Fylliraftar eiga ekkert erindi í sundlaugar

Þetta grunaði mig alltaf, að sundkálfurinn Michael Phelps væri bölvaður fylliraftur sem léti sér ekki muna um að delera við öll hugsanleg tækifæri. Mér er líka til efs að þessi armi þorpari hafi alltaf verið alsgáður þegar hann var að svamla á ólympíumótinu í Kína á dögunum. Ég sá í sjónvarpinu, þegar hann vann í einhverju hundasundinu þar austurfrá, og ég get svarið að drengfjandinn var blindfullur í því sundi því hann komst ekki hjálparlaust uppúr lauginni á eftir. Og nú segja fjölmiðlar að hann liggi íðí uppá hvurn dag eftir hann komst heim til sín aftur. Og ég verð ill svikinn ef ekki eiga eftir birtast margar fréttir á næstu misserum í fjölmiðlum af hneykslisverkum hins ölóða Michaels Phelps. Hvílík fyrirmynd ungra og hraustra barna atarna ... andskotinn hafi það.

Phelps lifir lífinu

Athugasemdir

[Davíð Orri (IP-tala skráð) 7.9.2008 kl. 12:08]

það kemru hvergi fram að hann neyti áfengis

[Jóhannes Ragnarsson, 7.9.2008 kl. 12:23]

Dettur þér í hug, Davíð Orri, að Michael hagi sér eins og viðundur á almannfæri án þess að hafa fengið sér ærlega neðan í því? Sérðu ekki að drengurinn er efni í rónatetur?

[Arnþór Ragnarsson, 7.9.2008 kl. 12:42]

Þetta eru nú meiri fyrirmyndarskrifin :) blót, mynd (eflaust stolin), rangfærslur og fullyrðingar út í hött!

[Jóhannes Ragnarsson, 7.9.2008 kl. 13:10]

Ég neita því ekki að skrifin hér fyrir ofan eru til mikillar fyrirmyndar, hvernig sem á þau er litið. Hinsvegar er mér gjörsamlega hulið hvar Arnþór Ragnarsson (hann er ekkert skyldur mér þó hann sé Ragnarsson eins og ég) hefur komið auga á ,,rangfærslur" og ,,fullyrðingar út í hött", eins og hann orðar það svo smekklega, í fyrirmyndarskrifunum mínum. Og myndin er góð og gild; ég tók hana meira að segja sjálfur með eigin hendi af náunga sem er vínandlegur náfrændi drykkfellda sundmeistarans. 

[Ingibjörg Friðriksdóttir, 7.9.2008 kl. 13:15]

Sagt er að hann sé farin að manga til við Lindsay Lohan og gott ef ekki Paris Hilton sé á lista yfir þær fraukur sem hann hefur sést með.  En mér er svo sem alveg sama ef UB fær að vera í friði.

Við munum nú eftir Birni Borg, einum Beckarum, George Best, svo ég tali nú ekki um Maradonna.

Það ætti að leggja niður þessa olympíuleika og alla aðra leika sem stuðlað geta að úrkynjun mannkyns.

[Brynjólfur Bragason, 7.9.2008 kl. 13:46]

Þeir eiga ekkert erindi  í laugina nema að hún sé full af brennívíni. Man eftir róna sem taldi sig hafa drukkið brennivín sem samsvaraði einni sundlaug um ævina, líklega Laugardalslaug.

[Jóhannes Ragnarsson, 7.9.2008 kl. 14:13]

Úr því sem komið er held ég að fari best á að Phelpsarinn láti sér nægja að synda í laugum sem fylltar eru með brennivíni; hann þarf þá ekki að hafa áhyggjur af að renni af honum meðan á sundsprettinum stendur. Mér líst nokkuð þokkalega, Brynjólfur, á rónann, vin þinn, sem búinn er að drekka uppúr fulliri Laugardalslaug af sterku áfengi. Ég á reyndar góðvin vestur á fjörðum, sem líka hefur drukkið sundlaugarmangn af víni, en í því tilfelli er aðeins um að ræða 25 metra sundlaug.

Hinsvegar þykir mér tillaga Ingibjargar um að leggja niður alla ólympíska leika full róttæk fyrir minn smekk. Þvert á móti ætti að fjölga keppisgreinum á ólimpíuleikunum um allan helming, eða meira. Til dæmis er orðið mjög aðkallandi að keppt sé á umræddum leikum í greinum eins og gagnkyhneigð, samkynhneigð og bíséxúalisma, svo fátt eitt sé nefnt, að maður minnist ekki á fémínísma og auglýsingaskrum. 

[Sigurbjörn Friðriksson, 7.9.2008 kl. 14:41]

Jóhannes Ragnarsson bloggvinur minn!  Nú held ég að þú þurfir að fara og leggja þig fram að hádegi á morgun, til að láta renna af þér.  Ég veit að þú er róttækur vinstrisinni, en það afsakar ekki öfund og rógmælsku á borð við pistilinn þinn og tilsvörin við athugasemdunum.  Nú er ég hræddur um að hann Bakkus fjandvinur mannkynsins hafi verið að heimsækja þig og sé ekki farinn ennþá, núna þegar þú skrifaðir síðustu færslu kl. 14:13.  Ég legg til; 2 góða lýsissopa, súptu úr 2 hráum eggjum, 2 stór mjókurglös og einhverjar samlokur, nema þú eigir eitthvað heitt, annað en toddý, og farir svo og leggir þig og talir við okkur aftur á morgun.

Kær kveðja, Björn bóndiïJð<

[Jóhannes Ragnarsson, 7.9.2008 kl. 14:52]

Heldur þú, Björn minn bóndi, að ég öfundi brennivínssunddólginn fyrir að hafa unnið til verðlauna á ólympísku leikunum? Nei væni minn, þar skjátlst þér hrapalega, ég samgleðst nefnilega strákófétinu heilshugar inn að dýpstu hjartarótum. Þar fyrir utan er ég, nú sem aðra daga, alsgáður af eiturnautn eins og nýborið lamb, og lýsið svíkst ég aldrei um að drekka á morgnanna.    

[Sigurbjörn Friðriksson, 7.9.2008 kl. 15:26]

Góur - eins og Færeyingarnir bestu frændur okkar segja.

Kær kveðja, Björn bóndiïJð<