Kærkomið tækifæri til að tala digurbarkalega og leika stórkallsfígúru

Sá held ég verji nokkurn skapaðan hlut með kjafti og klóm, utan höfuðórana um að selja sjálfstæði og fullveldi Íslands í hendur frjálshyggjukapítalistunum í Brussel, blessaður pólitíski ógæfumaðurinn hann Össur Skarphéðinsson. Afturámóti sér Össuri ræflillinn eflaust kærkomið tækifæri, í viðskiptum Birgittu við heimsvaldasinna Bandaríkjanna, til að stökkva fram á fjölmiðlavöllinn og tala digurbarkalega og leika stórkallsfígúru í auðvirðilegri smæð sinni.

Hvenær ætla Össur Skarphéðinsso og Jóhanna Sigurðardóttir að hundskast til að segja af sér ráðherradómi og þingmennsku ? Þau voru ráðherrar í langinnsta hring hinnar illræmdu hrunstjórnar Gjeirs Haaarde og tóku fullan þátt í að teygja lopann með glæpsamlegu aðgerðarleysi sem endaði með hámarkstjóni. Að þessi þokkahjú séu enn ráðherrar, já meira að segja í valdamestu ráðuneytunum, sýnir betur en allt annað siðleysi þeirra og flokksins sem gerir þau út.

Össur: Birgitta varin með kjafti og klóm

Athugasemdir

[Sigurður Haraldsson, 8.1.2011 kl. 19:29]

Hjartanlega samála þér. Nú er það okkar að koma þeim frá hið bráðasta!

[Jón Ingi Cæsarsson, 8.1.2011 kl. 21:41]

Það eru alltaf jafn málefnaleg og skynsamleg hjá þér bloggin Jóhannes.

[Jóhannes Ragnarsson, 8.1.2011 kl. 22:04]

Þú verður að eiga það við sjálfann þig og þína samvisku, Jón Ingi, hvort þér finnst eðlilegt og siðferðilega verjandi að Jóhanna og Össur séu enn ráðherrar og alþingismenn.