Jóhannes Ragnarsson

13.11.2007 | 18:59

Frábær árangur í áfengisneyslu

Það er alltaf ánægjulegt þegar íslendingar ná árangri á einhverju sviði. Og árangur íslendinga í alkóhólþambi er ekki bara árangur, heldur stórkostlega framúrskarandi árangur, landi og þjóð til mikils sóma. 65% aukning í faginu á aldarfjórðungi er sko engin hégómi heldur fagur vitnisburður um kraftmikið víkingablóð í æðum frjálshuga þjóðar. Kunningi minn einn, GJH að nafni, er dæmigerður íslendingur hvað þetta varðar. Hann hann hefur fylgt þróununni og bætt á sig þessum 65% í brennivíni á umræddum tíma, þrátt fyrir að vandséð væri að hann gæti í nokkru bætt um betur fyrir 25 árum síðan. En minn maður hefur sem sé sannað á glæsilegan hátt að lengi er hægt að gera gott ástand betra og betra og skilar nú sínum 158 alkóhóllítrum á ári, án nokkurra erfiðismuna.

	Áfengisneysla jókst um 65% á Íslandi á aldarfjórðungi
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Þetta er auvitað allt miðað við höfðatölu eða hvað?

Ingibjörg Friðriksdóttir, 13.11.2007 kl. 21:34

Þetta er líklega miðað við höfðatölu, nema hjá vini mínum GJH, hann hefur bara einn haus til að innbyrða sína 158 alkóhóllítra og hefur auk þess engan áhuga á deila þeim með öðrum hausum.

Jóhannes Ragnarsson, 13.11.2007 kl. 22:10