Þegar Jón L. skreið innum glugga einbýlishúss

Best gæti ég trúað að umræddur köttur á þakinu hafi verið á kvennafari ásamt húsbónda sínum. Sennilega hefur bölvuðu fressinu tekist að smjúga inn kátrar læðu þar í húsinu, en eigendur læðunnar komið að þegar hæst stóð í stönginni og fleygt blessuðu dýrinu út á þak.

En hvað um eiganda fressins hefur orðið má fjandinn vita. Annaðhvort hefur hann hrapað ofan af þakinu og farið í klessu bak við hús (ég veit ekki til að búið sé að leita að honum þar) eða hann hefur komist innum opinn glugga og farið að gamna sér með þeirri eða þeim sem þar voru fyrir. Annað eins hefur nú gerst.

Jón leðurböllur komst eitt sinn í krappan við svona aðstæður. Hann skreið innum glugga á stóru einbýlishúsi á höfuðborgarsvæðinu og lenti þar í klónum á harðskeyttum hjónum, sem voru með höfuð sín bókstaflega fleytifull af ógeðslegum hugsunum. Þarna var Jóni leðurbelli haldið í vægast sagt öfuguggalegri ánauð í hálfan mánuð. Þegar karlanginn slapp úr prísundinn og gat vafrað heim til sín, allur skakkur og skældur, höfðu hans nánustu talið hann af; héldu að nú hefði hann loksins farið sér blessunarlega að voða í annarlegu ástandi. 

Bílvelta og köttur í vanda

Viðurstyggilegt draugamor að Háleitisbraut 1.

Ég er að velta fyrir mér hvort þessir dönsku særingamenn geti ekki kveðið niður subbuleg stjórnmálasamtök eins og Sjálfstæðisflokkinn. Ef þeir treysta sér til slíkra verka er ekki eftir neinu að bíða með að fá þá hingað til lands og koma hinni alræmdu dónahreyfingu, Sjálfstæðisflokknum, fyrir á góðum stað eins og hverju öðru draugamori sem óþrifnaður stafar af. Það er ekki minnsti vafi á að íslensku þjóðinni stafar veruleg hætta af títtnefndum Sjálfstæðisflokki. Í skoðanakönnun, sem gerð var á dögunum, sögðust 33% þeirra sem afstöðu tóku vera reiðubúnir til að láta Sjálfstæðisflokkinn leggja landið í rúst eins ferðina enn.

Svo þarf af umhverfisástæðum að fara með jarðýtu á Framsóknarfjósið og jafna það við jörðu.

Nóg að gera hjá dönskum særingamönnum

Við verðum að skipta um þjóðskipulag - annað er óásættanlegt

Ekki kemur það á óvart, að þjóðin hafi litlar mætur og lítið traust á Alþjóðagjaldeyrissjónum og ESB. Þessi niðurstaða í könnum Capacent Gallup segir okkur líka að meirihluti þjóðarinnar hefur örgustu skömm á kapítalismanum, en sem kunnugt er, eru Alþjóðagjaldeyrissjóðurinn og ESB meðal gildustu stoða heimskapítalismans. Í ljósi þessa, ætti ríkisstjórnin auðvitað að afnema kapítalískt þjóðskipulag á Íslandi og taka þess í stað ákveðna stefnu í til sósíalisma í anda Karls Marx og Friðriks Engels.

Þegar búið verður að taka upp róttækan sósíalisma hér á landi getum við loks farið að halda því fram að við búum í siðuðu samfélagi þar sem sameign á framleiðslutækjum og auðlindum, ásmat jöfnuði, sitja í fyrirrúmi.

Treysta ekki AGS og ESB

Lilja Mósesdóttir er Snæfellingur eins og ég

Það kom vel fram í máli Lilju í Silfrinu hverskonar skítaselskapur Sjálfstæðisflokkurinn er. Þessi óhugnarlegu samtök virðast svífast einskis, ef sjónhverfingar þeirra kunna að slá ryki í augu almennings. Að er mjög nauðsynlegt að fólk fari að átta sig á af hvað kalíberi í óheiðarleik og stigamennsku Sjálfstæðisflokkurinn raunverulega er. Það er fyrir löngu mál til komið að Sjálfstæðisflokkurinn verði kveðinn niður í eitt skipti fyrir öll og þannig búið um hnútana að hann geti með engu móti gengið aftur; svo slæmur sem hann var í lifanda lífi þá má gera ráð fyrir honum enn verri sem afturgöngu.

Um Lilju Mósesdóttur er það að segja, að þar fer mjög vaxandi stjórnmálamaður, afburða vel greind, jarðbundin, sjálfstæð og heiðarleg, enda er hún Snæfellingur eins og ég.

Getur ekki samþykkt Icesave

Íslensku mafíósana á að vista í Tálknanum

Fyrst að lögregluyfirvöld í Napólí er svo gott sem búin að uppræta sjálfstæðisflokkinn Camorra, er lögregluyfirvöldum á Íslandi ekkert að vanbúnaði að láta til skarar skríða gegn okkar mafísamtökum. Það væri mjög freistandi að taka alla íslensku mafíósana fasta og vista þá, ásamt villtu sauðfé, í fjallinu Tálkna, milli Tálknafjarðar og Patreksfjarðar.

Tálkninn er afar vel í sveit settur sem geymsla fyrir forherta óbótamenn, því sjófarendur geta dundað sig við að skjóta á illþýðið í klettunum á meðan þeir sigla framhjá. Þannig myndu hinir íslensku Salvatorar, Pasqualar og Carmínar týna tölunni, öllum til ánægju, og bera beinin í grjóturðinni í fjörunni fyrir neðan hamrabeltin.

Mafíuforingjar handteknir

Í Napólí heitir Sjálfstæðisflokkurinn Camorra

Það er gleðilegt til að vita, að lögregluyfirvöld á Ítalíu séu ekkert að gera gælur við foringja sjálfstæðisflokksins Camorra í Napólí. Samkvæmt frétt mbl.is grip lögleglan sjálfstæðisforkólfinn Salvador Russó glóðvolgan í hænsnakofa þar sem hann var að elta hænurnar eins og blóðþyrstur minkur.

Mikill mannsbragur væri af, ef íslensk yfirvöld tækju nú loppurnar úr vösunum og létu til skarar skríða gegn sálufélögum Salvartore frá Napólí á Íslandi. Þeir gætu vel króað þessa þrekkjúða af við ýmsar geðugar aðstæður, t.d. í hesthúsum, oní lestum mikilla kvótajagta, undir grindum í fjárhúsum, svínastíum að ógleymdum hænsnakofum, fyrir utan hina og aðra ákjósanlega staði sem skammarkvikindin kunna að taka uppá að fela sig. Í þessum efnum mættu embættismennirnir taka svokallaða Tálknaaðferð til fyrimyndar, en þar er átt við leiftursókn vestfirska smala á hendur villifé í fjallinu Tálkna þar vestra. Sá verður þó munurinn, að engar síður verða opnaðar á Facebook til stuðnings Camorraflokksins íslenska eins og gert var til verndar hinum Tálknfirsku villisauðum.

Mafíuforingi handtekinn í Napólí

Óstýrilát kynlífslæti íslensks gítarleikara

Það hefur svo sem verið lengi vitað að Mick Jagger væri góður kvennamaður, enda með stórt hjarta og stóran munn. Þessi náttúrulegi eiginleiki listamannsins hefur fram til þessa verið talinn honum til tekna fram til þessa, þannig að kjaftavaðall ,,aðstoðarkonunnar" missir heldur en ekki marks. Og ansi er ég hræddur um að blessaðri dúfunni hafi þótt talsverð upphefð af því að fá að afgreiða giljagaurinn Mick þegar honum langaði í góðan skrans, mitt í önnum dagsins - eða í hverju hélt stelpugarmurinn að starf ,,aðstoðarkonu" Rolling Stones væri fólgið?

Og það þarf ekki Mick Jagger og Rolling Stones til að bráðgáfaðar og duglegar konur á besta aldri missi niðrum sig bæði pils og nærbuxur. Sá eðla tónsnillingur, Jón Glámur gítarleikari, rammíslenskur að ætt og uppruna, sogaði á sínum tíma, þegar frægð hans var mest, kvenfólk að sér eins og haugsuga. Ekki ein einasta kvensa milli tektar og tvítugs gat talist kona meðal kvenna ef hún hafði ekki átt í óstýrilátum kynlífslátum með gítarleikaranum geðþekka Jóni Glámi. Svo gerðist sá merki atburður, þegar Jón Glámur var nýorðinn 31. árs, að hann uppgötvaði að hann væri samkynhneigður og þar með var öll kvensemi af hans hálfu úr sögunni. En mikið andskoti grétu margar frómar stúlkur þegar gítarleikarinn mikli þaut fyrirvaralaust útúr skápnum með buxurnar á hælunum og úti var ævintýri. 

Hluti af starfinu að sofa hjá Jagger

Svo hörmulega absúrd, að engu er líkt

Það er þokkalegt afspurnar fyrir íslendinga, að 33% landsmanna séu reiðubúnir að kjósa Sjálfstæðisflokkinn, þ.e. kyssa kvalara sinn á mitt rassgatið með lafandi tungu. Ég þykist vita, að fólk í útlöndum tekur svona ónáttúru óstinnt upp, ferðast ekki til Íslands, fjárfestir ekki á Íslandi og vísar öllum íslendingum fyrirvaralaust útaf hótelum, gistiheimilum og leiguíbúðum á meðan ástandið er með þessum hætti í heilabúum þessarar forhertu þjóðar. Að 33% atkvæðisbærra manna þrái ekkert heitar en að langskuggalegustu samtök allrar íslandssögunnar komist til valda á ný eftir að hafa lagt þjóðfélagið í rúst, er svo hörmulega absúrd, að engu er líkt. Nær væri að 100% þjóðarinnar krefðust þess að starfsemi Sjálfstæðisflokksins verði bönnuð með lögum um aldur og ævi,frá eilífð til eilífðar.

En svona meðal annarra orða: Hvað ætli sé í heilabúum þessara 33%? -Ekki er það heili, svo mikið er víst.

Fylgi Sjálfstæðisflokks eykst

Þeim mun hefnast fyrir háðungina

Helvítis náhundar eru þessir bölvaðir danir alltaf í garð okkar íslendinga. Er virkilega ekki nóg fyrir þá að horfa uppá íslensku þjóðina liggja spriklandi í forarsvaðinu, eftir frjálshyggjuleg bolabrögð Sjálfstæðisflokksins, svo þeir þeir fari nú ekki að bæta um betur og núa salti í sárin með því að veðlauna decodekónginn Kára Stefánssons fyrir eitthvað sem þeir af kalhæðni sinni kalla ,,framúrskarandi árangur!" Þessi makalausu verðlaun ku vera kennd við löngudauðan auðvaldsbelg, Anders Jahre að nafni, sem græddist fé á skefjalausu arðráni af vinnu fátækra verkamanna. Ja, geðslegt atarna, eða hitt þá heldur! 

Þetta axarskaft danskra spaugara verður geymt en ekki gleymt. Sá dagur kemur að þessum þorpurum hefnist fyrir skítaskapinn og það harkarlega. Gömlum nýlendukúgurum ferst ekki að gera grín að fyrrum undirsátum danakonungs með því að veita þeim verðlau í háðungarskyni.

Kári fær verðlaun fyrir rannsóknir í læknavísindum

Mannúðleg skothríð með hljóðdeyfi

Óhætt er að segja að rjúpnaveiðitímabilið byrji vel og gefi undra fögur fyrirheit um það sem koma skal. Rjúpanskytta dagsins er þó ekki karlanginn sem björgunarsveitirnar voru að hefja leit að þegar hann skilaði sér heldur náunginn sem var að skjóta á fugla í sumarbústaðabyggð væddur miklu skotvopni með hljóðdeyfi. Nú mála sannast að byssur með hljóðdeyfi eru einkum brúkaðar af launmorðingjum sem stunda iðju sína í þéttbýli. Það hlýtur að vera feykna skemmtilegt og gefandi að freta á rjúpur og skógarþresti með góðri byssu með hljóðdeyfi og hinir fuglarnir verða ekkert varir við þegar félagar þeira velta steindauðir á hliðina. Að mínu mati er svona hljódeyfisskytterí mun mannúðlegra en þessi venjulega skothríð með drunum og eldglæringum, ekki síst gagnvart hjarveikum fuglum.

Rjúpnaskyttuleit á fyrsta degi