Ósköp er að sjá til hennar

Æ ósköp er að sjá til hennar Katrínar litlu eftir að hún varð forsætisráðherra. Lítið boðaði hún áður og enn minna nú, og er það gott mundi margur segja. Mér er til efs að Katrín viti hvað veiðigjörld eruog enn minna virðist hún vita hvernig það fer fram að veiða og vinna þorsk, ýsu og steinbít og hvernig sú atvinna hefir þróast í tímans rás. Þessi stúlka virðist aldrei hafa hugsað út í eitt né neitt og orðið samdauna kapítalismanum og borgarastéttinni án þess að hafa hugmynd um það.

Orða- og hugsunarlaust þjónustar hún kvótagreifana, sem lagt hafa undir sig auðlindir hafsins, og hjúfrar sig því fastar undir handarkríkann á Steingrími J. sem sá náungi verður óforskammaðari og siðblindari. Ef Katrín væri sósíalisti og hæfur leiðtogi vinstrihreyfingar væri hún ekki að gera gælur við hið sóðalega útgerðarauðvald og því síður við hrappinn Steingrím. Þess í stað mundi hún berjast af hugsjón og alefli fyrir því að útgerðarauðvaldið verði sett af og fólkið sjálft eignist útgerðina, sem og fleiri atvinnutæki; og Steingrími mundi hún vera búin fyrir löngu að sparka úr húsi eins og skítugum og frekum flækingsketti.

En því miður er Katrín ekki sósíalisti eða vinstrisinni af nokkru tagi, þó svo hún hafi atvinnu af atkvæðum sósíalista. Hvað er Katrín þá í pólitíku tilliti? Því er fljótvarað: Hún er ekkert, nákvæmlega ekki neitt í pólitísku tilliti, núll og nix. Að vísu algerlega samdauna auðvaldinu og illum pólitískum sótröftum. En það hlálegasta af þessu öllu með Katrínu er að meðreiðarsveinar hennar og meyjar í þingflokki VG er af sama náttúrulausa undanrennutaginu og hún sjálf, nema Steingrímur J., hann er hugsjónalaus óþokki, sem hvergi ætti betur heima en utangarðs. 

Leggur til óbreytt veiðigjöld

Athugasemdir

[Aztec, 7.6.2018 kl. 11:05]

Þetta er rétt hjá þér. VG (Vinstri grasasnar) hafa aldrei hugsað til alþýðunnar. Allar kellingarnar í flokknum eru öfgafemínistar sem velta sér upp úr tittlingaskít og einblína á einskisnýt gæluverkefni.

Heilbrigðisráðhefunni henni Svandísi gæti t.d. ekki verið meira sama um sjúklinga, hvað þá langveik börn. Alls konar flipp og uppákomur á hug hennar allan. En það er ekkert nýtt. Ögmundur Jónasson var líka á sínum tíma algjörlega gagnslaus sem ráðherra, en hann var mikið hættulegri eiginhagsmunaseggur en Svandís, enda tókst honum með blackmail og svikum að sölsa undir sig þriðja valdamesta ráðuneytið eftir að hann floppaði sem heilbrigðisráðherra.

Ég varð fyrst var við hversu ónýt Katrín er þegar hún á elliárum vinstristjórnarinnar lagði til að aðlögunarviðræðunum við ESB skyldi haldið áfram "svona í 1 - 2 ár, til dæmis". ????

Þannig stimplaði hún sig og flokkinn inn sem ESB-áhangendur og allar afsakanir Steingríms um að ógæfukvendið Jóhanna hefði kúgað hann og flokkinn til að gleypa ESB-úlfaldann árið 2009 var augsýnilega tómt kjaftæði.

Steingrímur, Katrín og Svandís blakta til vinstri og hægri eins og það hentar þeim. Enda hafa þau lært það af Framsókn, að þannig stefnuleysi sé ávísun á sæti í ríkisstjórn oftar en ekki.