Stórlygar herra Gallúps Gissurarsonar frá Valhöll

Ekki þarf mikin speking til að sjá að þessi skoðanakönnun er hreinræktaður tilbúningur og þvættingur frá upphafi til enda. Hver á til dæmis að trúa því að einungis 12-14% landsmanna séu ánægðir með störf frú Álfheiðar Ingadóttur heilbriggðismálaráðherra? Mín tilfinning, og fjölmargra annarra, er á þá leið, að ánægjan og gleðin með frú Álfheiði losi rúm 90%, alls ekki minna. Þá er ekki síður fáránlegt að halda því fram að einhverjar landeyður, sem dubbaðar voru upp til ráðherra fyrir leiðan miskilning, njóti sérstakra visnsælda hjá kjósendum; 50-65% séu ánægðir með ,,störf" þeirra!

Nei, herra Gallúp Gissurarson frá Valhöll, þú skalt gjöra svo vel að ljúga einhverju sem trúlegra er, næst þegar þú opnar trantinn á þér. 

Flestir ánægðir með störf Rögnu

Það fór sem mig grunaði

Ójá, piltar mínir; það fór sem mig grunaði. Um leið og frú Álfheiður Ingadóttir heilbriggðisráðherra tók upp stólpípurnar, samkæmt tillögu minni þar að lútandi, komu ungskottarnir hlaupandi eins og kiðlingar að sáttaborðinu, tilbúnir að semja um hvað sem er, eins og Svavar Sendiherra og Indriði stórsósíalist þegar þeir settust að Icesave-borðinu með Bretum og Niðurlendingum, sællar minningar.

Mér er sagt að heilsubótarfólkið af cócópuffskynslóðinni hafi hrosið hugur við að leggjast á fjóra fætur til að meðtaka úrræði frú Álfheiðar og sé nú reiðubúið að vinna allt að tuttugu og fjórar klukkustundir á sólarhring á Landspítalanum, vilji eiginlega ekki heyra talað um skemmri vinnutíma úr því sem komið er.

Bjartsýnni á lausn læknadeilu

Græðgissjúkdóm unglækna er auðvelt að uppræta

Í þeirri alvarlegu deilu sem upp er komin milli lækna á Landspítalanum, einkum unglækna svo kallaðra, og annarra þegna landsins, er brýnt að gripið verði til afgerandi aðgerða sem duga til lausnar vandamálsins.

Besta ráðið í stöðunni er tvímælalaust að smala unglæknunum saman og setja þeim stólpípu svo um munar. Einnig á að gefa þeim inn blöndu af sápulög og glussa til að mýkja upp mótþróakleprana í belgnum á þeim.

Fólk sem alið er upp á cócópuffsi og hamborgarasósu og í þokkabót menntað til læknisstarfa á kostnað stritandi alþýðu, verður að læra hvað til þess friðar heyrir og gera sér grein fyrir að það er haldið alvarlegum græðgissjúkdómi sem verður að lækna, svo það verði ekki heilsulausir aumingjar til frambúðar. 

Það er náttúrulega til háborinnar skammar, að krakkaskrattar, sem varla eru komin á skottulækningastigið, þrátt fyrir nokkurra ára háskóladund í lækningafræði samfara cócópuffsáti og bjórdrykkju, skuli setja upp stertinn framaní sjúklinga og neita að hjúkra þeim nema fyrir bankastjóralaun. Það er varla við því að búast að það geti orðið fólk úr slíkum gerpum fyrr enn búið er herða þau til alvöru lífsins með stólpípum, laxarerolíu og fleiri meðölum, sem hafa um langan aldur sannað að virka vel í baráttunni gegn græðgi og annarri ódöngun, sem nútímabörn hafa áunnið sér á stuttri ævi í umhverfi upplogins góðæris.

Þreifingar í gangi í læknadeilu

Dónaskapur á heimsmælikvarða

Fram að þessu hefur mér skilist að Ferðafélag Íslands væri stórhuga félagsskapur og vandur að virðingu sinni í hvívetna. Nú bregður svo við að þetta vinsæla félag sviptir af sér sauðargærunni og eftir stendur svikull melrakki með kainsglott á vör.

Ferðafélag Íslands ætlar sem sé að hafa skemmtilega skoðunarferð að eldstöðvunum á Fimmvörðuhálsi á morgun og ber fyrir sig frekar slæma veðurspá! Hafið þið, lesendur góðir, heyrt af öðrum eins dónaskap og skepnusakap? Ég er hræddur um ekki. En svo hefur aumingjaskapurinn breiðst útum þjóðfélagið á síðustu árum, að ekki einusinni Ferðafélag Íslands er undanþegið vesaldómnum. Er þá fokið í flest, ef ekki öll, skjól. 

Úr þessu er ekki nema dagaspurmál hvenær landið sekkur alveg. 

Aflýsa ferðum á morgun

Rammi Sódi

Á meðan rokkarar kyrjuðu sinn klakametal vestur á Ísafirði, lenti Kolbeinn okkar Kolbeinsson í einhverjum verstu hremmingum lífs síns fram að þessu í Reykjavík.

Þannig háttaði til, að á föstudaginn langa buðu frú Ingveldur og Kolbeinn tveimur alræmdum frjálshyggjumönnum heim til sín í hádegisverð. Á borðum var nýsoðinn blómur ásamt mörgum tegundum áfengis. Tóku frjálshyggjumennirnir hraustlega til matar síns, einkum eftir að frú Ingveldur lýsti því yfir að blómurinn væri verkaður úr fáeinum kommúnistum sem Kolbeinn bóndi hennar hefði jagað fyrir nokkrum dögum. Gerðu frjálshyggjumennirnir góðan róm að spaugsemi frú Ingveldar og gröðguðu í sig blómurnum og skoluðu niður með koníaki og rommi. Að hádegisverði loknum þökkuðu frjálshyggjumennirnir fyrir sig með því að fletta frú Ingveldi og Kolbein klæðum.

Þegar gestirnir töldu sig hafa leikið gestgjafa sína nægilega grátt, kvöddu þeir með virktum og sögðu Kolbeini Kolbeinssyni að skilnaði, að nú hefði hann loksins komist að því hver Rammi Sódi væri. Því miður varð Kolbeini engin huggun að kveðjuorðum gestanna því hann hefur grátið látlaust síðan, þrátt fyrir að frú Ingveldur hafi lagt kalda bakstra að botninum á honum á teggja tíma fresti.

Rokkhátíðin aldrei verið stærri

Hverjir eru að framkvæma uppgjörið og reikningsskilin?

Það er hverju orði sannara hjá herra Karli byskubi, að þessa dagana standi yfir tími uppgjörs og reikningsskila, reynslutími fyrir Íslendinga sem þjóð. Hinsvegar er langt í frá útséð hvort þjóðin muni standast prófraunina sem hún stendur frammi fyrir eða falli með skömm. Því miður er eitt og annað sem bendir til að sú stétt manna, sem leiddi þjóðina fram af hengifluginu, starfi nú um stundir af miklum eldmóði við að framkvæma uppgjörið og reikningsskilin sem herra Karl gerði að umræðuefni í páskamessu sinni. 

Síðastliðið vor reyndi almenningur á Íslandi að gera það sem í hennar valdi stóð til að með því að víkja sekustu gerendunum að hruninu til hliðar í Alþingiskosningum. Eftir kosningarnar tók ,,hreinræktuð" vinstristjórn við völdum og var það ætlun manna í upphafi að hún léti sverfa til stáls gegn óaldarlýðnum sem hafði svo gott sem sökkt landinu. Reyndar er kenningin um ,,hreinræktuðu vinstristjórnina" afar athyglisverð og kómísk. Hvernig stærðfræðiglöggir menn hafa komist að því að hægriflokkur (Samfylkingin) plús útvatnaður vinstrikrataflokkur (VG) geti orðið að ,,hreinrækaðri vinstristjórn" er í besta falli hlægilegt; slíkar reikningskúnstir hafa tæplega sést hér á landi síðan Sölvi Helgason reiknaði hvíta tvíbura í þeldökka konu úti í Afríku forðum daga.

En hvað sem líður útreikningum geggjaðra stjórnmálafræðinga og álitsgjafa, þá er staðreyndin sú, að undir handarjaðri ,,hreinræktuðu vinstrstjórnarinnar, er gamla hrunaauðvaldið að endurreisa sig, svo sem glöggt má sjá á endureinkavæðingunni í bankakerfinu. 

Það er því óhætt að taka heilshugar undir með herra Karli, að nú standi yfir reynslutími fyrir Íslendinga sem þjóð. Ef þjóðin fer þannig að ráði sínu, að hún láti gjörspillt samtryggingarkerfi stjórnmálamanna og gráðugustu hagsmunaaðilana komast upp með að skola reikningsskilunum og uppgjörinu niður um klóakrör ómennskunnar, var til lítils barist með pottum og pönnum í fyrravetur.  

Menning hræðslu og tortryggni sækir á

Íhaldskerlingin og frjálshyggjubeyglan

Það hlýtur að vera verðug dægrastytting fyrir íhaldskerlinguna Álfheiði Ingadóttur, flokkseiganda, að standa í bréfaskriftum við uppþornaða frjáshyggjubeyglu eins og Steingrím Ara Arason. Sem betur fer þarf enginn að taka samskipti þeirra alvarlega og því síður að láta sér detta í hug að eitthvað itrænt sé þar á ferðinni. Bæði eru þau kerfisböðlar innan ramma sama auðvaldskerfisins; róa á sömu fúagaleiðunni úr sömu víkinni. Þessvegna skiptir engu máli þó þessi grey skiptist á bréfum í fúkyrðastíl.

Hinsvegar er nægileg ástæða borðliggjandi til að efna til alvöru byltingar gegn öllum þessum álfheiðum og steingrímum-örum með það að markmiði að rífa spillingarillgresi þeirra upp með rótum. Oft var þörf, en nú er nauðsyn.  

Ráðherra ætlar að áminna forstjóra

Villingarnir í Flónahreppi

Ekki er að sjá að hinir alræmdu villingar í Flónahreppi séu að baki dottnir í viðleitni sinni við að koma Urriðafossi kattarnef, þrátt fyrir að Umherfisráðuneytið hafi slegið á klærnar á þeim; gert þá afturreka með sín skuggalegu áform í þágu auðvalds og afturhalds.

Og nú ætla villingarnir í Flónahreppi að bæta um betur og höfa mál á höndur umhverfisráðherra, líkalega með það fyrir augum að koma hinni göfugu Swandeesy Svavars í tugthúsið fyrir að trufla þá við að sökkva landi. En flónahreppsnefndin gat svo sem sjálfri sér um kennt þar eð hún hafði tekið við einum 30 sifurpéééningum frá leppalúðunum í Landsvikjun til að standa straum af einhverjum djöflinum, sem þeir af sérstæðri kímnigáfu sinni kölluðu ,,skipulagsvinnu" og þar með fært umhverfisráðherranum í hendur tilefni til að sparka ærlega í rassgatið á þeim.

Fari svo að villingunum í Flónahreppi takist að sjóða saman kæru á Swandeesy, á hún ekki um annað að velja en að svara þeim um hæl með orðum mannsins sem hótað var með púðri og blýi: -Við hittumst á höggstokknum! 

Skipulag við Þjórsá auglýst aftur

Auðvelt fyrir Steingrím J. að skipta um ráðherra

Það ætti að vera auðvelt fyrir Steingrím J. að skipta um ráðherra VG í ríkisstjórninni. Hann á vitaskuld að vísa undirmálsráðherrum sínum, þeim Álfheiði Ingadóttur, Svandísi Svavarsdóttur og Katrínu Jakobsdóttur á dyr og taka í þeirra stað inní ríkisstjórnina þau Ögmund Jónasson, Guðfríði Lilju Grétarsdóttur og Lilju Mósesdóttur. Þar með væri komið fólk til starfa sem hefði í fullu tré við gamla gráa kattarláfujafninginn í Samfylkingunni.

Ekkert verið rætt um að víkja úr ráðherrastólum

Sem minnir á að nauðsynlegt er ...

Auðvitað er full þörf á að girða hraunið á Fimmörðuhálsi af til að varna óvitum frá að fara sér að voða. Sem minnir á að nauðsynlegt er að girða sjálfstæðis- og framsóknarmenn af innan mannheldrar girðingar uppá öræfum til þess að þeir geri ekkert af sér.

Hraunið verður afgirt