Verða hengdir í sínum eigin gálga

Ég fæ ekki betur séð en stjórnmálaelítan á Íslandi, þessar lágkúrulegu sálir og auðvaldssorpþrær, séu með hrottalegum árásum sínum á heilbrigðisstofnanir landsbyggðarinnar, séu með athöfnum sínum að reisa hann gálga sem hún verður sjálf hengd í í fyllingu tímans.

Að ráðast á sambýli þroskahamlaðara einstaklinga minnir óeitanlega á hugarfar hreppsnefndar Sviðinsvíkur, þegar hún af góðsemi sinni og umhyggju fyrir skattpeningum úr vösum Péturs þríhross og betri bænda, komu Hólsbúðar-Dísu fyrir í kró í beituskúrnum hans Jóns morðingja í staðinn fyrir að senda hana suður til lækninga.

Það getur vel verið að íhaldsframsóknarkrötunum, Jóhönnu Sig., Steingrími J., Gutta skátahöfðingja á Skaganum, Bjarna Ben og Sigmundi Daví Kögunnar, þyki einstaklega aðkallandi að vernda viðkvæma skattgreiðendur á borð við Þorstein Má, Granda og Vífilfell gegn lasburða landsbyggðarfólki, öldungum og þroskahömluðu fólki.

Það verður hátíð í ríki réttlátra með rauðum fána að húni og Nallanum þegar ófétin dingla í sínu eigin tréverki.

Hættu við eftir mótmæli

Athugasemdir

[Hamarinn, 9.10.2010 kl. 17:27]

Álfheiður Ingadóttir er væntanlega höfundur að þessu, enda flúinn.

Hún er yfirlýstur svíningur þar til hún hefur komið því til leiðar að þetta verði dregið til baka oh hún beðist afsökunar opinberlega.

Þetta lýsir hennar innri manni best.

[Hamarinn, 9.10.2010 kl. 17:35]

Svíðingur átti það að vera.

[Jóhannes Ragnarsson, 9.10.2010 kl. 18:57]

Ég er eindregið þeirrar skoðunnar að frú Álfheiður Ingadóttir, flokkseigandi, innheimstulögmannsfrú og fiskeldisdrottning sé bæði svíningur og svíðingur.

[Anna Dóra Gunnarsdóttir, 10.10.2010 kl. 02:33]

Orð að sönnu.