Í kvöld er sorg í Framsóknarfjósinu og krampaflog á Höfuðbólinu

Í kvöld ríkir sorg í Framsóknarfjósinu, þjóðarsorg. Tólf svartir fánar blakta yfir fjóshaugnum og innan dyra er ástandið enn svartara því gamla Framsóknarmaddaman, sem legðið hefir í kör sinni um hríð, fékk þvílíkt andskotans andarteppukast þegar Sigmundur Dávíð gekk útúr viðtalinu í Kastljósinu (sú gamla var nefnilega að horfa á þáttinn)að það drapst hér um bil á henni og hún valt framúr bælinu. Hún liggur nú við hliðina á fleti sínu meðvitundarlaus, milli heims og helju, örfáa millimetra frá því að skilja við. Búist er við að gamla konan hafi ekki nóttina af og verði dysjuð í fjóshaugnum fyrir næsta sólsetur að hætti múslima.

Og þó að framsóknarmenni liggi þessa stundina í losti útum allar þorpagrundir eins og hráviði þá er ástandið síst betra á Höfuðbólinu hjá sjálfstæðismönnum því það er að renna upp fyrir þeim að foringi þeirra og húsbóndi er svo gott sem fallinn og Guðlaugur Þór farinn að máta húsbóndasætið án þess nokkur hafi beðið hann um slíkt. Sjálfstæðismönnum óar nefnilega við tilhugsununni um að eiga máske að lúta Guðlaugi þessum.

Það er viðbúið að eftir kvöldið í kvöld verði búskapur Framsóknarmaddömunnar lagður af með lögum sem og Höfuðbólið og í framhaldi af því taki ríkið öll tómu frystihúsin á landinu og súrheysturnana eignarnámi og breyti þeim í hæli og endurhæfingarstöð fyrir úrbrædda stjórnmálaskrjóða. Á sumum vígstöðvum er talað um að ríkið eigi ekki að púkka neitt uppá elítur auðvaldsins umfram þá sjálfsögðu þjónustu við það fólk að reka það úr landi eins og hverja aðra flóttamenn sem hingað hafa borist frá ríkjum Múhámeðs. En við skulum sjá hvað setur.

Viðtalið við Sigmund - orðrétt

Athugasemdir

[Anna Sigríður Guðmundsdóttir, 3.4.2016 kl. 23:55]

Hersveitin í Frímúrarahöllinni "Hæstaréttu" og skattfrímúruðu hefur alla tíð kunnað þá list, að nota aðra, henda þeim svo, og kenna þeim síðan um allt sitt dómaragrugg.

Ekkert nýtt við svona aðferðir þeirra hvítflibbuðu, skattfrjálsu og Frímúruðu í Hæstaréttinum mannréttindabrjótandi.

Rannsóknarblaðamenn ýmissa ríkja blaðra því miður meira um flokka heldur en raunverulega dómsstólarót vandans.

Merkilegt áhugaleysi rannsóknarblaðamanna ýmissa ríkja, á Hæstarétti Íslands og Háskóla-co?

M.b.kv.

[Helga Kristjánsdóttir, 4.4.2016 kl. 01:32]

 Ojæja, þjóðaríþrótt Íslendinga baknagið nær sér á flug,að maður tali ekki um Kiljans limru;"Upp úr sápuvatni sannleikans þvær lygin sína ull;svo er nú það".. Kv. 

[Jóhannes Ragnarsson, 4.4.2016 kl. 10:25]

Það flokkast varla undir baknag að koma beint framan að fólki og taka það fyrir nesið af eðlilegum ástæðum. Það hefur nefnilega komist upp um strákinn Tuma og hann þarf nauðsynlega á hýðingu að halda.

Mér er óskiljanlegt af hverja Sigmundur Dávíð sagði ekki af sér sem ráðherra og þingmaður fyrir miðnætti í gærkvöldi. En máske verður hann búinn að því fyrir hádegi í dag.

[Aztec, 4.4.2016 kl. 21:00]

Ég myndi kjósa að Sigmundur myndi byrja á því að reka Bjarna Ben, Ólöfu Nordal og Gunnar Braga áður en hann velur eftirmann sinn í forsætið. Ég myndi mæla með Frosta Sigurjónssyni, sem virðist vera einn af fáum á Alþingi sem hefur eitthvað viturlegt að segja.

Það þurfa hins vegar ekki að boða til kosninga, þótt Píratarnir og hitt ESB-liðið heimtar það. Látum svo ríkisstjórnina með nýjan kall í brúnni klára kjörtímabilið og klára það sem vinstristjórnin klúðraði svo eftirminnilega.