Rauðsmýrarmaddömur snobbelítunnar

Þeim flökrar nú ekki við, samfylkingarskoffínunum, að skipa erkiíhaldskerlinguna Sigríði Önnu sendiherra án sendiráðs. Og ég sem hélt að Samfylkingin hefði ekki verið soðin saman til að skipa útjaskaða stagkálfa Sjálfstæðisflokksins í hinar og þessar snobbstöður; ég man ekki betur einhver talaði um, á sínum tíma, að Samfylkingin væri skohh stofnuð til mótvægis og/eða höfuðs  Sjálfstæðisflokknum.

En auðvitað þarf enginn að vera undrandi á að frú Ingibjörg Sólrún utanríkisráðherra, stundum kennd við hjólbörurnar, ráði prestsmaddömuna Sigríði Önnu til sendiherra. Sannleikurinn er nefnilega sá að Ingibjörg þessi Sólrún er nánast samskonar íhald að hugsjón og upplagi og maddama Sigríður Anna; báðar einhverskonar rauðsmýrarmaddömur á sviði hins pólitíska leikhúss.

Til hamingju samfylkingarfólk með prestsmaddömuna í Mosfellssveit!  

Sigríður Anna skipuð sendiherra

Athugasemdir

[Guðjón H Finnbogason, 10.3.2008 kl. 21:13]

Ég hélt að það hafi verið rætt í Samfylkingunni að fækka sendiherrum en ekki fjölga.Það kostar ríkið ekkert neina smá peninga að greiða öllum þessum Sendiherrum lífeyrir þegar þeir hætta að vinna.

[Jóhannes Ragnarsson, 10.3.2008 kl. 21:24]

Hve vel á ekki textabrotið ,,helmingurinn lýgi, hitt allt eintóm svik" við um Samfylkinguna?

[Hafsteinn Viðar Ásgeirsson, 11.3.2008 kl. 20:59]

Þetta er nú gjörningur sem er algerlega óskiljanlegur, alveg sama þó það hefði vantað stórlega fólk, veit bara ekki hvert ætti að senda þennan kerlingartrúð...

[Ásthildur Cesil Þórðardóttir, 13.3.2008 kl. 13:23]

Já þetta er ótrúlegt, og Valgerður lét í sér heyra um málið, en hún stóð alla tíð í vegi fyrir þesskonar gjörð á sínum ferli sem utanríkisráðherra.