Altaristafla grandaði sóknarpresti

Ekki eru allir svo heppnir að fá sjálfann guðdóminn í hausinn þegar þeir eru að biðjast fyrir. Ég man í fljótu bragði ekki eftir nema einum manni sem hlotnast hefur þessháttar náð á Íslandi. Það gerðist við messu í lok prestskapartíðar séra Atgeirs p. Fjallabaksen, að þung altaristafla, með mynd af því þegar Jesús, í líki eldstólpa, birtist Páli postula á leið hans til Damaskus, slitnaði niður af veggnum fyrir ofan altarið og féll í höfuðið á sóknarprestinum og dauðrotaði hann. Við krufningu kom í ljós, að séra Atgeir hafði farið samstundis á vit feðra sinna í hymmnaríkisrann þega altaristaflan klauf á honum höfuðskelina. Almælt var að Drottinn sjálfur í eigin persónu hafi tekið til sinna ráða þegar auðmjúkur þjónn hans, séra Atgeir p. Fjallabaksen, fór að þvaðra um hluti í messu sinni sem komu honum ekkert við, en Atgeir heitinn var aldraður maður þegar altaristaflan féll á hann og grunaður um elliglöp þegar þar var komið sögu. Talið er að Drottin hafi með útspili sínu viljað forða því að Atgeir missti af hymmnaríkisvist útaf óviðurkvæmilegu öldrunargaspri, en það hefði óhjákvæmilega gerst ef hann hefði fengið að halda áfram að vaða elginn.  

Létust er bænaturn hrundi

Athugasemdir

[Hörður Einarsson, 19.2.2010 kl. 22:20]

Mættu allir turnar þeirra hrynja.

[Jón Snæbjörnsson, 19.2.2010 kl. 22:23]

þú ert varasamur Jóhannes

[Jóhannes Ragnarsson, 19.2.2010 kl. 22:51]

Varasamur? ... ekki snaraði ég altaristöflunni í höfuðið á Atgeiri sáluga.

[Sveinn Elías Hansson, 19.2.2010 kl. 22:59]

Segir ekki einhversstaðar í guðsdýrðarsöng.

'a Sandi byggði heimskur maður hús.

Turninn féll vegna mikilla rigninga, en ég skil ekki hvað textaskáldið hefur haft á móti Söndurum!

[Jóhannes Ragnarsson, 19.2.2010 kl. 23:14]

Nú, sá sem orkti sálminn ,,Á Sandi byggði heimskur maður hús" var góður og gegn Ólsari. Hér fyrrum rauluðu allar kellíngar í Ólafsvík þennan sálm meðan þær voru að vaska upp eftir hádegismatinn. Og enn þann dag í dag halda nokkrar átthagasinnaðar húsmæður hér á staðnum þessum góða sið á lofti; sumar þeirra hafa meira að segja aukið við og syngja hástöfum yfir börnum sínum: ,,Á Hellissandi byggði heimskur maður hús."