Mesti búllsjíttari Íslands ætti frekar að funda um samninginn með Taðhausafélaginu

Sko minn kall, nú heimtar hann fund í nefnd Alþingis um kjarasamninga. Hvað ætli það eigi að fyrirstilla hjá kallrassinum? Ekki er það af umhyggju fyrir verkafólki, svo mikið er víst. En sönnum loddurum munar ekki um að bregða sér í allra kvikinda líki. Og maðurinn sem ber tignarheitið mesti búllsjíttari Íslands á ekki í vandræðum með að líta uppúr ástúðlegum atlotum við erkiauðvaldið og gerast verkalýðssinni með tár á hvarmi í nokkrar mínútur.

En auðvitað er það fáránlega smekklaust hjá búllsjíttaranum að ónáða nefnd Alþingis með loddaraskap af þessu tagi. Honum hefði verið nóg að funda um þessa kjarasamninga, sem honum er andskotans sama um, með vinum sínum í Taðhausafélaginu, þeim Álfheiði Inga, Sendiherranum, búrtíkunum Birni og Árna, Sóley Tomm Fílí Romm Bomm Bomm og Þorsteini Samherja. Svo geðsleg samkunda myndi fjalla um einn skitin kjarasamning af þessháttar mannviti og hugsjón sem þessum kjarasamningsbastarði sæmir.

Steingrímur óskar eftir fundi

Athugasemdir

[Anna Sigríður Guðmundsdóttir, 9.1.2014 kl. 22:09]

Það er líklega fínt að óska eftir fundi, herra Steingrímur Jóhann Sigfússon?

Ég veit ekki betur en að þú hafir verið mjög lengi í Vinstri Hreyfingunni Grænu Framboði?

Ég kaus VG í kosningunum árið 2009, vegna þess að ég er umhverfissinni (vel að merkja, innan marka fábjánalegra öfga/blekkinga/lyga). Og ég trúi á sanngirni og siðferðislega jöfnunar-hugsjóna-náttúruvernd, í sátt og samlyndi við náttúruna og samfélagið.

Ég veit ekki betur en að Einar Ólafson heitinn, frá Lambeyrum í Dalasýslu, hafi verið einn af styrku stoðunum í VG, og jafnvel frá upphafi? Hann kenndi mér (meðal margs annars) að sprey-brúsa-mengun dræpi fólk, vegna ósonlags-áhrifa! Hann Einar var alvöru og ekta umhverfis-hugsjónamaður!

Einar var ekki ættstór né ættararfs-ríkur, en þeim mun ríkari af viti, réttlætishugsjón, tryggð og verkamanns-reynslu. Stórbrotinn persónuleiki, og góður maður.

Og baráttumaður fyrir lífvænlegum launum fyrir vinnuframlag réttindalítilla þræla-verkamanna/kvenna. Hann var mannúðlegur, og ekki síst baráttumaður fyrir réttlátum launum fyrir heiðarlega vinnu, og réttlátri notkun á skattfé heiðarlega starfandi og skattpíndra verkamanna/kvenna á Íslandi.

Alveg frá því að hann Einar gat byrjað að vinna fyrir sér, mjög snemma á unglingsárum sínum, var réttlætið alla tíð hans hugsjón. Hann mætti að sjálfsögðu ekki alltaf skilningi, með sína stórhuga-hugsjón um réttlæti/mannréttindi. Einar hefði aldrei selt réttlætis-sannfæringu sína, til að komast á topp tíu-lista þrælahaldara stjórnsýslu-svikaranna.

Mér var sagt að þú, herra Steingrímur, hafir mætt í jarðarför hjartahlýja fyrrverandi tengdaföður míns, og lífsreynda kjarna-jafnaðar-verkamannsins Einars Ólafssonar? Og það meira að segja stuttu fyrir kosningarnar 2009?

Er ekki rétt að þú farir vestur í Dalasýslu, fyrir fundinn sem þú ert að biðja um, og heimsækir gröfina hans kæra Einars Ólafssonar, flokksbróður þíns, og biðjir hann fyrirgefningar á hvernig þú hefur svikið hann, og alla aðra, eftir að búið var að koma honum í gröfina?

Það skaðar ekki að horfa um öxl og biðjast fyrirgefningar á svikunum. Jafnvel þó að sá sem beðinn er fyrirgefningar sé ekki lengur meðal okkar á jörðinni, og hann hafi kannski ekki þótt nógu ekta-efni, fyrir þá sem eru gervi-efni í VG!

Blessuð sé minning Einars Ólafssonar frá nýbýlinu Lambeyrum, sem hann stofnaði og byggði upp, með þrotlausu og vanmetnu striti sínu, og sinna raunverulegu vina.

Skömm þín verður bara meiri og meiri, herra Steingrímur J. eftir því sem þú lítilsvirðir heiðarlegt fólk meir og meir. Getur þú aldrei stoppað vitleysu-framapotið þitt, og hugsað eitthvað pínulítið siðferðislega?

Sorgleg svikasaga herra Steingrímur, sem ég hef sagt frá hér!

Einar Ólafsson mun fyrirgefa þér, því hann var/er í raun hjartahlýr, ekta, hreinskiptinn og heiðarlegur jafnaðar-hugsjónamaður. Kannski var hann sá síðasti sem slíkur ekta-jafnaðarmaður á Íslandi?

Þakkaðu fyrir það sem hann Einar og fleiri hafa gert fyrir þig, herra Steingrímur J. og þitt ó-ekta-co.

Ekki mæta í jarðafarir Steingrímur Jóhann Sigfússon, ef þú ætlar að svíkja þann sem verið er að jarða, og alla hans nánustu vini, ættingja og stuðningsmenn.

Ég fer ekki fram á meira, herra Steingrímur.

Og vonandi er ég ekki of kröfuhörð, með þessum pistli, herra "háttvirtur" Steingrímur/VG.co.

Ég er ekki barnanna best og veit af því, þótt ég hafi stundum hátt.

Ég bið bara um virðingu við minningu Einars Ólafssonar, og ekta-hugsjóna-baráttu látins tryggs stofnfélaga-vinar VG, til dauðadags.

M.b.kv.

[Jóhannes Ragnarsson, 9.1.2014 kl. 22:54]

Takk fyrir pistilinn, Anna Sigríður.

En hræddur er ég um, að hinn óvandaði hrokagikkur og grobbhani, Steingrímur J. Sigfússon, verði nokkurna tíma svo mikill maður að biðja nokkurn mann afsökunar á svikum sínum og ómerkilegheitum. Steingrímur J. er nefnilega nákomnari Pétri Þríhrossi að frændsemi en flesta hafði grunað. Að hafa tekið þátt í að gera þetta óbermi að foringja vinstrisósíalista á Íslandi get ég ekki fyrirgefið mér. En sem betur fer var ég meðal þeirra fyrstu í VG sem sá í gegnum þennan skelfilega loddara og var fús til að viðurkenna það.

[Anna Sigríður Guðmundsdóttir, 10.1.2014 kl. 23:07]

Takk Jóhannes.

Ég þurfti bara svo virkilega að koma þessu inn í þessa forhertu og endalausu Steingríms-fellibragða-mælsku.

Það eiga nú vonandi flest allir rétt á, og möguleika á, að kíkja í baksýnis-spegilinn, og iðrast sinna villuflækju-verka. Það er vonandi að Steingrímur og fleiri á svipaðri siðferðis-villubraut sjái að sér, áður en grafirnar verða enn fleiri.

M.b.kv.