Nú ríður hérumbil lífið á að Bjarni Ben og Sigmundur verði staðfastir

Assgotans ári er Bjarni Ben alltaf eitthvað snakillur þegar minnst er á skattsvikaafrek íslenskra auðvaldspervertista; það er aungvu líkara en verið sé að stinga blessaðan drenginn með með 1000 nálum í gumpinn í hvert sinn er þetta málefni er borið upp við hann. En hvað ferðatöskurnar varðar, þá ósköp eðlilegt að borgað sé fyrir pénínga sem fluttir voru úr landi í ferðatöskum með ferðatöskuaurum.

Annars færi vel á greiða fyrir listann um glæpamennina með nokkrum tonnum af aflaheimildum, kvóta, sem seljendur upplýsinganna myndu síðan selja Samherja og Granda eða samherjum þeirra. Eða leigja kvótavana smábátasjóurum aflaheimildirnar fyrir morð fjár á hverju ári. Svo gætu Bjarni og hans lið borgað djöflunum sem komust yfir skrána um þjófnað auðvarldsververtistanna með sprútti, landa séníver og íslensku brennivíni, og allir væru sáttir.

Á heimili frú Ingveldar og Kolbeins Kolbeinssonar skrifstofustjóra og framsóknarmanns hefur um hríð verið nokkur órói og uggur vegna þessara upplýsinga. Kolbeini hefir meðal annars ítrekað dreymt hroðalega martraðardrauma um að hann og valinkunnir vinir hans væru lokaðir inni í stóru rimlabúri þar sem ljótir kallar kæmu inn á morgnana og kvöldin og misþyrmdu þeim, nauðguðu þeim og spörkuðu að skilnaði í aum rassgötin á þeim. Þetta ófremdarástand hefur að sjálfsögðu hvílt eins og kaldur skuggi eða margfalt hönnubirnumál á heimilishaldi hjónanna og helgarsamkvæmum þeirra, og Brynjar Vondalykt og Máría Borgargagn hafa tekið hroðaleg ölvunaræðisköst útaf þessu helvíti og hagað sér eins og örvita bestíur. Því ríður á, að Bjarni Ben og Sigmundur verði staðfastir gegn illgjörnum og péééníííngagráðugum uppljóstrurum og upplýsingasölum, svo gott fólk og gráðugt geti sofið i ró um nætur en hrökkvi ekki upp trekk í trekk æpandi og gólandi með rennblautann botninn.

Bjarni: Greiðum ekki með ferðatöskum af seðlum

Athugasemdir

[Anna Sigríður Guðmundsdóttir, 7.2.2015 kl. 22:29]

Það væri kannski réttast að borga fyrir óheiðarlega kúgunarveittar upplýsingarnar, með því að afhenda restina af risatogaranum Venus? Sá dallur hlýtur að hafa komið kvótalaus til baka úr Grænlandsferð sinni til fjár?

Mér hefur aldrei líkað við fjárkúganir, og þetta skattadæmi er engin undantekning í mínum huga.

Það lítur ekki út fyrir að Þýskalandi gangi mjög vel þessa dagana, þrátt fyrir að hafa víst bitið á agn fjárkúgara skattaskjólanna.

Ríkisskattstjóri er ekki til fyrir ekki neitt.

Það ætti að duga ríkisskattstofunni á erlendum vettvangi að vera með skattaheimild. Sú heimild Skattmanns og Tryggingarstofnunar-síamsbróðurins er alla vega mjög vel virkjuð, á kaupmáttarsvikna og bankarænda þegna þessa lands.

Vatíkans-Páfastrumparnir kunna að innheimta skatt af þrælum heimsins, starta og stýra styrjöldum, og hvítþvo ytra byrðis-klæðin sín, þótt þeir viti ekkert um sannleikann og kærleikann.

Orð og gjörðir hafa víst aldrei átt neitt sameiginlegt, af hálfu skattkúgandi Páfanna í Vatíkaninu heimsveldis-stjórnandi.

M.b.kv.

[Kolbrún Hilmars, 7.2.2015 kl. 23:38]

Ójá, þetta eru ljótir draumar, en okkur þykir væntanlega misleitt hverjir "njóta" þeirra, svona eftir eigin viðhorfi?

Hvernig byrjaði þetta annars með kvótann góða 1984! Bankarnir lánuðu þá þegar útgerðarmönnum svokölluð afurðalán - með fiskinn að veði. 
Það breyttist ekkert við kvótalögin, fyrst í stað. Fiskurinn var alltaf að hluta veðsettur bönkunum með afurðalánum - þangað til vinstri stjórnin (1991-1992) heimilaði útgerðarmönnum að selja kvótann sinn gestum og gangandi.

Spurning hvort drengirnir okkar þarna í forsætis og peningaráðuneytinu ættu ekki að byrja á upphafinu og rekja sig í réttri röð áfram að þessu skattaparadísarliði.
Eða er eitthvað vit í því að rekja sig afturábak og lenda trekk í trekk á frú Ingveldi og Kolbeini ektamaka?
 

[Anna Sigríður Guðmundsdóttir, 8.2.2015 kl. 00:03]

Kolbrún. Það skiptir máli hvort Markús Sigurbjörnsson dómstólalögga Íslands gefur meðbyr eða mótbyr, ef einhverjum hugnast að taka slaginn við mafíu-stýrða kvótabankana.

Hvað sýnist þér um nýskipaðan og ekki "kosinn" Stebba borgarstjóralöggu og Markús einræðiskóng Íslands? Ég myndi ekki ráða við þá ein og óstudd, og geri mér vel grein fyrir þeim vanmætti mínum.

En kannski finnast enn einhverjir með svo óbrotið sjálfstraust hér á landi þrátt fyrir allt sem á undan er gengið, til að taka einir og óstuddir, glímuna við banka-LÍÚ-grátkórinn kúgandi.

M.b.kv.

[Kolbrún Hilmars, 8.2.2015 kl. 01:14]

Anna Sigríður, ég get ómögulega talist marktæk því margt annað áhugaverðara fæst ég við dagsdaglega en að fylgjast með þessum mönnum sem þú nefnir. 
Markús hefur ekki fengið gott umtal frá fyrrverandi samstarfsmanni í bók og blaðagreinum, og einhvern tíma forðum heyrði ég að Stefán lögga stigi ekki í vitið - en það var auðvitað áður en hann forframaðist.
Svo með þessa LÍÚ goðsögn, hana þarf að upplýsa.  Fólk talar um útgerðarmenn í heild sem stórveldi - hugsanlega er þarna verið að eyrnamerkja skakkan kálf.

[Anna Sigríður Guðmundsdóttir, 9.2.2015 kl. 19:15]

Kolbrún. Já, útgerð er ekki það sama og útgerð. En þessum heiðarlegu og smáu er alltaf hrært útí "evru"-glæpa-risaútgerðarpottinn, og hafa víst aldrei fengið nokkra löglega og réttarhalda-varnar rönd við reist. Þar hefur réttindum þeirra víst alltaf verðið jafnað við jörðu, og ólöglega rændir, með óréttlátum dómum forstjóra hæstaréttar, Markúsar Sigurbjörnssonar.

Jón Steinar Gunnlaugsson hefur skrifað merkilega bók sem heitir, Í krafti sannfæringar, sem ætti að vera rannsóknarefni og skyldulesning á Íslandi.

 M.b.kv.