Fræðigrein um það sem allir vita

Sú merka stétt, ,,stjórnmálafræðingar," eru iðulega dregnir af fjölmiðlum fram í dagsljósið til skrafs og útskýringa þegar einhver skita hrjáir sjórnmálin okkar. Ekki vantar að stjórnmálafræðingarnir séu ábúðarfullir og alvarlegir í framan og geri sér allt far um að láta eins og þeir mæli af munni fram sérlega frumlega speki og lærdóm sem öllum nema þeim sé hulin. Staðreyndin er hinsvegar, að nánast allt sem hinir langskólagengnu stjórnmálafræðingar hafa fram að færa eru atriði, sem hvert smábarn og þeir sem eldri eru, sáu í hendi sér og vissu uppá hár áður en grafalvarlegur og reigður stjórnmálafræðingurinn hóf að ausa úr fleytifullum viskubrunni sínum. Sannarlega ljót og leiðinleg kerling Staðreyndin. Einu skiptin, sem stjórnmálafræðingarnir opinbera eitthvað sem almenningur var ekki búin að koma auga á fyrir, er þegar þessir framúr hófi gáfuðu og hálærðu fræðingar blanda eigin stjórnmálaskoðunnum saman við jukkið svo úr veður tormeltur eiturjafningur. Vart þarf að taka fram að stjórnmálafræðingar eru fyrir það fyrsta allir heilaþvengnir af kapítalisma í grunninn og eru gjarna á mála hjá Íhaldinu eða Krataskitunum. Það eitt og sér segir allt sem segja þarf um stjónmálafræðina og stjórnmálafræðingana

Stefánía Óskarsdóttir stjórnmálafræðingur er sjálfstæðisflokkskona og þessvegna geðjast henni ekki að kosningum strax og ber fyrir sig að ,,þá gefist lítið færi á endurnýjun" í forystusveit stjórnmálaflokkanna. Hin raunverulega ástæða fyrir skoðun Stefáníu er auðvitað sú, að uppáhaldsflokkarnir hennar, Sjálfstæðisflokkur og Framsókn, eru vísir til að bíða algjört afhroð ef kosið væri strax, en einhverjar tálvonir hníga til að afroðið verði ekki eins hrottalegt ef kosið verður einhverntíma í haust eða næsta vor. Um endurnýjun forystusveitanna er það að segja, að í hverjum kosningum, síðasta aldarfjórðunginn eða svo, hefur endurnýjun orðið heilmikil og stundum gríðarleg, en því miður alltaf á verri veginn; þingmannahjörðinni hefir hrakað hratt með hverjum kosningum og er nú svo komið að sauðsvartur almúginn er farinn að líta niður á þessa hjörð og telur hana saman standa af blábjánum, slóttugum melrökkum og undanrennuhyski. Það er nú það   

Gefur lítið færi á endurnýjun

Athugasemdir

[Ásthildur Cesil Þórðardóttir, 10.4.2016 kl. 19:55]

Segir sig alveg sjálft.

[Aztec, 11.4.2016 kl. 01:07]

Það er rétt hjá þér að það sem Stefanía sagði gæti hver sem er getað sagt, með eða án menntunar, sem hefur bara fylgzt dálítið með fréttum og sem hefur einhvern áhuga á stjórnmálum.

Í dönskum dagblöðum verið gert hörkugrín að þessum álitsgjöfum. Danskir álitsgjafar sem eru fengnir til viðtals í DR eða TV2 skiptast í: Mediforskere, valgforskere, samfundsforskere (fjölmiðlagrúskara, kosningagrúskara, samfélagsgrúskara, o.s.frv.), allir eru þeir með annað hvort heilar eða hálfar háskólagráður, og enginn af þeim veit neitt meira um efnið sem þeir eiga að vera sérfræðingar í en bara einhver sem er tekinn inn frá götunni með hálfan eða heilan pela í rassvasanum.

Stjórnmálafræði eru ekki alvöru vísindi og þaðan af síður kynjafræði sem var færð inn í Stjórnmálafræðideild af öfgafemíníska rektornum Kristínu Ingólfsdóttur á sínum tíma.