Mannasiðapostuli og Þríhross kveður sér hljóðs á Alþingi Íslendinga

Það má vera að Jón þessi Gunnarsson alþingismaður sé óttalegur dóni og ruddamenni, það veit ég ekkert um, og þurfi ekki síður en allflestir landsmenn á mannasiðanámskeiði að halda. En það getur allt eins verið, þó svo að mér hafi ekki verið tilkynnt um það, að alþingismanður þessi sé ákaflega mjúkur maður, kurteis og háttvís og kunni öll mannasiðanámskeið heimsins uppa sína tíu fingur. Jón heldur að vísu mikið með stóriðju, miklum virkjunum, kvótagróssérum og ágengum fjáraflamönnum, en það er ekki vegna kunnáttuskorts á mannasiðum, það er bara viðhorf, svona svipað og að halda með KR eða kristilega félaginu Val í fótbolta.

Ekki hefi ég heldur frétt, að Steingrímur nokkur J. Sigfússon sé heimsmeistari í mannasiðum, né meistari í þeirri grein á landsvísu eða sveitarvísu. Hans viðskipti við fólk eru aðallega í því fólgin að nota það sjálfum sér til framdráttar. Þegar Jón Bjarnason, Guðfríður Lilja, Atli Gísla og Lilja Mós voru farin að vera honum til trafala magnaði hann seið gegn þeim með öllum þeim rógi og lygum sem þessháttar kræsingum heyra til. Þó höfðu fórnarlömbin ekki annað til sakar unnið en að svíða undan svikum flokksins, sem þau voru kjörnir þingmenn fyrir, og reyndu að andæfa yfirgangi og auðvaldsdekri Steingríms og hinna svikulu kratahólkanna. Þá voru mannasiðirnir ekki að flækjast fyrir Steingrími J. hans úrkynjuðu flokkseigendaelítu.

Víst er um það, að Steingrímur er gríðarlegur stórkall, en því miður af nákvæmlega sömu tegund og Pétur Pálsson Þríhross framkvæmdastjóri og eigandi Sviðinsvíkureignarinnar. Það skýtur dálítið skökku við, að Steingrímur skuli ekki hafa blásið til gjörningarhríðar gegn Svavari og Álfheiði Inga þegar þau vippuðu honum úr formannstóli VG mínútu fyrir kosningar 2013, eins og hann setti í gang gegn Jóni, Atla, Lilju, Ásmundi og Guðfríði Lilju, já, og Ögmundi. En í þeim leik má reikna Ögmundi það til tekna, að hann kunni þá mannasiði að svíkja sitt fólk og skríða eins og blauður hundur í skotið hjá Steingrími og Flokkseigendunum. 

„Þarft að fara á námskeið í mannasiðum“

Athugasemdir

[Aztec, 7.10.2016 kl. 15:42]

Það er auðvitað alkunnugt, að þetta var vel úthugsað kænskubragð hjá Ögmundi. Ég ætla ekki að kalla Steingrím valdasjúkan og svikulan eiginhagsmunasegg, en hvað varðar samskipti Steingríms við Ögmund, má segja að þar hafi fjandinn hitt ömmu sína.

Í árdaga vinstristjórnarinnar sveið Ögmundi það að hafa fengið heilbrigðisráðuneytið, sem honum fanns vera fyrir neðan sína virðingu, enda sinnti hann ekki heilbrigðismálunum. Þá sauð hann saman plott til að útvega sjálfum sér meiri völd og gerði það með því að yfirgefa ríkisstjórnina og ganga gegn forystunni. Plottið heppnaðist vonum framar með aðstoð strengjabrúðunnar Steingríms sem færði Ögmundi þriðja valdamesta ráðuneytið á silfurfati í skiptum fyrir, að Ögmundur myndi kyngja bæði ESB-aðildinni og Icesave svikasamningnum. Þannig stóð Ögmundur uppi sem sigurvegari, Steingrímur sat eftir sem skósveinn Ögmundar og þjóðin sat eftir í stórtjóni, allt þangað til allt það sem Steingrímur og Jóhanna höfðu bruggað saman, kolféll fyrir tilstilli góðra manna (og kvenna). Síðan var öllu hyskinu fleygt eins og hverju öðru fúaspreki á hina pólítísku öskuhauga, þaðan sem enginn á afturkvæmt. 

Pétur D.

[Jóhannes Ragnarsson, 7.10.2016 kl. 18:29]

Þetta er hvorki verri né betri söguskýring en hver önnur, Aztec, því að Ögmundur er ekki allur þar sem hann er séður. Að minnsta kosti valdi hann Álfheiði Inga, Steingrím og Svarsfjölskylduna þegar honum stóð til boða að velja á milli hennar og róttæks alþýðufólks. Að ýmsu leyti er Ögmundur auðvirðilegri loddari en Steingrímur og þarf þó mikið til þess.

[Anna Sigríður Guðmundsdóttir, 8.10.2016 kl. 01:16]

Jóhannes. Það eru undarlegir tímar. Tímar upplýstra og alnetsins almenningsins meðvitaðra, og meðvirkniblekkinga, og vanþróunar-lyga.

Og ekki nokkurt orð að marka lögmannafélaganna verjandi spillingu, og fjölmiðla-kúgað/blekkt fólk, frekar en fyrri daga.

Marklaus hótaranna framkölluðu orð, fyrrum blekkta og kúgaða fólksins, sem kramið er undir hótunar og kúgunarhæl banka/lífeyrissjóða, og sýslumannsembættanna-rænandi  og dómstólavörðu. Og ekki síst kramið undir lyga og okurlánastofnun: Háskóla Íslands! (Það sem er kennt í dag, er of oft orðin úrelt rándýr okurlánaranna blekking á morgun).

Heilaþvottastöð Háskóla Íslands, og Hæstaréttarforseta-fjölskyldustemningarinnar "huggulegu", OG LANDSSTJÓRNANDI, í einu og öllu.

En, "endilega", kjósum aftur einræðis-Forseta Hæstaréttar Íslands, og Háskóla-lagaprófessors-einræðisherra-frúna hans!

Þá breytist víst öll spilling mafíudómstólakerfisins á Íslandi, í nýtt mafíudómstólakerfi af sams konar "alveg nýrri sort"!

"Miklu betri" einræðis-mafíu-dómsstólasvikakerfis-sort, heldur en núverandi einræðis-mafíu-dómsstólasvikakerfis-sort!

Hvað er eiginlega að okkur Íslendingum?

Að halda að við séum að fara að kjósa "nýja" stjórn á Íslandi í haust? Með sama gamla lögfræðinga/dómsstóla-spillingarstóðinu fjölmiðlakúgandi?

Með allar sínar heilaþvotta-skoðanakannana-áróðurslygar og bull?

Kjósa áframhaldandi siðlausa vanþróunar-stöðnun, lygahönnunar-fjölmiðlakúgun, og þöggun raunveruleikans á Íslandi?

Til hvers í ósköpunum?

M.b.kv.