Það slær óhug að þjóðinni í hvert sinn sem á þau er minnst

Núnú, það er ekki seinna vænna fyrir allskyns hrunalýð og spillingarskaðvalda að skríða framúr músarholum sínum og bregast til varnar fyrir bróðir þeirra allra, herra Haaarde hrunsmarskálk. Nú er lag fyrir allar ingibjargir sólrúnir, steinunnir valdísir og tryggva þóra herbertssyni að slá sér upp á óförum Gjeirs haaarde og sveipa sig hjúp eigin sakleysis, hræsni og skinhelgi.

Hinsvegar virðist ingibjörgunum, steinunnunum og tryggvunum það hulið að það slær óhug að þjóðinni í hvert sinn sem þau eru nefnd á nafn á opinberum vettvangi. En líklega er þessu fólki nákvæmlega sama um það, þau eru nefnilega ekki þjóðin; eða vitið er ekki meira í þverpokum sálar þeirra en raun ber vitni og óforskömmulegheitin eftir því.

Það er nefnilega ekkert við það að athuga að saksóknari hafi opnað vef á netinu þar sem almenningur getur kynnt sér málaferlin á hendur herra Gj. Haaarde og framvindu þeirra.

Hinsvegar ætti Alþingi að taka landsdómsmálið aftur upp á Alþingi með það að markmiði að draga fleiri bersynduga hrunsþrjóta fyrir Landsdóm því íllt er til að vita að slíkir skemmdarvargar fái að valsa lausir eins og ekkert sé. 

Saksóknari tapað áttum?

Óheiðarlegur kjáni gengur til liðs við glæpaklíku

Annaðhvort er Ásmundur Einar fífl eða hann telur að almenningur sé samansafn fífla. Hvernig dettur þessum drullusokki að bera á borð að Framsókn hafi tekið ,,jákvæðum breytingum" og nefnir í því sambandi Icesave og afstöðuna til málefna skuldara og jafnvel afstöðuna til ESB.

Ég man þá tíð þegar Framsókn var í stjórnarandstöðu á árunum 1991-1995. Þá töluðu framsóknarmenn iðulega eins og harðir vinstrimenn. Árið 1995 komst Framsóknarflokkurinn í rikisstjórn og hófst þegar handa við framkvæma þá frjálshyggjubyltingu sem endaði á eftirminnilegan hátt með efnahagshruni. Og þó að Framsókn tali núna eins og hún heldur að fólk vilji heyra, er nákvæmlega ekkert að marka það orðagjálfur. Framsóknarflokkurinn er sami auðvaldsflokkurinn og hann hefur alltaf verið, falskur og óheiðarlegur.

Það er ljóst að Ásmundur Einar er óheiðarlegur kjáni, sem ber að segja af sér þingmennsku nú þegar. Því er nefnilega þannig varið að þeir sem kusu VG við síðustu kosningar voru ekki að greiða glæpasöfnuðinum, sem kennir sig við framsókn, atkvæði sitt.

Og mér er hulin ráðgáta hvað þessi siðlausi rugludallur vara að gera innan um vinstrisósíalistana í VG um nokkurra mánaða skeið. Það getur varla verið að svona eintak ,,gangi á öllum" eins og stundum er sagt um menn sem bæði eru einkennilegir og óheiðarlegir. En auðvitað er Framsóknarfjósið ágætis ruslatunna fyrir fénað á borð við Ásmund Einar og allskonar þremenninga og flokkseigendur úr hinum og þessum skúmaskotum loddaramennskunnar. 

Ásmundur Einar í Framsókn

Ófyrirleitin málflutningur búrtíka LÍÚ

Mikið ósköp er málflutningur Höskuldar Þórhallssonar og annarra af hans kalíberi auðvirðilegur, geldur og í sumum tilfellum verulega ósvífin í umræðunni um fisveiðistjórnunarfrumvarp Jón Bjarnasonar, - já og fjölmörgum öðrum málum. Hvað er það annað en auðvirðilegt og ófyrirleitið af Höskuldi þessum að halda því fram að fyrirhugaðar breytingar á kvótakerfinu kippi stoðunum undan atvinnulífinu á landsbyggðinni, þegar staðreyndin er sú að núverandi kerfi hefur kippt umræddum stoðum undan atvinnlífinu á landsbyggðinni, sem Höskuldur þykist bera svo mikið fyrir brjósti, og lagt fjölda byggðarlaga í rúst?

En strengjabrúðum LÍÚ á Alþingi dettur auðvitað ekki í hug að stunda heiðarlegan málflutning, hvað þá taka þátt í þeirri rústabjörgunaraðgerð sem frumvarp Jóns Bjarnasonar er.

Stoðunum kippt undan landsbyggðinni

Bægir ,,Manninum með ljáinn" frá fólki

Já.

Sex milljónir manna munu láta lífið vegna reykinga á þessu ári.

Það er einmitt það, já.

En hvað munu margir sem aldrei hafa reykt geyspa golunni í ár? Ég trúi ekki að Alþjóðaheibriggðisstofunin hafi látið undir höfuð leggjast að reikna það út.

Og vel á minnst: Nú ku hópur lífsleiðra alþingisdútlara hafa lagt fram tillögu þess efnis, að í framtíðinni eigi fólk að kaupa sér tóbak í apótekum samkvæmt læknisráði. Það merkir vísast að tóbak sé mikið heilsubótarefni við sjúkdómum, standi pensillíni jafnfætis hvað það varðar, og bægi karlinum með ljáinn, á ögurstundu, frá dauðvona sjúklingum.

,,Já, herra læknir, vilduð þér vinsamlegast skrifa út lyfseðil handa mér uppá eitt karton af rauðum Winston?, því nú stend ég tæpt vegna andarteppu, og auk þess með gigt í báðum öxlum." 

Segir sex milljónir láta lífið í ár vegna reykinga

Pólitíkst náttúruleysi, úrkynjun og vemmilegt undanrennugutl

Það er vægast sagt stórlægilegt að ráðherra sem veldur ekki því embætti sem hann hefur verið skráður fyrir í tvö ár skuli vera látinn bæta heilu Mennta- og manningarmálaráðuneyti við sig eins og ekkert sé. Á svona ráðslagi getur varla verið nema ein skýring: að algjör óþarfi sé og hafi verið að hafa tvo einstaklinga til að gegna ráðherradómi Umhverfisráðuneytis og Mennta- og menningarmálaráðuneytis. Í framhaldi af þessu má svo spyrja hvaða hundalógík hafi legið að baki þess að hafa sérstakan umhverfisráðherra og síðan mennta- og menningarmálaráðherra sér í lagi.

Nú hefur svo sem engum dulist, að Svandís Svavarsdóttir og Katrín Jakobsdóttir eru lítilla sanda og lítilla sæva á hinu pólitíska landakorti; báðar pólitískt náttúrulausar, báðum lyft uppí stóla sína á óeðlilegan hátt af framsóknarkenndri flokkseigendaelítu VG, báðar ónothæfar sem fulltrúar þeirra sem lengst standa til vinstri í íslenskum stjórnmálum.

Það er því ekki nema eðlilegt að dómgreindarleysið og veruleikafirringin sé kórónuð með því að tilnefna fyrrgreindar ráðherradömur sem helstu hugsanlega arftaka framsóknardólgsins Steingríms J. Sigfússonar, þegar honum þóknast að láta af embætti formanns VG.

Það væri verðugt verkefni fyrir glögga menn úr röðum sósíalista að rannsaka ofaní kjölinn hvernig á því stendur að sósíalísk hreyfing á Íslandi hefur úrkynjast eins og raun ber vitni og orðið að því vemmilega undanrennugutli hún er í dag.

Svandís tekin við

Hvað þurfa illfygli NATO að drepa maga svo hægrielítan ranki við sér

Einlægt skal hún vera við sama heygarðshornið í hernaðar og hernaðarbadalagsmálum, ræfils hægrielítan á Íslandi. Í engum málaflokki öðrum kemur úrkynjum hérlendra hægrimanna jafn berlega í ljós, ásamt undirlægjuhætti og vesaldómi í anda svartasta afturhalds. Frá upphafi átti Ísland ekki neitt erindi í NATO og með árunum hefur aðild okkar að þessu blóðuga stríðsglæpabandalagi kapítalista orðið æ aumkunar- og vandræðalegra.

Það er því vægast sagt, afar ógeðfelt að heyra af viðbrögðum hægriseggjana á Alþingi við tillögu VG um að Ísland segi sig úr Natóviðbjóðnum. Í stað þess að ræða úrsögn Íslands úr NATO af yfirvegun og mannviti, rjúka undanrennusálir afturhaldsins eins og hvefsnir hundar uppí ræðustól Alþingis og slá um sig með útúrsnúningum og hortugheitum að hætti heimskra stríðsæsingamanna. 

Hvað þurfa Natoríkin að drepa marga svo íhaldsframsóknarkratían í Íslandi fari að sjá?

Hvað verða illfygli NATO að sýna mikið óréttlæti, undirróður, skemmdarverkastarfsemi og stórglæpi gegn öllu lífi á jörðinni svo hægrimenn á Íslandi fari að fá heilbrigða ljóstýru inní moldarkofahugarfar sitt?

„Átakanlegt yfirklór VG“

Því miður gleymdist að umskíra herra Gnarr

Mikið er í það varið hjá Jóni Gnarri og Degi Bé að bínefna Laugaveginn ,,Mannréttindaveg" í þrjá daga. Ég veit að þeir kumpánar hafa haft heilaga þrenningu, að evangelísk kattþólskum sið, til hliðsjónar þegar þeir ákváðu að hafa dagana þrjá en ekki fjóra eða sjö. Hinsvegar er mjög miður að þeir skuli hafa gleymt að umskríra herra Gnarr til þriggja daga og nefna hann Prjón Mannarétting.

En það er sem sér stórkostleg uppáfyndning að láta Laugaveginn heita Mannréttindaveg í þrjá skitna daga, þó ekki væri til annars en að minnast þeirrar gífurlegu mannréttindabótar þegar rafknúna þvottavélin leysti dætur Reykjavíkur undan þeim ósköpum að dragnast inn Laugaveginn með fullt fangið af skítugum fataleppum, kanske um hávetur í norðanbáli og grimmdarfrosti, alla leið inní Þvottalaugar og bera síðan sömu fataleppa rennvota og níðþunga heim í skafrenningi, jafnvel allar götur vestur á Seltjarnarnes.

Nafni Laugavegs breytt í Mannréttindaveg

Stjórnarskrárbrot og landráð

Hvaða fjandans smámunasemi er þetta? Það er hreint og beint stórhneyksli að dæma mann í 18 mánáða fangelsi fyrir það eitt að vinna vinnuna sína og reyna að bjarga sér frá hungri og kröm. Dómþolinn í þessu furðulega máli, sem er góður og gegn frjálshyggjumaður, á auðvitað að njóta athafnafrelsis til fjáröflunnar, rétt eins og aðrir fjársýslumenn og útrásarvíkingar. Í fljótu bragði sýnist mér að aðförin að hinum dæmda frjálshyggjumanni fari algjörlega í bág við stjórnarskrárvarinn rétt einstaklinga til athafnafrelsis og flokkast því undir stjórnarskrárbrot og landráð.

Það er ljóst að dómurinn yfir frjálshyggjumanninum er runninn undan rifjum kommúnistastjórnarinnar sem nú ríkir á Íslandi. Þessi hroðalega kommúnistastjórn ætlar sér nefnilega að fá sem flesta þegna landsins dæmda í fangelsi. Einkum leikur kommúnistunum í ríkisstjórninni hugur á að leggja fjársýslu-, frjálshyggju- og athafnamenn í járn í myrkvari dýflissu og svelta þá þar, - helst í hel. Hið sama ætla þeir að gera við Gjeir Haaarde fyrrverandi forsætisráðherra.  Ástandið hjá okkur er orðið alveg eins og í Norður Kóreu, að því undanskildu að það er mun verra hér.

Neyddu mann til fjárútláta

Svo fara þær á kreik með atkvæðaseðlana og kjörkassana

Neineineinei, er ekki nema frú Sóley Tomm fílí-romm-bomm-bomm komin á stúfana einn ganginn enn, en til hennar hefur ekki spurst síðan í frægu prófkjöri VG fyrir síðustu borgarstjórnarkosningar í Reykjavík. Þó á ýmsu hafi gengið í borgarmálum Reykjavíkur á þessu kjörtímabili, þurfti ekki minna en sameiningu leikskóla, grunnskóla og frístundaheimila borgarinnar til að raska svefnró frú Sóleyjar. En sennilega hrökkur kerlingaranginn aftur í svefnrot eftir að tillaga hennar um ekkisameiningu leikskóla o.s.frv. var felld í dag og dormar fram að næsta prófkjöri VG, en þá munu stórmennin, Silja Bora og Halla Gunnarsdóttir, fara á kreik með atkvæðaseðlana og kjörkassana til að láta einhverja nytsama sakleysingja kjósa frú Sóley Tomm fílí-romm-bomm-bomm til áframhaldandi svefns í borgarstjórn Reykjavíkur.

Ekki fallið frá sameiningum

Hið óstjórnlega pólitíska náttúruleysi er mikil blessun

Sjáum til, samkvæmt þessari frétt er útlit fyrir að gamla ljóta flokkseigendafélagið í VG ætli að bjóða tvo pólitíska náttúruleysingja fram til formanns að Steingrími J. burtsofnuðum. Hver hefði trúað því að jafn eðalborið flokkseigendafélag tæki uppá því að bjóða fram gegn sjálfu sér? En máske líta eignirnar svo á að ekki dugi minna en tveir formenn til að taka við af séra Steingrími, slíkur kappi sem hann er.

Því er ekki að leyna, að það mun vefjast fyrir mörgum, innvígðum sem órólegum, að velja á milli hinna tveggja heiðurskvenna, sem til eru kallaðar, því þær eru einkum þekktar fyrir óstjórnlegt pólitíkst náttúruleysi og finrnadaufa framgöngu í samræmi við það.

Annars held ég væri hyggilegast fyrir aðstandendur VG að jarðsyngja flokkinni með pompi og pragt ásamt öllum fylgigögnum. Það er nefnilega skoðun fjölmargra, að óþarft sé að gera út íhaldsframsóknarkrataflokk eins og VG þegar nóg er af þessháttar undanrennusamtökum fyrir. Hinsvegar fýsir ýmsa að stofna sem fyrst sósíalískan stjórnmálaflokk án Steingríms, Álfheiðar og Svavarsfjölskyldunnar, brúrtíka þeirra og dekurdýra. 

Og meðan ég man: Hvers á Árni Þór Sigurðsson að gjalda að vera ekki nefndur á nafn sem eftirmaður Steingríms? Því fyrir utan að hafa gengt starfi yfirbúrtíkur í flokkseigendasöfnuðinum með miklum sóma um árabil er hann eins blessunarlega náttúrulaus á hinum pólitíska akri og hugsast getur, laus við allar vinstri villur sem og annað sem verið getur formanni VG til trafala.

Talið er að formannsslagur í VG sé hafinn