Þeir stömpuðu Þórhildi Sunnu vegna skorts á kjörþokka og tóku upp McCarthysisma í þokkabót

Mikil tíðendi hafa orðið í stjónmálasögu Íslands. Smári McCarthy hefir verið gjörður að formanni Pírata! Á sama hátt var frú H. Mogensen sett í hlutverk þingflokksformanns Pírata, en Þórhildi Sunnu varpað fyrir borð, því það er skoðun Pírata að Þórhildur Sunnar ,,lúkki" ekki eins vel og frú Mogensen, það er að segja, að frú Mogensen bjóði af sé meiri kjörþokka, þó ekki sé hann mikill, en Þórhildur Sunna. Með þessu hefir McCarthysisminn orðið ofan á hjá Pírötum, bragðbættur með Mogensen WOW. Ö-hö-hö-hö.

Að öðru leyti eru Píratar sem fyrr tilgangslaus hænsnahópur, sljóir fulltrúar tómhyggju og fíflagangsheimsku, sem er ekki einusinni brosleg, heldur frámunalega leiðinleg á allra handa máta. Þessi eðjótaselskapur á auðvitað, eins og aðrir, sína jafningja, en þar fara fremstir hinn fáránlegi meirihluti í borgarstjórn Rekjavíkur að ógleymdu barnafélaginu Heimdalli, sem heldur utan um og heilaþvær hægrisinnuð börn og undirbýr þau fyrir að mæta í vist til Kölska gamla eftir að þau hafa sólundað lífi sínu í að skemma samfélagið eftir föngum.

En með valdatöku McCarthy og Mogensen megum við búast við að Píratar muni leita á enn ókunnuglegri mið en áður og með tíð og tíma verði umhverfi þeirra álíka bjart og hreinlegt og kjörlendi jötunuxans. Já, það er sannarlega illur óþefur af Píratagumsinu og ekkert vitrænt á boðstólum þar. Samt á þessi vatnsgrautarleðjudrulla, Pírataflokkurinn, öruggt fylgi upp á 10% eða svo. Þannig er nú ástandið nú um stundir á vitsmunum og dómgreind íslensku þjóðarinnar.    

Smári nýr formaður Pírata