Hver er sannleikurinn um deCodebramboltið?

Með reglulegu millibili tilkynnir Kári Stefánsson, fyrir hönd Íslenskrar erfðagreiningar, um nýjustu uppgötvanir stofnunarinnar og lætur þá jafnan að því liggja brátt verði hinir og þessir kvilla, sem hrjá mannkynið, úr sögunni. Þessar tilkynningar deCode-meistarnas éta fjölmiðlar hráar án þess svo mikið sem gera tilraun til að melta þær. Ekki man ég í hve mörg ár erfðagreiningin hans Kára hefur starfað, en þau eru orðið þó nokkur. Ekki man ég heldur til þess að hið stórbrotna erfðagreiningarbrambolt hafi læknað nokkurn einasta mann, eða lyf verið brugguð á grundvelli þess. Hinsvegar var fjöldi saklausra einstaklinga gabbaðir til að kaupa hlutabréf í hinu alræmda díkódi Kára Stefánssonar með lokkandi fyrirheitum um skjófenginn ofsagróða. Reyndin varð auðvitað allt önnur: fyrr en varði sátu fórnarlömbin uppi með skjótfengið ofsatap og hlutabréf sem voru álíka verðmæt og notaður salernispappír.

Það hlýtur að fara að verða tímabært, að almenningur verði upplýstur um allan sannleikann varðandi Íslenska erfðagreiningu. Fólk á orðið kröfu á að vita hvort þarna sé um raunhæfa starfsemi að ræða eða innantómt prump, sjónhverfingar, loddaraleik.  

ÍE varpar ljósi á krabbamein

Athugasemdir

[hilmar jónsson, 6.2.2009 kl. 22:46]

Nákvæmlega það sem ég var að hugsa, .

[Vilhjálmur Örn Vilhjálmsson, 6.2.2009 kl. 23:28]

Heldurðu að kammerat Kári sé loddari?

Ég held að hann sé fyrir löngu búinn að finna genin sem stjórna þeim sem auðvelt er að gabba.

Þau hafa háa tíðni á Íslandi.

[Ólafur Einarsson, 7.2.2009 kl. 12:39]

Sammála, þetta er nú samt svipað öðru í þessu ágæta landi. Þú færð ekki að vita hvað gerist bak við tjöldin, ekki víst að þú mundir vilja það, og öruggt að margir mundu ekki þola það.

[Jóhannes Ragnarsson, 7.2.2009 kl. 13:12]

Það er nú það sem að er, Villi, ég get ómögulega gert mér grein fyrir hvort Kári sé loddari eða ekki.