Framsóknarmaður fer í framsóknarverkfall í mars

Nei sko, ætlar ekki nema framsóknarmaðurinn á Akureyri í framsóknarverkfall í mars. Það held ég verði nú barn í brók. Það er nefnilega allt líkt með framsóknarvírusnum og krataeðlinu, þetta er sami sjúkdómurinn þegar öllu er á botninn hvolft og legast aðallega á vissar heilastöðvar sem hafa með skynsemi, heiðarleik og sannleiksást að gera. Svo talar framsóknarverkalýðurinn við Eyjafjörð eins og hann hafi ekki vitað neitt um upp á hvað stríðsyfirlýsing ríkisstjórnarinnar við láglaunafólk ætti að hljóða; þessi einstaki framsóknarformaður er nefnilega í margfalt betra sambandi við ráðsmann, húskarla og griðkur Framsóknarmaddömunnar í Framsóknarfjósinu heldur en verkafólk, hvað þá hann sé í sambandi við hina nýju, róttæku verkalýðsforustu.

Það sem maður sjái kallpúnginn, einan í verkfalli á muflumprýddri skrifstofu sinni, veifandi framsóknarfánanum og í beinu sambandi við Sigurð Inga, gifturíka kaupfélagsstjórann á Króknum, Guðna og að sjálfsögðu gömlu, karlægu og geggjuðu Framsókanrmaddömuna, sem farin er að lykta eins og mjög alvarlegt umhverfisslys. Það er sko verkalýðsbárátta sem brað er af og talandi er um.

En ósköp er þessi loddaraleikur framsóknarverkalýðsins fyrir norðan land orðinn lúinn og snjáður; það hefir aungin sála gaman að þessu framsóknarfarsalengur, nema auðvitað Samherjarnir, sem hlægja sig máttlausa á hverjum degi að baráttuhug og baráttutiltektum Bjössa framsóknarverkalýðs á verkalýðskontórnum á Akureyri.

Verkföll líkleg í mars