Það var líka sorg á Íslandi þegar evrukonan andaðist

Sú gamla í Austurríki var fjarri því að hefna sín á frændfólki sínu leiðinlegu og ljótu, þegar hún tók þá ákvörðun að rífa bölvaða péníngaseðlana í tætlur. Hin aldraða kempa var svarinn andstæðingur evrunnar og hafði nautn af að tæta pénínga af þeirri gerð í agnir á skipulegan hátt. Þá er talið fullvíst, að hún hafi verið framsóknarkvendi með nýíslensku framsóknarívafi, svona einhverskonar Vigdís Hauksdóttir miðevrópumanna. Nú er það svo, að framsóknarmennska telst til geðsjúkdóma, þannig að öldungskonan í Austurríki hefur vart verið sakhæf hefði komist upp um iðju hennar áður en hún dó.

Það er til marks um tengsl Framsóknarflokksins við burtsofnun hinnar 85 ára snúllu, þarna útí fyrrum veldi Frans heitins Jósefs I., að Máría Borgargagn söng austurríska þjóðsönginn í anddyri vinnustaðar síns ,daginn sem harmafregnin barst út hingað til Íslands, og sagði samstarfsfólki sínu, að söng loknum, að hún hefði brugðið útaf vana sínum og klætt sig í nærbuxur í tilefni nýuppkominnar sorgar. Því til sönnunar reif hún niðrum sig og sýndi viðstöddum að hún væri í kolsvartri brók.

Þegar vinnudegi var lokið hjá Borgargagninu, afréð hún að fara útá strætið og öskra þar eins og naut. Það kalla þeir ,,einlægan grát" í Framsóknarflokknum. Samstundis hópaðist að henni fjöldi manns, þar á meðal aðurnefnd Vigdís Hauksdóttir, og gekk þá hver maður undir annars hönd við að sefa sorg Máríu. Loks lagði þessi undarlegi söfnuður leið sína, í einni halarófu, á knæpuna Katalínu í Kópavogi og hóf þar öfluga félagsdrykkju á áfengi. Vertinn á Katalínu vissi, sem von var, ekki hvaðan á hann stóð veðrið, þegar hópur af syrgjandi framsóknarsnápum ruddist inn til hans og heimtaði brennivín, vodka og romm. En þegar Máría Borgargagn vippaði sér uppá vaskinn á karlasalerninu og mé, hringdi hann inná Klepp og bað þá í guðanna bænum að koma til sín í snarhasti og sækja sjúklinga, sem bersýnilega hefðu sloppið þaðan úr gæslu.

Tætti eina milljón evra

Athugasemdir

[Aztec, 11.11.2015 kl. 13:01]

Illar tungur segja, Jóhannes, að þú sért laumufélagi í Framsóknarflokknum, því að fylgi við flokkinn eykst alltaf þegar þú skrifar um hann. Á sama hátt og Vigdís Hauksdóttir verður sívinsælli af því að rugludallurinn Eiríkur Bergmann, sem veit nákvæmlega ekki neitt um ESB og evruna, rægir Vigdísi.

Fylgi flokksins í borginni rauk úr 0 í 2 fulltrúa á tveimur vikum, því að Sveinbjörg krafðist lýðræðislegra kosninga um hvort leyfa ætti andstæðingum lýðræðisins að byggja mosku, því að vinstraliðið, sem ekki þolir lýðræði, fór strax á stúfana og rægðu Sveinbjörgu. 

[Jóhannes Ragnarsson, 11.11.2015 kl. 17:46]

Það hljóta að vera óskemmtilega illgjarnar og heimskar tungur, sem vilja klína einhverjum framsóknaróþverra á mig. En sem betur fer er það ekki hægt, því ég er bólusettur fyrir lífstíð gegn framsóknarmennsku, sem og öðrum afbrigðum kapítalismans.

[Aztec, 13.11.2015 kl. 22:16]

Tja, ég hef þetta eftir ónefndum, en áreiðanlegum innanbúðar heimildum, sem ekki vilja láta nafns síns getið að óreyndu.

Ég hef það líka eftir sögusögnum uppsprottnum í reyklausum bakherbergjum og kvennaathvörfum, að það séu uppi raddir í þá átt að véla þig tilbaka í opinn og sóttheitan faðm Vinstri grænna. Flokkinn vantar sárlega spunameistara eins og þig.

[Jóhannes Ragnarsson, 14.11.2015 kl. 13:05]

Ósköp eru þessir heimildarmenn og aðrir þeim tengdir veruleikafirrtir. Ég á eiginlega ekki orð. Og þetta með Vinstri græna er svo órauhæft, að stappar nærri umturnan náttúruaflanna.