Og enn finnst einn dauður

Hamförum Eyjafjalladraugsins linnir ekki. Í nóvember hvarf þar maður, Brandur að nafni, og fannst síðan dauður við sjó, blár og blóðrisa. Þykir sýnt, að draugur sá hinn sami og manninum varð að bana í fyrra, hafi verið þar að verki. Anno 1638

Draugur drepur menn

Vinnumaður einn á Helgafelli átti ógóða jólanóttina. Gerði draugur eða djöfull í kvenmannsmynd honum harða ásókn, dró hann upp að fellinu og reif af honum fötin. Þar fannst hann nær dauða en lífi og viti sínu fjær, en fólk saknaði hans og leit var hafin. Annan mann drap draugur nú á jólaföstunni. Hann hét Þorvarður og átti heima undir Eyjafjöllum.

Desember 1637

 

Afmælisferð í draugahús

Flúði Björn Inga og Hönnu Birnu

Hafi John Lennon gert sér ferð úr heimi framliðinna og út í Viðey í gærkvöldi, er ég ansi hræddur um, að hann hafi verið fljótur að láta sig hverfa aftur, þegar hann sá framan í Björn Inga, Hönnu Birnu og annað mannval í smjaðurkór elítunnar, sem þar var saman komið. Hið 67 ára gamla afmælisbarn hefur náttúrlega á svipstundu gert sér grein fyrir að þarna væri söfnuður, sem að stórum hluta væri mannaður stuðningsmönnum stjórnmálaflokka sem stutt hafa stríðshaukana í Wasington, árum og áratugum saman, og að hjá þessháttar liði ætti ,,friðurinn lítinn sjéns !

„John er hér með okkur"

Efnilegt möppudýr í hópmálssóknarúrræðum

Það er aldeilis efnilegur ungur maður þessi Gísli Tryggvason, sem sagður er talsmaður neytenda. Eins og upprennandi möppudýri sæmir, þá er þessi talsmaður neytenda með öllu óskiljanlegur, ef marka má meðfylgjandi fréttaklausu. Ég verð að viðurkenna að ég var t.d. all langan tíma að klóra mig í gegnum fyrirsögnina: ,,Hópmálssóknarúrræði skortir." -Hverskonar munnsöfnuður er þetta eiginlega, sagði ég við sjálfann mig og fletti upp orðabók til að leita að ,,hópmálssóknarúrræði" en varð engu nær. En hraðbrautir fagmenntaðra möppudýra eru órannsakanlegar, ekki síður en vegirnir hans Guðs, og því verð ég að sitja uppi með skilningsleysi mitt á ,,hópmálssóknarúrræðinu", sem í mínum eyrum hljómar eins og djöflaþýska af svæsnustu tegund. 

Hópmálssóknarúrræði skortir

Camilla á LSD trippi?

Hmmm ... tengdadóttir bretadrottningar ,,alveg í skýjunum???" Hvað þýðir það? Að hún sé á LSD trippi? Samkvæmt klassískum dulmálslyklum þýðir ,,alveg í skýjunum" að vera út úr kortinu af LSD nautn. Og barnabarnið heitir Lóla eins og persónan í versinu eftir Ray Davies. Nú er eitthvað mikið um að vera í kóngakotinu í Lundúnaborg. Svo er bara að vona að eiginmaður Camillu hagi sér skikkanlega á meðan kona hans veður skýin.  

Camilla orðin amma

Holdgerfingar stríðsreksturs á fremsta bekk.

Það fór sem mig grunaði, að slettirekur, sem þekktar eru fyrir annað en friðarbaráttu, plöntuðu sér fremstar í flokk þeirra sem viðstaddir voru vígslu friðarsúlunnar í Viðey. Það var ekki laust við að setti að mér ósvikna klíju, að horfa upp á smettin á Birni Inga fyrrum aðstoðarmanni Halldórs Ásgrímssonar og Hönnu Birnu starfsmanns Sjálfstæðisflokksins á Davíðstímanum í allra fremstu víglínu við athöfnina. Þau virkuðu á mig eins og holdi klæddir fulltrúar innrásarinnar í Írak og heimsvaldastefnu Bandaríska auðvaldsins. Og ræðuhöld Vilhjálms Rei borgarstjóra voru hreint og beint eins og skrattinn úr sauðarleggnum, ósmekkleg og óviðeigandi súrrealísk. Ég er alls ekki viss um að Yoko Ono hafi haft hugmynd um hvaða tegund af ,,friðarsinnum" höfðu tillt sér á fremsta bekk, en víst er um að þeir settu ansi aurugan blett á atburð kvödsins. 

„Gjöf frá John og Yoko og íslensku þjóðinni til heimsbyggðarinnar“

Það hlakkar í Ringo

Auðvitað hlakkar Ringo til að sjá alla hina friðlegu aðdáendur ,,stríðshaukana" í Wasington, sem kvu ætla að troða sér út í Viðey í kvöld. Það er heldur ekki á hverjum degi sem slíkt metfé flaðrar upp um minningu Johns Lennons. Mér segir svo hugur, að Ringo verði ekki fyrir vonbrigðum í kvöld. 

Ringo kominn til landsins

Mætið með lurka og gasgrímur í Ráðhúsið á morgun

Það er mér bæði ljúft og skylt, að hvetja þá Reykvíkinga sem ætla fjölmenna á aukaborgarstjórnarfundinn á morgun, að hafa með sér lurka og gasgrímur og vera þess viðbúnir að Gúttóslagurinn góði frá 1932 endurtaki sig. Til fróðleiks, er rétt að geta þess að í nefndum Gúttóslag tóku verkamenn í Reykjavík eftirminnilega í lurginn á þáverandi bæjarstjórn, með þeim góða árangri að bæjarfulltúarnir þorðu ekki öðru en að falla frá smásálarlegr aðför sinni að verkafólki sem starfaði í ,,atvinnubótavinnu" á vegum Reykjavíkurbæjar. Í annálum ef frá því greint, að í Goodtemplarhúsinu hafi verið ófagurt um að litast eftir fundinn. Hver einasta rúða var mölbrotin. Húsmunir í salnum flestir brotnir og bramlaðir, og grindur þær, sem verið höfðu milli bæjarstjórnar og áheyrenda, nálega horfnar. Nú er bara að sjá hvernig Ráðhúsið verður útleikið eftir fundinn á morgun ! 

Aukafundur í borgarstjórn á morgun

Herra Haaarde og frú Gíslason öðlast sálarró

Mikið held ég að hafi farið ljúfir unaðsstraumar um kroppana á Geir Haaarde og Ingibjörgu Sólrúnu, þegar NATO-stjórinn Hopp Sjeffer lét þá visku út ganga af sínum friðelskandi munni, í vitna viðurvist, að hann væri búinn að heita herra Haaarde, lofa herra Haaarde, að beita sér fyrir því að NATO hugi meira að vörnum í norðurhöfum.  Þvílíkur frelsunarboðskapur af vörum NATO-stjórnans ! Við megum því gera ráð fyrir, að brátt geti herra Haaarde og frú Gísladóttir sofið róleg um nætur í þeirri fullvissu að óvinurinn ráðist ekki á þau.

NATO mun huga meira að vörnum í norðri

Vér ræningjar.

Hvenær megum við eiga von á forsíðufétt í Íslensku dagblaði undir fyrirsögninni: Tugir handteknir í aðgerðum gegn einkavæðingarræningjum á Íslandi? 

Tugir handteknir í aðgerðum gegn mafíunni á Sikiley