Hvað hafa margir verið skráðir gegn vilja sínum í Sjálfstæðisflokkinn ?

Fyrst blessað helsta málgagn Sjáfstæðisflokksins sér ástæðu til að býsnast yfir að einhverjir telji að þeir hafi verið skráðir á undirskriftarlista www.orkulindir.is gegn vilja þeirra, er full ástæða til að fá greinargóðar upplýsingar um hve margir hafa verið skráðir í Sjálfstæðisflokkinn í gegnum tíðina án vitundar viðkomandi.

Mér segir svo hugur að þúsundir einstaklinga hafi orðið fyrir þeirri ógæfu að vera skráðir í fyrrnefndan Sjálfstæðisflokk án þess að hafa nokkurn tímann gefið leyfi til þeirrar skráningar. En Sjálfstæðisflokknum er ekki fisjað saman og þar á bæ eru menn ekki að rekast í smámunum eins og að fá bakþanka eða samviskubit yfir því að færa einhverja Jóna Jónssyni til bókar þó hvergi liggi fyrir samþykki þeirra við að gerast flokksbundnir í Flokknum. Ég veit heldur ekki til þess að nokkur karl eða kerling hafi komið nötrandi af bræði uppí Valhöllu við Háaleitisbraut og lúbarið Kjartan Gunnarsson framkvæmdastjóra (fyrrverandi) fyrir að hafa skráð hann eða hana í Flokkinn Góða.

Skráð gegn vilja sínum

Athugasemdir

[Ásthildur Cesil Þórðardóttir, 8.1.2011 kl. 10:02]

Ég veit um nokkuð marga unglinga sem var boðið á skemmtistað til að drekka bjór og þeir voru allir skráðir í Sjálfstæðisflokkinn án þeirra vitundar, ég sjálf hef fengið bréf, beiðni um að mála Valhöll og ýmislegt annað fróðlegt, hef aldrei skráð mig í þann flokk, svo einhversstaðar hefur það verið gert án míns samþykkis.

[Hörður Einarsson, 8.1.2011 kl. 22:41]

Það þurfti ekki að bjóða vini mínum á skemmtistað, en var samt skráður í Samfylkinguna gegn hans vilja.