Um hvaða helvískan Jón er verið að blaðra?

Ég átta mig ekki á hvaða Jón er verið að tala um í meðfylgjandi frétt, og sagður hafa svikið svo og svo mikið undan skatti. Ég man eftir einhverjum Jóni, sem var í miklum metum hjá Hanezi H. Gissurarsyni og Davíoddsyni, ég held að hann hafi verið  Ólafsson eða Ólíversson, eða eitthvað svoleiðis. Svo man ég eftir Jóni Hreggviðssyni, sem sakaður var um að hafa myrt böðul í fylliríi, hann hlýtur að koma til greina. Ennfremur er mér minnisstæður Jón heitinn aumingi, sem er alltaf eins og heilagur Franz af Assisi til augnanna, sá var mikill skattsvikari man ég, og ekki síðri kvennamaður og kynvillingur; ég held, sveimérþá, að hann hafi í seinni tíð gerst fémínísti og frjálshyggjumaður í þokkabót. Hvort Jón heitinn aumingi sveik fleiri hundruð millíjonir undan skatti á árunum 1999 til 2002 skal ósagt látið en mér er þó kunnugt, að karlfjandinn stóð í einhverju frámunalega subbulegu kvótabraski á þeim tíma; en kvótabrask er fullkomlega löglegur gjörningur og stjórnvöldum þóknanlegt svo ekki verður Jón heitinn settur í steininn fyrir þann athafnaskáldskap.

Segist saklaus af ákærum

Athugasemdir

[Auðun Gíslason, 19.7.2008 kl. 00:01]

Þú hefur greinilega ekki heyrt um Jón á röltinu?  Kjarnakall, drykkjumaður og götumaður.  Hann var stundum "Hraunaður"; fór þá "í sveitina", einsog hann kallaði það!