áfram að falla dásamlega á hana; nú er Kötu nefið snúið, nú má hafa það á tröll. En kvæðið er ekki búið - ekki enn. Hún Katrín litla er kynjafress, klúr í bragði og heldur hress (þegar hún faðmar höfðingjana, sem eru ekki höfðingjar heldur skítmenni).

En þetta er nú bráðum að verða búið hjá henni. Sem betur fer, mundi margur segja. Allir komnir með megnustu andstyggð á VG, enda er það orðið geldara en geltur fressköttur og ljótara en Fjandinn í Fjóshaugnum. Auðvaldspíkan Steingrímur joð farinn í felur millum þjóhnappanna á gömlu Framsóknarmaddömunni þar sem hann unir sér vel, en fémínísku skorpinrössurnar úr Flokkseigendafélaginu komnar að fótum fram.

Nei, Katrín veit ekki hvað varnargarður er, þótt nauðsynlegt sé fyrir þjóðina að reisa varnargarð til að bægja poletiskum ævintýra- og glæframönnum, viðrinum og siðlausum aumingjum frá stjórnsýslu Íslands. Verst er að aunginn veit ennþá hvar hægt er að nálgast efnivið í þessháttar varnargarð - varnargarð sem sleppir aungvum katrínum, björnum og framsóknarkrataeðlisóbermum í gegn. Engu að síður ber nauðsyn til að hafa upp á slíkum efniviði sem fyrst, því heiður þjóðarinnar, mannorð og gifta er að veði.     


mbl.is Segist gera ráð fyrir varnargörðum við Grindavík
Tilkynna um óviðeigandi tengingu við frétt

Það var öðruvísi þegar Kolbeinn Kolbeinsson sá maðka og maura í kryddbauknum

ormarÞá var það nú öðruvísi þegar Kolbeinn Kolbeinsson skrifstofustjóri og framsóknarmaður sá ormana og pöddurnar í kryddbauknum. Hann rak upp ramakvein og reyndi að gera einginkonu sinni, frú Ingveldi, grein fyrir því að kryddið væri maðkað. Frú Ingveldur brást hart við og hringdi umsvifalaust á sjúkrabíl og lét flytja Kolbein nauðugan inn á Klepp. Á geðveikrahælinu varð Kolbeinn svo stjörnuvitlaus að ekki varð hjá því komist að setja hann í óðsmannsskyrtu og loka hann inni í einsmannsklefa.

Vitanlega trúði frú Ingveldur því ekki að Kolbeinn hefði í raun og veru séð maðka og maura í kryddinu heldur væri helvítið komið með deleríum tremens af brennivínsdrukk og annarri eiturnautn. Þeir héldu Kolbeini í þrjár vikur á vitfirringahælinu og dældi í hann svo miklu af róandi að hann stóð á þambi og vissi ekki hvað snöri upp og hvað niður, né heldur hvað hann hét eða hvort hann væri kvæntur eða ekki. Yfirlæknirinn sagði frú Ingveldi að sjúklingnum liði ekki beint illa, honum væri tíðrætt persónurnar Brynjar Vondulykt og Máríu Borgargagn, sem hann fullyrti að væru kynferðislega biluð, en því miður væri hann enn þeirrar skoðunar að hann hefði séð orma og pöddur í kryddbauknum og því ekki um annað að ræða en að halda læknisfræðilegum aðgerðum áfram af fullum krafti.

Þegar Kolbeinn slapp loks af Kleppi hljóp hann beint niður í bæ og þar inn í næstu knæpu og drakk sig á hvolf og hagaði sér mjög óskynsamlega. Meðal annarra óhæfuverka hrækti hann framan í virðulega frú sem sat við borð ásamt eignmanni sínum og var að snæða flamberaða nautalund; hótaði að lúberja framreiðslustúlkuna og sparkaði í afturendann á henni þegar hún átti leið framhjá honum með hlaðinn bakka af ölföngum, sem hún hugðist færa siðuðu fólki sem átti þarna pantað borð. Þá, en fyrr ekki, var Hálfdán Varðstjóri kallaður til, og tókst honum og mönnum hans, að fjarlæga Kolbein Kolbeinsson með harmkvælum og frelsa þar með vertshúsið af frekari tiltektum af hans hálfu.


mbl.is „Þetta var ansi ógeðsleg sjón“
Tilkynna um óviðeigandi tengingu við frétt

Síra Baldvin segir hempufémínístum stríð á hendur.

prestur15Á aðfangadagskveld messaði síra Baldvin í höfuðmusteri sínu. Í prédíkun sinni lét hann alveg eiga sig að minnast á fæðingarsögu Jésú, en sagði þess í stað kvennastandi og fémínísma innan kirkjunnar stríði á höndur. Í upphafi máls síns sagði hann ,,að mikil vá væri fyrir dyrum guðskristni og heilagrar kirkju í landinu, þar eð kérlíngar vorar hefðu með aðsúgi og valdasýki í fémínísku frekjukasti, sölsað undir sig allt guðsorð og allar bitastæðar virðingarstöður kirkjunnar eins og þær væru að gleypa í sig ósiðlegar kjaftasögur, eins og konum er tamt. Það er því vor heilög skylda, að láta hart mæta hörðu og frelsa guðskristni vora undan oki og heimskupörum fémínískra kvenna, sem láta núorðið eins og mannýgar gæsir og álftfuglar".

Vissulega tóku sóknarbörn síra Baldvins erindi hans fagnandi og lustu upp fagnaðarópum undir ræðubrögðum hans. Er mál manna, að skjaldan hafi jafn bragðmikil og efnisrík messa verið sungin að jólum á Íslandi og í heiminum öllum. Og síra Baldvin hélt áfram og veifaði bæði krossi og kaleik framan í söfnuðinn: ,,Og vér skulum ekki einungis nægja að bannfæra dólgslega framgöngu þeirra fémí-kvenna, sem gjörst hafa boðflennur í húsi Föðurins, heldur skulum vér leggja land undir fót og reka alla óprúttna kvenvarga út úr musterunum og beint inn í frystihúsin þar sem þær geta snyrt keilu og löngu fyrir samherjamenn. Og um leið og vér endasendum herra Agnesi, og guðlastaranum sem ritar fyrir það, út um fordyri Bysskubbsstofu, þá skulum vér reisa oss það vígi framan við þær sömu dyr, sem bannar fémínístum, slúðurkérlíngum og valdafrenjum aðgang að vorum helgu dómum".

Því miður hefir hið magnþrungna jólaguðspjall síra Baldvins ekki hafa, enn sem komið er, haft önnur áhrif en þau, að nú keppast hempukérlíngar, hvurjar um aðrar þverar, við að bjóða sig fram til bysskubbs, rétt eins og Jésús og Jóhannes skírari hafi verið einhverjar ótíndar kérlínagarálftir, sem kérlíngum einum beri að messa um og hafa atvinnu af. En koma tímar, koma ráð. Vissulega munu síra Baldvin og sóknarbörn hans ekki gefast upp fyrir svarragangi óðra fémínísta fyrr en í fulla hnefana. Og hætt er við að mörg fémískrukkan fái að snýta rauðu eftir föðurleg og þung atlot síra Baldvins að trýnum þeirra.    


mbl.is Biskupsefnin hlaupa fram á sjónarsviðið
Tilkynna um óviðeigandi tengingu við frétt

« Fyrri síða | Næsta síða »

Höfundur

Jóhannes Ragnarsson
Jóhannes Ragnarsson

Höfundur er búsettur í Ólafsvík.

netfang: joiragg@visir.is  Sími:436-1438 og 895-1438

Bloggvinir

Innskráning

Ath. Vinsamlegast kveikið á Javascript til að hefja innskráningu.

Hafðu samband