Vonandi verður þetta pólitísk ráðning

Nú er sem sé komið á daginn, að hvorki meira né minna en 10 manns sækja um stöðu vegamálastjóra. Það er dásamlegt, svo sé fastar kveðið að orði. Svo illa vill til, að ég þekki hvorki haus né sporð á þessum 10 þjóðvegavitringum, en vona hinsvegar innilega, og geri raunar ráð fyrir, að meðal þessara 10 leynist eðalborinn samfylkingarhægrikrati sem forustusauðir Samfylkingarinnar hafa velþóknun á. Ég vona nefnilega að útúr þessu komi komi pólitísk ráðning Smfylkingunni til dýrðar. Og ekki efast ég um að samgöngumálaráðherra muni liggja á liði sínu með að svo verði.