Blautt barn - betra barn

Ójá, þeim þykir gaman að djúsa krakkagreyjunum. Þó er bót í máli, að þau drekka heilmikið af bjór og léttvíni, sem enginn verður fullur af. Svo er komið á markaðinn óáfengt brennivín, sem er ekki bara sérdeilis góður drykkur fyrir ölkær börn, heldur bindindisöm líka. Og fyrst að ástandið er svona gott í drykkjuskapsmálum barna og unglinga, er ekki eftir neinu að bíða með að leggja ÁTVR niður og hefja sölu á áfengi í öllum almennum verslunum sem það vilja. Þá þarf að styrkja stöðu víngerðarmanna, sem stunda iðn sína í bílskúrum heima hjá sér, svo að þeir geti selt viðskiptavinum sínum í yngri kantinum góða og vandaða vöru, svo sem óáfengan landa sem kætir barnsálina meir en orð fá lýst. Svo skulum við öll muna heilræðið góða: Blautt barn - betra barn.  

Áfengisneysla framhaldskólanema áhyggjuefni

Athugasemdir

[Alexander Kristófer Gústafsson, 22.11.2007 kl. 19:23]

Jeminn eini, hversu mikil afturhaldssegur getur einn maður verið(þú jóhannes)

[Alexander Kristófer Gústafsson, 22.11.2007 kl. 19:27]

Auðvitað á að leggja átvr niður og selja áfengi í öllum verslunum sem vilja það auk þess ættu það vera leyft að selja áfengi í verslunum  24/7, ég veit að svona skoðun fer fyrir brjóstið á vinstri sinnuðu afturhalddsegjunum

[Jóhannes Ragnarsson, 22.11.2007 kl. 19:47]

Það er akkúrat það, Alexander Kristófer. Ég lagði það sem sagt til í bloggi mínu hér að ofan, að Áfengis og tóbaksverslun ríkisins yrði lögð niður og sala á áfengi færi alfarið fram í almennum verslunum, m.a. ritfangaverslunum og leikfangabúðum, svo eitthvað sé nefnt. Auk þess lagði ég til, að staða víngerðarmanna verði styrkt. Ég er svo handviss um að þú býður ekki betur í tillögum um framfarir og frelsi, Alexander minn Kristófer.

[Ólafur Jónsson, 23.11.2007 kl. 16:33]

Ég ansi hræddur um að áfengisopnunartími hefur ekkert með það að segja hvað landanum finnst eðlilegt. Ég get alla vega fullyrt að álit mitt á áfengi breytist ekkert með opnunartímanum.