Barátta stjörnusýslumannsins við þrjóta og þorpara ber árangur

Þeir halda það, þorpararnir, að þeir geti leyft sér hvað sem í umdæmi sjálfs stjörnusýslumannsins Stones í Árnessýslu. En þar skjáltlast böluðum þrjótunum illilega, því stjörnusýslumaðurinn Stones er með haukfrán augu, mörg á hverjum fingri, og er ekkert uppá það kominn að gera gælur við ósvífna götustráka og annað hraksmánarlegt illþýði. Enda eru glæpir orðnir afar fátíðir í Árnessýslu nú orðið. 

Ef ég þekki stjörnusýslumanninn rétt, þá hefur hann hýtt dópgöltinn, sem ók á 136 kílómetra hraða, vel og vandlega með eigin hendi, ekki síst fyrir það forkastanlega framferði að reyna að fela sig bak við öskutunnu við hliðina á samkomuhúsinu á Eyrabakka. En svona eiga yfirvöld náttúrulega að láta höndur standa fram úr ermum og refsa afbrotajúðum svikalaust.

Mikið væri óskandi, að ríkisstjórnin hefði vit á að gera stjörnusýslumanninn Stones að dómsmálaráðherra. Sá væri nú ekki lengi að uppræta hrunaglæpalýðinn og koma honum inn fyrir rimlana

Á ofsahraða undir áhrifum fíkniefna

Stórkostlegt þjóðfélagslegt vandamál

Ekki er að sjá að hinir ,,þrír nýju þingmenn" sem sagt er að taki sæti á Alþingi eftir helgina, eigi meira erindi á þing en þeir sem hurfu af vettvangi fyrir helgina. Það er ljóst að Sjálfstæðisflokkurinn er gjörónýtur niður í rót og á varamannabekknum húka samskonar spillingarpésar og þeir sem fengið hafa að sprikla í aðalliðinu.

Raunar er Sjálfstæðisflokkurinn meir en gjörónýtur; hann er stórkostlegt þjófélagslegt vandamál, sem nauðsynlegt er að taka til einhverskonar gjaldþrotameðferðar. Þegar fólk fær krabbamein er reynt að nema meinsemdina burt með skurðaðgerð, sem fylgt er eftir með lyfja- og geislameðferð. Á sama hátt og krabbameinsæxli eru meðhöndluð á þjóðin að hreinsa sig af þeirri lífshættulegu óværu sem Sjálfstæðisflokkurinn er.  

Þrír nýir þingmenn

FFF og ormaveika tíkin í Skotakoti

Engan þarf að undra að Flokksráðs- Formanna og Frambjóðendasamkoma (FFF) Sjálfstæðisflokksins skuli lýsa yfir eindregnum stuðningi við formanninn Bjarna Benediktsson. Það hefði heldur ekki komið á óvart þó FFF hefði lýst yfir jafn eindregnum stuðningi við Davíð Oddsson og Gjeir Haaarde. Og hefði verið borin upp stuðningsyfirlýsing á fundinum við Hanez okkar hérna Holmstone og ormaveiku tíkina í Skotakoti, hefði hún einnig verið samþykkt með eindregnu lófaklappi og húrrahrópum.

Í bókinni Atómstöðin, eftir Halldór Laxness, kemur félag eitt við sögu hvers nafn er skammstafað FFF, alveg eins og Flokksráðs- Formanna og Frambjóðendasamkoman, sem haldin var í Reykjanesbæ í morgun. FFF. Reyndar heitir stofnunin ,,FFF" í Atómstöðinni ekki Flokksráðs- Formanna- og Frambjóðendasamkoma, heldur FaktúruFölsunarFélagið, FFF. En á þessum tveimur FFF-fyrirbærum er aðeins örlítill stigsmunur en ekki eðlis.

Lýsa yfir stuðningi við Bjarna

Krafan á hendur sjálfstæðismönnum er ...

Flokkurinn minn, Flokkurinn minn. Ekki voru Torgerður Kattrín og félagar mikið að hugsa um orðspor Flokksins síns þegar græðgisvæðingin stóð sem hæst. Hinsvegar er þessum ræflum nokkur vorkun því græðgi og ójöfnuður eru tvær af helstu grunnstoðunum í eðli Flokksins, sem er langtum æðri Guði Almáttugum í vitundarlífi Torgerðar og annarra sjálfstæðishrossa; hann er einhverskonar ofurjólasveinn sem gefur börnum sínum gjafir í krafti eðlis síns. Ef þessi ofurjólasveinn geyspar golunni verður grátur og gnístran tanna í ríki græðgis- og ójafnaðarsinna, ekki síðri en gerist og gengur í heimkynnum fordæmdra í sjálfu Víti.

En það er ekki nóg að Torgerður segi af sér sem varaformaður Sjálfstæðisflokksins og taki sér leyfi frá þingstörfum ásamt Illuga Gunnarssyni. Krafan á hendu sjálfstæðismönnum er að þeir leggi Flokkinn sinn niður orðalaust, áður en hann verður bannaður með lögum eins og hver önnur illræðis- og glæpasamtök.

Skýrsla Rannsóknarnefndar Alþingis sannar svo um munar hvert eðli samtakanna, sem kenna sig við sjálfstæði, er. Skýrslan er einn alsherjar áfellisdómur yfir þessum illræmda flokki og í raun ákall um að hann verði fjarlægður af sviði íslenskra stjórnmála.

Þorgerður stígur til hliðar

Torgerður á fórnaraltarið og Flokkurinn fær englavængi

Það á ekki af Torgerði Kattrínu að ganga, kerlingartötrinu svorna. Ekki var skýrsla Rannsóknarnefndar Alþingis fyrr komin út en grimmir hælbítar voru sestir um heimili hennar með dólgslegu háreysti, fettum og brettum og létu sér ekki segjast fyrr en karl faðir hennar gekk út og talaði yfir hausamótunum á skrílnum eins og sannur fornmaður. Virtist skrílmennum einna líkast að þar færi Njáll bóndi Þorgeirsson að Bergþóshvoli endurborin og lögðu niður skott sín umyrðalaust og tóku fyrirhugaða njáls(torgerðar)brennu af dagskrá.

En Torgerður er ekki sloppin þó götuskríllinn sé á braut. Klukkan 9:30 á þessum fallega vormorgni ætlar æðsta ráð fræðimanna og farísea Sjálfstæðisflokksins að leggja Torgerði á píningarbekkinn og láta hana meðganga að Hrunið mikla sé henni einni að kenna. Að svo búnu verður hún lögð á fórnaraltarið, bannfærð og varpað útí ystu myrkur.

Það er sem sé trú sjálfstæðismanna að verði Torgerði fórnað á altari Flokksskrifstofunnar muni ránfugl Sjálfstæðisflokksins ganga í endurnýjun lífdaga og svífa í hæstu hæðir á englavængjum í stað gömlu fjaðralausu ránfuglsvængjanna.

En Sjálfstæðisflokkinn á að sjálfsögðu að leysa upp og banna með lögum. Í þeim efnum á ríksstjórnin og Alþingi dálítið verk að vinna  

Vilja að varaformaðurinn víki

Sjálfstæðisflokkinn á að banna með lögum

Eftir útkomu skýrslu Rannsóknarnefndar Alþingis hníga öll rök að því að nauðsynlegt sé að banna Sjálfstæðisflokkinn með lögum. Það ætti öllum að vera ljóst, að það voru hottinteglar Sjálfstæðisflokksins í stjónmála- fjármála- og atvinnulífi, sem ollu Hruninu mikla með hroðalegri starfsemi sinni. Í tilfelli Sjálfstæðisflokksins er ekki nóg að einn eða tveir einstaklingar taki sér leyfi frá þingstörfum meðan mesta rykið er að setjast; allur Flokkurinn verður að fara á sorphaug sögunnar og dvelja þar til eilífðar, slíkir eru glæpir hans gegn landi og þjóð.

Einnig er borðliggjandi, að hækjur Sjálfstæðisflokksins síðastliðna tvo áratugi, Framsókn og Samfylking, verða að hreinsa ærlega til á heimilum sínum, en þau urðu að algjörum spillingarbælum á frjálshyggjutímanum.

En Sjálfstæðisflokkinn verður að leysa upp og banna eins og gert hefur verið við öfgahægriflokka erlendis. Í þeim efnum ættu engar málamiðlanir að koma til greina. 

Illugi færði fram sterk rök

Þvílík endemis þvæla í eigninni

Það er raunarlegur misskilningur, ef ekki vísvitandi lýgi, hjá Sóleyju Tomm þegar hún heldur því fram, að sveitarstjórnarkosningarnar í vor verði uppgjör við frjálshyggjuna. Að minnsta kosti er ekki að sjá, að VG ætli að gera upp við frjálshyggjuna, hvað þá kveða hana niður, ef tekið er tillit til oddvita flokksins í stærstu bæjarfélögum landsins, en umræddir oddvitar eru allir sem einn fyrst og fremst fulltrúar hægri aflana í VG, Svavarsarmsins alræmda. Enda lagði Svavrsarmurinn mikla áherslu á að koma ,,sínu fólki" í fyrsta sæti þessara lista. Þá er og vitað að hægra liðið í VG smitaðist sumt hvert af frjálshyggjusýkinni meðan góðæristrallið stóð sem hæst og má í því sambandi benda á að höfuðpaurinn sjálfur, Svavar Gestsson, tók við sendiherraembætti úr krumlunum á Davíð Oddssyni og Halldóri Ásgrímssyni á velmektardögum frjálshyggjunnar. Þá er ekki úr vegi að minnast þess, að einvalalið Svavarselítunnar hefur setið í ríkisstjórn í rúmt ár án þess svo mikið sem að blása á margnefnda frjálshyggju, einmitt þessa sömu frjálshyggju sem Sóley Tomm fílí-romm-bomm-bomm segir að eigi að gera upp við í sveitarstjórnarkosningum. Ja, þvílík endemis þvæla í eigninni!

VG í uppgjöri við frjálshyggju

Þegar Arinbjörn matsveinn pissaði í súpuna

Það er öllum sem til þekktu enn í fersku minni þegar Arinbjörn matsveinn á mótorbátnum Molduxa var staðinn að því að pissa í súpuna, sem hann hugðist bera á borð fyrir áhöfnina. Þegar Þorgarður skipstjóri Þorgarðsson spurði Arninbjörn útí fyrrnefnda matreiðsluaðferð, belgdi Arinbjörn sig út og sagði Þorgarði að hafa sig hægan þegar alvarlegar ávirðingar væru bornar á fólk; það væri nefnilega helvítis lygi að hann hefði mígið í súpuna. En þar sem Þorgarður Þorgarðsson skipstjóri var og er þeirrar gerðar að sitja ekki aðgerðarlaus þegar smámenni setja sig á háan hest í hans návist, þá læsti hann hrömmum sínum í matsveininn Arinbjörn, bar hann út á dekk og kjöldró hann þrjár reisur áður en hann leysti niður um kauða og flengdi hann á bert rassgatið, en aðrir úr áhöfnini stóðu álengdar og horfðu með velþóknun á afgreiðsluna.

Þessa litlu dæmisögu, sem er að vísu dagsönn, ætti Steingrímur J. að hafa að leiðarljósi í hvert skipti sem hann lendir í skylmingum við hortuga auðvaldsstubba, sem hafa pissað í þjóðarsúpuna.  

Biður Steingrím að gæta orða sinna

Skelfileg firra

Það væri þokkalegur andskoti ef fjárlaganefnd Alþingis færi að hlaupa eftir athyglissýkisdyntunum í þessum ekkesens Kristjáni (LÍÚ)Kór Júlíussyni og halda fund um mál sem Kristján þessi hefur ekki hundsvit á og fær aldrei hundsvit á, hversu margir fundir væru haldnir fyrir hann um málið.

Það þykir sannað mál, að Kristján Þór (LÍÚ)Kór Júlíusson sé einhver mesti rati sem villst hefur inní sali Alþingis, og er þá Einar Kr. Gvöðfinnsson ekki undan skilin. Frægt varð þegar Krisján þessi læsti sig inni á klósetti í alþingishúsinu, sem ætlað er alþingiskonum eingöngu, og komst ekki út þaðan aftur af því að hann kunni ekki að snúa læsingunni í rétta átt, auk þess sem hann hélt að hurðin opnaðist út en ekki inn, þannig að honum voru allar bjargir bannaðar. Svo varð hann að sofa þarna á salerninu um nóttina. Morguninn eftir, þegar þingvörðurinn opnaði klósettið og sá karlugluna sofandi á gólfinu, sagði hann stundarhátt við sjálfan sig: - Nújá, svo hann er einn af þeim!

Fjárlaganefnd fundi um AGS

Gamla konan sem dó

Þessi yfirlýsing Hreyfingarinnar minnir mig einna helst á upphaf ljóðsins um ,,Gömlu konuna sem dó." en það hljóðar svo:

Gamla konan sem dó,

hún pissaði á vegginn

og veggurinn hló.

Gamla konan sem dó.

 

Undrast dagskrá Alþingis