Stuðningsmenn fánýtis og mannhaturs

Stríð og hernaðarvafstur er að sjálfsögðu ein samfelld nauðgun. Það versta er að þessum hroðalega viðbjóði er stjórnað af ráðamönnum heimsins, sem sýnir, svo ekki verður um villst, hvað mannkynið er hörmulega stutt á veg komið í andlegum þroska. Aldrei fæ ég skilið hversvegna í andskotanum stendur á því að almenningur skuli ekki fyrir löngu hafa losað sig við fyrirkomulag sem gerir ráð fyrir hernaðarumsvifum og styrjöldum. Og sannarlega er það fólk brjóstumkennanlegt, sem ljáir hernaðarhyggjunni skilyrðislausan stuðning sinn, vitsmuni og krafta. Meira að segja hér uppi á Íslandi er urmull af fólki, sem hefur orðið hernaðarhyggjunni og stríðsæsingu að bráð og er öldungis óviðræðuhæft þegar slík mál ber á góma og virðist ganga fyrirvaralaust af vitinu ef því er bent á þennan einkennilega sálarbrest sinn og fánýti og mannhatur hernaðarplágunar.  

29% kvenhermanna nauðgað

Athugasemdir

[Jóna Á. Gísladóttir, 2.8.2008 kl. 11:51]

Ég hætti aldrei að furða mig á öllu því sem gengur á í þessum geira á árinu 2008. Hjá þjóðum sem eiga að teljast siðmenntaðar. Stríð er eitthvað sem við eigum að lesa um í mannkynssögu-bókum. Ekki dagblöðum dagsins í dag. Og þessi frétt sýnir svo um munar að stríð og stríðsástand kallar fram lægstu hvatir manneskjunnar. 

[Níels A. Ársælsson., 3.8.2008 kl. 23:56]

Já, Hippókrates !

Þar voru kapitalistar að sprengja sína afurð í nafni auðvaldsins.