Þórunn tók Húsvíkinga ærlega í gegn í kvöld

Samkvæmt mínum áreiðanlegu heimildum tók Þórunn Sveinbjarnardóttir álvíkingana á Húsavík svoleiðis í gegn á fundinum í kvöld, að þeir hlupu skrækjandi úr húsi af skömm eins og halaklipptir hundar. Er það mál manna, að aldrei hafi nokkur kona á Íslandi gjörsigrað fullt hús af fólki í kappræðum á jafn innilegan og sannfærandi hátt og Þórunn umhverfisráðherra gerði þessa örlagaríku kvöldstund. Þessa stundina liggja, að því er fregnir herma, allir helstu álsköndlar Húsavíkur grátandi og miður sín undir einhverjum helvískum moldarbakka þar nyrðra og sleikja sár sín, sem flest eru djúp. Þar með er næsta víst að ekkert verður af álveri á Bakka - sem betur fer.

Þórunn ræddi við Húsvíkinga

Athugasemdir

[Gísli Sigurðsson, 12.8.2008 kl. 22:51]

Ég skil þetta hjá þér sem kaldhæðni. Samkvæmt fréttum og ummælum manna sem sátu fundinn, skreið Þórunn undan erfiðum spurningum eins og hræddur rakki og svaraði í raun ekki erfiðustu og áleitnustu spurningunum.

[Jóhannes Ragnarsson, 12.8.2008 kl. 23:07]

Það er svo sem ekki ólíklegt að hinir gjörsigruðu álvíkingar og kapítalistasleikjur reyni að spinna upp einhverjar fantasíur til að berja í brestina; þyrla upp ryki í þeirri von að fólk sjái ekki glöggt niðurlægingu þeirra. Svo er það gamall og þekktur siður tapara í kappræðum sem þessum, að láta eins og sigurvegarinn hafi ekki gert nægilega vel grein fyrir máli sínu. 

[Mikael Þorsteinsson, 12.8.2008 kl. 23:35]

Ég var staddur á  fundinum og Þórunn svaraði alls ekki erfiðu spurningunum sem hún fékk.. Eins og til dæmis hvaða aðila hún hafi ráðfært sig við í undirbúningi umhverfismatsins, svaraði engum spurningum um tilraunaboranir á Þeystareikjum, brosti líka heimskulegum brosum sínum við öllum kommentum sem var skotið á hana. Við vorum ekki gjörsigraðir þar ferðu með gjörsamlega rangt mál, heldur vorum við vonsvikin öll á fundinum nema þrír vinstri grænir einstaklingar af þeim 345 sem sóttu fundinn voru sáttir... ekki segja eitthvað rugl sem að þú veist greinilega ekkert um ;)

[Jóhannes Ragnarsson, 12.8.2008 kl. 23:46]

Engan þvætting, Mikael, og reyndu ekki að slá ryki í augu fólks varðandi hraksmánarlega útreið álsköndlana fyrir norðan.